KRDCL ನಲ್ಲಿ 3 , 163 ಕೋಟಿ ಅಕ್ರಮ ಟೆಂಡರ್‌ – 600 ಕೋಟಿ ಭ್ರಷ್ಟಾಚಾರ – ಹಗರಣದ ಸಂಪೂರ್ಣ ದಾಖಲೆಗಳನ್ನು ಬಿಡುಗಡೆ ಮಾಡಿದ N.R. ರಮೇಶ್.

KRDCL ನಲ್ಲಿ 3 , 163 ಕೋಟಿ ಅಕ್ರಮ ಟೆಂಡರ್‌ – 600 ಕೋಟಿ ಭ್ರಷ್ಟಾಚಾರ H . D . ರೇವಣ್ಣ ಮತ್ತು H . C . ಮಹದೇವಪ್ಪ ರಿಂದ ಚುನಾವಣೆಗೆ ನೂರಾರು ಕೋಟಿ ವಸೂಲಿ ಬಹುಶಃ ಈ ಕ್ಷಣದವರೆಗೆ KRDCL ಸಂಸ್ಥೆಯ ಬಗ್ಗೆಯಾಗಲೀ ಅಥವಾ ಆ ಸಂಸ್ಥೆಯಲ್ಲಿ ನಡೆಯುವ ಬ್ರಹ್ಮಾಂಡ ಭ್ರಷ್ಟಾಚಾರಗಳ ಬಗ್ಗೆಯಾಗಲೀ ಅಷ್ಟೊಂದು ಮಾಹಿತಿಗಳು ಯಾರಿಗೂ ದೊರೆತಿಲ್ಲವೇನೋ ? ? ? ! ! ! ಹೌದು ! ! ! ಕರ್ನಾಟಕ ರಸ್ತೆ ಅಭಿವೃದ್ಧಿ ನಿಗಮ ನಿಯಮಿತ ( KRDCL ) ಎಂಬ ರಾಜ್ಯ ಸರ್ಕಾರದ ಲೋಕೋಪಯೋಗಿ ಇಲಾಖೆಯ ಅಧೀನದಲ್ಲಿರುವ ಸಂಸ್ಥೆಯಲ್ಲಿ ನಿತ್ಯ ನಿರಂತರವಾಗಿ ನಡೆಯುವ | ನಡೆಯುತ್ತಿರುವ ಅಪಾರ ಪ್ರಮಾಣದ ಭ್ರಷ್ಟಾಚಾರಗಳ ಬಗ್ಗೆ ಯಾರೊಬ್ಬರೂ ಅಹ ಅಷ್ಟೊಂದು ತಲೆ ಕೆಡಿಸಿಕೊಂಡಿರಲಿಲ್ಲ . ಆದರೆ , ಜಲ ಸಂಪನ್ಮೂಲ ಇಲಾಖೆಯನ್ನು ಮತ್ತು ಲೋಕೋಪಯೋಗಿ ಇಲಾಖೆಯನ್ನೂ ಮೀರಿಸುವ ಬೃಹತ್ ಮಟ್ಟದ ಭ್ರಷ್ಟಾಚಾರ ನಡೆಯುವುದು KRDCL ಸಂಸ್ಥೆಯಲ್ಲಿಯೇ ಎಂಬುದು ದಾಖಲೆಗಳಿಂದ ಬಹಿರಂಗವಾಗಿದೆ . – KRDCL ಸಂಸ್ಥೆಯು PWD ಇಲಾಖೆಯ ಅಧೀನ ಸಂಸ್ಥೆಯಾಗಿದ್ದು , ಈ ಸಂಸ್ಥೆಯ “ ಟೆಂಡರ್ ಅನುಮೋದನೆ ಸಮಿತಿ ” ಗೆ ಆಯಾ ಕಾಲದಲ್ಲಿ ಲೋಕೋಪಯೋಗಿ ಇಲಾಖೆಯ ಸಚಿವರಾಗಿರುವವರೇ ಅಧ್ಯಕ್ಷರಾಗಿರುತ್ತಾರೆ . ಉಳಿದಂತೆ ಈ ಸಮಿತಿಯ ನಿರ್ದೇಶಕರುಗಳಾಗಿ – KRDCL ನ ವ್ಯವಸ್ಥಾಪಕ ನಿರ್ದೇಶಕರು , PWD ಇಲಾಖೆಯ ಕಾರ್ಯದರ್ಶಿಗಳು ಸೇರಿದಂತೆ 03 ಮಂದಿ IAS ಅಧಿಕಾರಿಗಳು ಹಾಗೂ ಇತರೆ 07 ಮಂದಿ ಅಧಿಕಾರಿಗಳು ಸರ್ಕಾರದಿಂದ ನಿಯೋಜನೆಗೊಂಡಿರುತ್ತಾರೆ .

