ನ್ಯಾಯಕ್ಕಾಗಿ ಹೋರಾಟ: ಪೊಲೀಸ್ ನಿರ್ಲಕ್ಷ್ಯ ವಿರುದ್ಧ ಮಹಿಳೆಯ ಪತ್ರಿಕಾಗೋಷ್ಠಿ

ಬೆಂಗಳೂರು: ನ್ಯಾಯಾಲಯದಲ್ಲಿ ಆರೋಪಿಯ ಜಾಮೀನು ಅರ್ಜಿ ವಜಾಗೊಂಡಿದ್ದರೂ, ಪೊಲೀಸರು ಇನ್ನೂ ಅವನನ್ನು ಬಂಧಿಸಿಲ್ಲ ಎಂದು ಆರೋಪಿಸಿ, ಮಹಿಳೆ ಪ್ರೆಸ್ ಕ್ಲಬ್ ಆಫ್ ಬೆಂಗಳೂರುನಲ್ಲಿ ಪತ್ರಿಕಾಗೋಷ್ಠಿ ನಡೆಸಿದ್ದಾರೆ.

ಪೀಡಿತೆ ವೆಂಕಟರತ್ನ (ಹೆಸರಿನ ಬದಲಾವಣೆ) ತಮ್ಮ ಅನುಭವ ಹಂಚಿಕೊಂಡಿದ್ದು, ದೇವನಹಳ್ಳಿಯ ವಕೀಲ ಸತೀಶ್ ಟಿ.ಆರ್ ಅವರ ವಿರುದ್ಧ ಅತ್ಯಾಚಾರ, ಮೋಸ ಮತ್ತು ವಂಚನೆಯ ಆರೋಪದ ಮೇರೆಗೆ ಪ್ರಕರಣ ದಾಖಲಾಗಿತ್ತು. ಆದರೆ, ಪೊಲೀಸರು ಅವನನ್ನು ಬಂಧಿಸಲು ವಿಫಲರಾಗಿದ್ದಾರೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಘಟನೆ ವಿವರ:
 ವೆಂಕಟರತ್ನ  2022ರಲ್ಲಿ ಸತೀಶ್ ಅವರನ್ನು ಪರಿಚಯಿಸಿಕೊಂಡಿದ್ದು, ನಂತರ ಅವರ ಮಾತುಗಳ ನಂಬಿ ತನ್ನ ಆಸ್ತಿಯ ದಾಖಲೆಗಳನ್ನು ಹಸ್ತಾಂತರಿಸಿದ್ದಾಗಿ ಹೇಳಿದ್ದಾರೆ. ಈ ವೇಳೆ, ಸತೀಶ್ ಅವರೊಂದಿಗೆ ನಿಕಟ ಸಂಬಂಧ ಬೆಳೆದು, ಅವರು ತಮ್ಮನ್ನು ಮದುವೆಯಾಗುವುದಾಗಿ ಭರವಸೆ ನೀಡಿದ್ದರು. ಆದರೆ, ಮುಂದಾಗಿ ಅವರು ವಂಚನೆ ನಡೆಸಿ, ಹಣ ಮತ್ತು ಆಭರಣ ಪಡೆದುಕೊಂಡು ದೂರ ಸರಿದಿದ್ದಾರೆ ಎಂದು ಅವರು ದೂರಿದ್ದಾರೆ.

ಕಾನೂನು ಹೋರಾಟ:
ಈ ಸಂಬಂಧ 09-12-2024ರಂದು ಬ್ಯಾಡರಹಳ್ಳಿ ಪೊಲೀಸ್ ಠಾಣೆಯಲ್ಲಿ ಕೇಸ್ ದಾಖಲಾಗಿದ್ದು, ಪ್ರಕರಣ ಸಂಖ್ಯೆ 789 ಆಗಿದೆ. ಜಾಮೀನು ಅರ್ಜಿ 20-01-2025ರಂದು ವಜಾ ಆದರೂ, ಪೊಲೀಸರು ಬಂಧಿಸಲು ಹಿಂಜರಿದಿದ್ದಾರೆ ಎಂದು ಆರೋಪಿಸಿದ್ದಾರೆ. ಪೊಲೀಸ್ ಠಾಣೆಯಲ್ಲಿ ಸಹಾಯಕ್ಕಾಗಿ ಒತ್ತಾಯಿಸಿದಾಗ, ಠಾಣಾಧಿಕಾರಿ ವೀರಣ್ಣ ಮಗ್ಗಿ ಅವರನ್ನು ಅವಮಾನಿಸಿ, ದೂರು ನಿರಾಕರಿಸಿದ್ದಾರೆ.

ನ್ಯಾಯಕ್ಕಾಗಿ ಹೋರಾಟ:
ವೆಂಕಟರತ್ನ ಪೊಲೀಸರ ನಿರ್ಲಕ್ಷ್ಯವನ್ನು ಪೊಲೀಸ್ಅಧಿಕಾರಿಗಳಿಗೆ, ಹಾಗೂ ಪೊಲೀಸ್ ಕಮಿಷನರ್‌ಗೆ ದೂರು ನೀಡಿದ್ದಾರೆ. ಕಮಿಷನರ್ ಮಧ್ಯಪ್ರವೇಶ ಮಾಡಿದರೂ, ಪೊಲೀಸರು ಕ್ರಮ ಕೈಗೊಳ್ಳಲು ನಿರಾಕರಿಸಿದ್ದಾರೆ. ಇದರಿಂದಾಗಿ, ಅವರು ನಿರಂತರ ಪೊಲೀಸ್ ಹೇರಾಟಕ್ಕೆ ಒಳಗಾಗುತ್ತಿದ್ದಾರೆ.

“ನ್ಯಾಯಾಲಯ ಜಾಮೀನು ನಿರಾಕರಿಸಿದರೂ ಪೊಲೀಸರ ನಿರ್ಲಕ್ಷ್ಯ ದ್ವಾರ, ಸಂತ್ರಸ್ತ ಮಹಿಳೆ ನ್ಯಾಯಕ್ಕಾಗಿ ಹೋರಾಡಬೇಕಾದ ಪರಿಸ್ಥಿತಿ ಬಂದಿದೆ. ನಮ್ಮ ರಾಜ್ಯದಲ್ಲಿ ಮಹಿಳಾ ಸುರಕ್ಷತೆ ಮತ್ತು ನ್ಯಾಯ ವ್ಯವಸ್ಥೆ ಜೀವಂತವಿದೆಯಾ?” ಎಂದು ಅವರು ಪ್ರಶ್ನಿಸಿದ್ದಾರೆ.

ಈ ಪ್ರಕರಣದ ಬಗ್ಗೆ ಪೊಲೀಸ್ ಇಲಾಖೆ ಸ್ಪಷ್ಟೀಕರಣ ನೀಡಬೇಕೆಂದು ವೆಂಕಟರತ್ನ ಪತ್ರಿಕಾಗೋಷ್ಠಿಯಲ್ಲಿ ಒತ್ತಾಯಿಸಿದರು.

City Today News 9341997936