• ಲೋಕೋಪಯೋಗಿ ಸಚಿವ H. D. ರೇವಣ್ಣ ಮತ್ತು ಮಾಜಿ ಸಚಿವ H. C. ಮಹದೇವಪ್ಪ ವಿರುದ್ಧ ACB ಮತ್ತು ಲೋಕಾಯುಕ್ತದಲ್ಲಿ ದೂರುಗಳು ದಾಖಲು.
• KRDCL ನ ವ್ಯವಸ್ಥಾಪಕ ನಿರ್ದೇಶಕ B. S. ಶಿವಕುಮಾರ್ ವಿರುದ್ಧವೂ ದೂರುಗಳು ದಾಖಲು.
• ಹಿರಿಯ IAS ಅಧಿಕಾರಿಗಳಾದ ರಜನೀಶ್ ಗೋಯೆಲ್, ಏಕರೂಪ್ ಕೌರ್, ನವೀನ್ ರಾಜ್ ಸಿಂಗ್ ಮತ್ತು ಡಾ|| ಸಂದೀಪ್ ದಾವೆ ಅವರುಗಳ ವಿರುದ್ಧವೂ ದೂರುಗಳು ದಾಖಲು.
• ಲೋಕೋಪಯೋಗಿ ಇಲಾಖೆಯ ಕಾರ್ಯದರ್ಶಿ ಕೃಷ್ಣಾರೆಡ್ಡಿ ಸೇರಿದಂತೆ KRDCL ನ ಮುಖ್ಯಸ್ಥರಾಗಿದ್ದ ಗಣೇಶ್ ಮತ್ತು ಇತರೆ 10 ಅಧಿಕಾರಿಗಳ ವಿರುದ್ಧವೂ ದೂರುಗಳು ದಾಖಲು.
• ಇವರೆಲ್ಲರ ವಿರುದ್ಧ ಅಧಿಕಾರ ದುರುಪಯೋಗ, ವಂಚನೆ, ಭ್ರಷ್ಟಾಚಾರ, ಕಾನೂನು ಬಾಹಿರವಾಗಿ ಟೆಂಡರ್ ಅನುಮೋದನೆ ಪ್ರಕರಣಗಳು ದಾಖಲು.
• ಕರ್ನಾಟಕ ರಸ್ತೆ ಅಭಿವೃದ್ಧಿ ನಿಗಮ (KRDCL) ದಲ್ಲಿ 3,163 ಕೋಟಿ ಮೊತ್ತದ ಬೃಹತ್ ಟೆಂಡರ್ ಅಕ್ರಮಗಳ ಹಗರಣ ಬಯಲು.
• ಲೋಕೋಪಯೋಗಿ ಇಲಾಖೆಯ ಅಧೀನ ಸಂಸ್ಥೆಯಾಗಿರುವ ಕರ್ನಾಟಕ ರಸ್ತೆ ಅಭಿವೃದ್ಧಿ ನಿಗಮ ನಿಯಮಿತ.
• ಪ್ರಸ್ತುತ ಲೋಕೋಪಯೋಗಿ ಇಲಾಖೆಯ ಕಾರ್ಯದರ್ಶಿಗಳಾಗಿರುವ ಕೃಷ್ಣಾರೆಡ್ಡಿ ಯವರು ಈ ಹಿಂದೆ ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆಯಲ್ಲಿ ಮುಖ್ಯ ಅಭಿಯಂತರರಾಗಿದ್ದರು.
• ಸಿದ್ಧಯ್ಯನವರು ಪಾಲಿಕೆಯ ಆಯುಕ್ತರಾಗಿದ್ದ ಸಂಧರ್ಭದಲ್ಲಿ 2011 ರಲ್ಲಿ ಮುಖ್ಯ ಅಭಿಯಂತರರಾಗಿದ್ದ ಕೃಷ್ಣಾರೆಡ್ಡಿ ಯವರನ್ನು ಅವ್ಯವಹಾರ ಮಾಡಿದ್ದ ಸಂಬಂಧ ಅಮಾನತುಗೊಳಿಸಿದ್ದರು.
• ಲೋಕೋಪಯೋಗಿ ಇಲಾಖೆಯ ಸಚಿವರು – KRDCL ಟೆಂಡರ್ ಅನುಮೋದನಾ / ಪರಿಶೀಲನಾ ಸಮಿತಿಯ ಅಧ್ಯಕ್ಷರಾಗಿರುತ್ತಾರೆ.
• 2018-19 ರ ಅವಧಿಯಲ್ಲಿ KRDCL ನಲ್ಲಿ 10 ಪ್ಯಾಕೇಜ್ ಗಳ 1,433 ಕೋಟಿ ಮೊತ್ತದ ಕಾಮಗಾರಿಗಳ ಟೆಂಡರ್ ಪ್ರಕ್ರಿಯೆಯಲ್ಲಿ ಭಾರೀ ಅಕ್ರಮ.
• 2017-18 ರ ಅವಧಿಯಲ್ಲಿ KRDCL ನಲ್ಲಿ 15 ಪ್ಯಾಕೇಜ್ ಗಳ 1,714 ಕೋಟಿ ಮೊತ್ತದ ಕಾಮಗಾರಿಗಳ ಟೆಂಡರ್ ಪ್ರಕ್ರಿಯೆಯಲ್ಲಿ ಭಾರೀ ಅಕ್ರಮ.
• 25 ಪ್ಯಾಕೇಜ್ ಗಳ 2,552 ಕೋಟಿ ಅಂದಾಜು ಮೊತ್ತದ ಕಾಮಗಾರಿಗಳಿಗೆ 611 ಕೋಟಿಗಳಷ್ಟು ಅಧಿಕ ಮೊತ್ತವನ್ನು ಸೇರಿಸಿ 3,163 ಕೋಟಿಗಳಿಗೆ ಅನುಮೋದನೆ ನೀಡಲಾಗಿದೆ.
• 2019 ರ ಲೋಕಸಭಾ ಚುನಾವಣೆಗೂ ಮುನ್ನ KTPP ಕಾಯ್ದೆಗೆ ವಿರುದ್ಧವಾಗಿ ಆತುರಾತುರವಾಗಿ 1,433 ಕೋಟಿ ಮೊತ್ತದ ಕಾಮಗಾರಿಗಳ ಟೆಂಡರ್ ಪ್ರಕ್ರಿಯೆಗಳಿಗೆ ಅನುಮೋದನೆ ನೀಡಲಾಗಿದೆ.
• ಲೋಕೋಪಯೋಗಿ ಸಚಿವ H. D. ರೇವಣ್ಣ ರವರ ಸೂಚನೆಯಂತೆ ಟೆಂಡರ್ ಪ್ರಕ್ರಿಯೆಯಲ್ಲಿ ಭಾರೀ ಅವ್ಯವಹಾರ ನಡೆದಿದೆ.
• 1,275 ಕೋಟಿ ಅಂದಾಜು ಮೊತ್ತದ 10 ಪ್ಯಾಕೇಜ್ ಗಳಿಗೆ ಗುತ್ತಿಗೆದಾರರು ನಮೂದಿಸಿದ್ದ 174 ಕೋಟಿ ಗಳನ್ನು ಸೇರಿಸಿ 1,449 ಕೋಟಿ ಮೊತ್ತದ ಟೆಂಡರ್ ಗಳಿಗೆ ಅನುಮೋದನೆ ನೀಡಲಾಗಿದೆ.
• ಹಾಸನ ಮತ್ತು ತುಮಕೂರು ಲೋಕಸಭಾ ಚುನಾವಣೆಗಳಿಗೆ ಹಣ ಸಂಗ್ರಹಿಸಲು ಆತುರಾತುರವಾಗಿ ಟೆಂಡರ್ ಅನುಮೋದನೆ ನೀಡಲಾಗಿದೆ.
• 10 ಪ್ಯಾಕೇಜ್ ಗಳ 1,449 ಕೋಟಿ ಮೊತ್ತದ ಅಕ್ರಮ ಟೆಂಡರ್ ಗಳಿಗೆ ಅನುಮೋದನೆ ಕೊಡಿಸುವ ಮೂಲಕ ಗುತ್ತಿಗೆದಾರರಿಂದ H. D. ರೇವಣ್ಣ ನವರು 100 ಕೋಟಿ ರೂಪಾಯಿಗಳಿಗೂ ಹೆಚ್ಚು ಮೊತ್ತವನ್ನು ಕಿಕ್ ಬ್ಯಾಕ್ ರೂಪದಲ್ಲಿ ಪಡೆದಿದ್ದಾರೆ.
• ಪ್ಯಾಕೇಜ್ ಸಂಖ್ಯೆ 4 B ಯ 157 ಕೋಟಿ ಮೊತ್ತದ ಕಾಮಗಾರಿಗೆ ಮೊದಲ ಬಾರಿ ಕರೆಯಲಾಗಿದ್ದ ಟೆಂಡರ್ ನಲ್ಲಿ NCC ಸಂಸ್ಥೆಯು ಭಾಗವಹಿಸಿ ಯಶಸ್ವಿ ಬಿಡ್ ದಾರ ಸಂಸ್ಥೆಯಾಗಿತ್ತು.
• ತಾವು ಕೇಳಿದಷ್ಟು ಕಮಿಷನ್ ಕೊಡದಿರುವ ಕಾರಣಕ್ಕೆ NCC ಸಂಸ್ಥೆಯವರನ್ನು ಬೆದರಿಸಿ ಟೆಂಡರ್ ಪ್ರಕ್ರಿಯೆಯಿಂದ ಹಿಂದೆ ಸರಿಯುವಂತೆ H. D. ರೇವಣ್ಣ ನವರು B. S. ಶಿವಕುಮಾರ್ ಮೂಲಕ ಮಾಡಿಸಿದ್ದಾರೆ.
• BDA ಮುಖ್ಯ ಅಭಿಯಂತರರಾಗಿದ್ದ B. S. ಶಿವಕುಮಾರ್ ಎಂಬ ಪರಮ ಭ್ರಷ್ಟ H. D. ರೇವಣ್ಣ ನವರ ಪರಮಾಪ್ತ.
• ಪ್ರಸ್ತುತ KRDCL ನ ವ್ಯವಸ್ಥಾಪಕ ನಿರ್ದೇಶಕನಾಗಿರುವ B. S. ಶಿವಕುಮಾರ್.
• 2018 ರ ವಿಧಾನಸಭಾ ಚುನಾವಣೆಗೆ ಹಣ ಸಂಗ್ರಹಿಸಲು ಆತುರಾತುರವಾಗಿ 1,714 ಕೋಟಿ ಮೊತ್ತದ 15 ಪ್ಯಾಕೇಜ್ ಗಳ ಕಾಮಗಾರಿಗಳ ಅಕ್ರಮ ಟೆಂಡರ್ ಗಳಿಗೆ ಅನುಮೋದನೆ ನೀಡಲಾಗಿತ್ತು.
• ಸಿದ್ಧರಾಮಯ್ಯನವರ ಸಂಪುಟದಲ್ಲಿ ಲೋಕೋಪಯೋಗಿ ಸಚಿವರಾಗಿದ್ದ H. C. ಮಹದೇವಪ್ಪ.
• 1,277 ಕೋಟಿ ಮೊತ್ತದ 15 ಪ್ಯಾಕೇಜ್ ಗಳಲ್ಲಿ ಭಾಗವಹಿಸಿದ್ದ ಗುತ್ತಿಗೆದಾರರು ನಮೂದಿಸಿದ್ದ 437 ಕೋಟಿಗಳನ್ನು ಸೇರಿಸಿ ಒಟ್ಟು 1,714 ಕೋಟಿ ಮೊತ್ತದ ಟೆಂಡರ್ ಗಳಿಗೆ ಕಾನೂನು ಬಾಹಿರ ಅನುಮೋದನೆ ನೀಡಲಾಗಿತ್ತು.
• 1,714 ಕೋಟಿ ಮೊತ್ತದ ಟೆಂಡರ್ ಗಳಿಗೆ ಅನುಮೋದನೆ ನೀಡುವ ಮೂಲಕ H. C. ಮಹದೇವಪ್ಪ ನವರು ಗುತ್ತಿಗೆದಾರರಿಂದ 250 ಕೋಟಿ ರೂಪಾಯಿಗಳಿಗೂ ಹೆಚ್ಚು ಮೊತ್ತವನ್ನು ಕಿಕ್ ಬ್ಯಾಕ್ ರೂಪದಲ್ಲಿ ಪಡೆದಿದ್ದಾರೆ.
• ಕಳೆದ 10 ತಿಂಗಳ ಅವಧಿಯಲ್ಲಿ 2,552 ಕೋಟಿ ಮೊತ್ತದ ಕಾಮಗಾರಿಗಳಿಗೆ ಗುತ್ತಿಗೆದಾರರು ನಮೂದಿಸಿದ್ದ ಅಧಿಕ ಮೊತ್ತ 611 ಕೋಟಿ ಸೇರಿಸಿ, ಒಟ್ಟು 3,163 ಕೋಟಿ ಮೊತ್ತಕ್ಕೆ ಅಕ್ರಮ ಅನುಮೋದನೆ ನೀಡಲಾಗಿದೆ.
• ಈ ಎರಡು ಟೆಂಡರ್ ಪ್ರಕ್ರಿಯೆಗಳಲ್ಲಿ ಅಧಿಕಾರಿಗಳು 150 ಕೋಟಿಗಳಿಗೂ ಹೆಚ್ಚು ಹಣವನ್ನು ಕಮಿಷನ್ ರೂಪದಲ್ಲಿ ಪಡೆದಿದ್ದಾರೆ.
• H. D. ರೇವಣ್ಣ ಮತ್ತು H. C. ಮಹದೇವಪ್ಪ ನವರು ಅನುಮೋದನೆ ದೊರಕಿಸಿಕೊಟ್ಟಿರುವ 25 ಪ್ಯಾಕೇಜ್ ಗಳ ಗುತ್ತಿಗೆ ಪಡೆದಿರುವ ಗುತ್ತಿಗೆದಾರರೆಲ್ಲರೂ ಆಂಧ್ರ ಮತ್ತು ಕೇರಳ ಮೂಲದವರಾಗಿದ್ದಾರೆ.
• KTPP ಕಾಯ್ದೆಯನ್ವಯ ಒಂದು ಕೋಟಿಗೂ ಹೆಚ್ಚು ಮೊತ್ತದ ಕಾಮಗಾರಿಯ ಟೆಂಡರ್ ಗಳಲ್ಲಿ ಗುತ್ತಿಗೆದಾರರು ಭಾಗವಹಿಸಲು 60 ದಿನಗಳ ಕಾಲಾವಕಾಶ ನೀಡಲೇ ಬೇಕಿರುತ್ತದೆ.
• ಒಂದು ಕೋಟಿಗೂ ಹೆಚ್ಚು ಮೊತ್ತದ ಕಾಮಗಾರಿಗಳಿಗೆ ಅಲ್ಪಾವಧಿ ಟೆಂಡರ್ ಆಹ್ವಾನಿಸುವಂತಿಲ್ಲ.
• ಪಾರದರ್ಶಕ ಕಾಯ್ದೆಯನ್ವಯ ಮೊದಲ ಬಾರಿಯ ಟೆಂಡರ್ ಪ್ರಕ್ರಿಯೆಯಲ್ಲಿ ಒಬ್ಬನೇ ಗುತ್ತಿಗೆದಾರ ಭಾಗವಹಿಸಿದ್ದರೆ, ಎರಡನೇ ಬಾರಿ ಟೆಂಡರ್ ಆಹ್ವಾನಿಸಬೇಕಿರುತ್ತದೆ.
• ಸಾವಿರಾರು ಕೋಟಿ ಮೊತ್ತದ ಕಾಮಗಾರಿಗಳಿಗೆ ಕೇವಲ 14 ದಿನಗಳ ಕಾಲಾವಕಾಶ ನೀಡಿ ಟೆಂಡರ್ ಕರೆಯಲಾಗಿದೆ.
• ಕೇವಲ ಒಬ್ಬೊಬ್ಬರೇ ಗುತ್ತಿಗೆದಾರರು ಭಾಗವಹಿಸಿದ್ದ ಮೂರು ಕಾಮಗಾರಿಗಳಿಗೆ ನಿಯಮ ಬಾಹಿರವಾಗಿ ಅನುಮೋದನೆ ನೀಡಲಾಗಿದೆ.
• ಸಚಿವ H. D. ರೇವಣ್ಣ ಮತ್ತು ಮಾಜಿ ಸಚಿವ H. C. ಮಹದೇವಪ್ಪ ರವರುಗಳ ಬೇಡಿಕೆಗಳನ್ನು ಪೂರೈಸಲು ಒಪ್ಪಿರುವ ಗುತ್ತಿಗೆದಾರರಿಗಷ್ಟೆ ಅವಕಾಶ ಕಲ್ಪಿಸಲಾಗಿದೆ.
• ತಾವೇ ಆಯ್ಕೆ ಮಾಡಿದ ಗುತ್ತಿಗೆದಾರರಿಗೆ ಮಾತ್ರವೇ ಟೆಂಡರ್ ನಲ್ಲಿ ಭಾಗವಹಿಸುವ ಅವಕಾಶವನ್ನು B. S. ಶಿವಕುಮಾರ್, ಗಣೇಶ್ ಮತ್ತು ಕೃಷ್ಣಾರೆಡ್ಡಿಯವರು ದೊರಕಿಸಿಕೊಟ್ಟಿದ್ದಾರೆ.
• ಮೊದಲ ಬಾರಿ ಕರೆಯಲಾಗಿದ್ದ ಟೆಂಡರ್ ಪ್ರಕ್ರಿಯೆಯಲ್ಲಿ L 1 ಆಗಿದ್ದ NCC ಸಂಸ್ಥೆ.
• NCC ಸಂಸ್ಥೆಯ ಮುಖ್ಯಸ್ಥರನ್ನು ಬೆದರಿಸಿ ಹಿಂದೆ ಸರಿಯುವಂತೆ ಮಾಡಿದ್ದ 157 ಕೋಟಿ ಮೊತ್ತದ 4 B ಪ್ಯಾಕೇಜ್ ನ ಗುತ್ತಿಗೆಯನ್ನು H. D. ರೇವಣ್ಣ ನವರಿಗೆ ಆಪ್ತರಾಗಿರುವ ಆಂಧ್ರ ಮೂಲದ M/S Nagabhushanam & Co ಎಂಬ ಸಂಸ್ಥೆಗೆ ದೊರಕಿಸಿಕೊಡಲಾಗಿದೆ.
• 157 ಕೋಟಿ ಮೊತ್ತದ ಕಾಮಗಾರಿಗೆ 39 ಕೋಟಿ ರೂ. ಗಳನ್ನು ಹೆಚ್ಚು ನಮೂದಿಸಿ, 196 ಕೋಟಿ ರೂಪಾಯಿಗಳಿಗೆ ಕಾಮಗಾರಿಯ ಗುತ್ತಿಗೆಯನ್ನು ಪಡೆದಿರುವ M/S Nagabhushanam & Co.
• ಟೆಂಡರ್ ಫಾರಂ ಗಳನ್ನು, Bank Guarantee ಗಳನ್ನು ನೀಡಲು ಹೋಗಿದ್ದ M/S MVR Infra ಸಂಸ್ಥೆ ಸೇರಿದಂತೆ ಇತರೆ ಗುತ್ತಿಗೆದಾರರಿಗೆ ಧಮಕಿ ಹಾಕಿ ವಾಪಸ್ಸು ಕಳುಹಿಸಿದ್ದ B. S. ಶಿವಕುಮಾರ್.
• 2018 ರ ವಿಧಾನಸಭಾ ಚುನಾವಣೆಗೂ ಮುನ್ನ ಅನುಮೋದನೆ ನೀಡಲಾಗಿದ್ದ ಗುತ್ತಿಗೆದಾರರಿಂದ 250 ಕೋಟಿ ಕಿಕ್ ಬ್ಯಾಕ್ ಪಡೆದಿದ್ದ H. C. ಮಹದೇವಪ್ಪ ನವರು ಅಂದಿನ ಮುಖ್ಯಮಂತ್ರಿ ಸಿದ್ಧರಾಮಯ್ಯನವರಿಗೆ ಒಂದು ನಯಾಪೈಸೆಯನ್ನೂ ನೀಡಿರಲಿಲ್ಲ.
• 250 ಕೋಟಿ ಕಿಕ್ ಬ್ಯಾಕ್ ಪಡೆದು ತಮಗೆ ನಿಗದಿತ ಹಣ ತಲುಪಿಸಲಿಲ್ಲ ಎಂಬ ಕಾರಣಕ್ಕೆ ಸಿದ್ಧರಾಮಯ್ಯ ಮತ್ತು H. C. ಮಹದೇವಪ್ಪ ನವರ ಸಂಬಂಧ ಹಳಸಿ ಹೋಗಿತ್ತು.
• H. D. ರೇವಣ್ಣ ನವರಿಗೆ ಒಪ್ಪಿಗೆಯಾಗುವ ಗುತ್ತಿಗೆದಾರರು ಮಾತ್ರವೇ ಟೆಂಡರ್ ನಲ್ಲಿ ಭಾಗವಹಿಸಲು ಅವಕಾಶ ಮಾಡಿಕೊಡುವ B. S. ಶಿವಕುಮಾರ್.
• ಪತ್ರಿಕಾಗೋಷ್ಠಿಯಲ್ಲಿ ಹಗರಣದ ಸಂಪೂರ್ಣ ದಾಖಲೆಗಳನ್ನು ಬಿಡುಗಡೆ ಮಾಡಿದ N.R. ರಮೇಶ್.

City Today News

(citytoday.media)

9341997936

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.