ಕರ್ನಾಟಕ ರಾಜ್ಯ ಹಿಂದುಳಿದ ಜಾತಿಗಳ ಒಕ್ಕೂಟ ಹಾಗೂ ಕರ್ನಾಟಕ ಶೋಷಿತ ಸಮುದಾಯಗಳ ಮಹಾಒಕ್ಕೂಟದ ವತಿಯಿಂದ, ಸಾಮಾಜಿಕ, ಆರ್ಥಿಕ ಹಾಗೂ ಶೈಕ್ಷಣಿಕ ಸಮೀಕ್ಷೆಯ ಜಾರಿ ಸಂಬಂಧಿಸಿದ ಸಾಧಕ-ಬಾಧಕ ಅಂಶಗಳ ಕುರಿತು ಪ್ರಮುಖ ಮುಖಂಡರ ಸಭೆ

ಬೆಂಗಳೂರು, ಏಪ್ರಿಲ್ 16:
ಕರ್ನಾಟಕ ರಾಜ್ಯ ಹಿಂದುಳಿದ ಜಾತಿಗಳ ಒಕ್ಕೂಟ ಹಾಗೂ ಕರ್ನಾಟಕ ಶೋಷಿತ ಸಮುದಾಯಗಳ ಮಹಾಒಕ್ಕೂಟದ ವತಿಯಿಂದ, ಸಾಮಾಜಿಕ, ಆರ್ಥಿಕ ಹಾಗೂ ಶೈಕ್ಷಣಿಕ ಸಮೀಕ್ಷೆಯ ಜಾರಿ ಸಂಬಂಧಿಸಿದ ಸಾಧಕ-ಬಾಧಕ ಅಂಶಗಳ ಕುರಿತು ಪ್ರಮುಖ ಮುಖಂಡರ ಸಭೆ ಇಂದು ನಡೆಯಿತು.

ಸಭೆಯಲ್ಲಿ ಮಹಾಒಕ್ಕೂಟದ ಪ್ರಧಾನ ಸಂಚಾಲಕರಾದ ಕೆ.ಎಂ. ರಾಮಚಂದ್ರಪ್ಪ, ಮಾವಳ್ಳಿ ಶಂಕರ್, ಇಂದೂಧರ ಹೊನ್ನಾಪುರ, ಅನಂತ ನಾಯ್ಕ್ ಮತ್ತು ಇತರರು ಭಾಗವಹಿಸಿ ಸಮೀಕ್ಷಾ ವರದಿಯ ಮಹತ್ವ ಮತ್ತು ಅದರ ಜಾರಿಗೆ ಎದುರಾಗುತ್ತಿರುವ ಅಡೆತಡೆಗಳ ಕುರಿತು ವಿವರವಾಗಿ ಮಾತನಾಡಿದರು.

ಮಹಾಒಕ್ಕೂಟದ ಹೇಳಿಕೆಯಲ್ಲಿ, “ರಾಜ್ಯದಲ್ಲಿನ ಯಾವುದೇ ಆಯೋಗಗಳು ಈ ವರದಿಯನ್ನು ನಿಗದಿಪಡಿಸಿಲ್ಲ. ಇನ್ನು ಮುಂದೆ ನಾವು ಜಾಗೃತರಾಗಿದ್ದು, ನಮ್ಮ ಹಕ್ಕುಗಳಿಗಾಗಿ ಶಕ್ತಿಯನ್ನು ಪ್ರದರ್ಶಿಸಬೇಕಾಗಿದೆ. ಯಾವುದೇ ಕಾರಣಕ್ಕೂ ಜಾತಿ ಸಮೀಕ್ಷಾ ವರದಿಯನ್ನು ತಡೆಯುವುದು ನ್ಯಾಯಸಮ್ಮತವಲ್ಲ. ಈ ವಿಷಯವನ್ನು ಸಾರ್ವಜನಿಕ ಚರ್ಚೆಗೆ ಒಳಪಡಿಸಬೇಕಾಗಿದೆ,” ಎಂದು ತಿಳಿಸಲಾಗಿದೆ.

ಪ್ರಧಾನ ಸಂಚಾಲಕ ಕೆ.ಎಂ. ರಾಮಚಂದ್ರಪ್ಪ ಅವರು ಮಾತನಾಡುತ್ತಾ, “ಈ ಜಾತಿ ಸಮೀಕ್ಷಾ ವರದಿಗೆ ಸುಮಾರು 165 ಕೋಟಿ ರೂಪಾಯಿ ವೆಚ್ಚವಾಗಿದ್ದು, ಅದನ್ನು ಅವೈಜ್ಞಾನಿಕ ಎಂದು ಖಾತರಿಪಡಿಸುವುದು ಅನ್ಯಾಯವಾಗಿದೆ. ಈ ವರದಿಯನ್ನು ವಿರೋಧಿಸುವ ಜನಪ್ರತಿನಿಧಿಗಳನ್ನು ಮನವೊಲಿಸಲು ಪ್ರಯತ್ನಿಸಲಾಗುವುದು. ಅವು ಫಲ ನೀಡದಿದ್ದಲ್ಲಿ, ಅವರ ನಿವಾಸಗಳ ಮುಂದೆ ಶಾಂತಿಯುತ ಪ್ರತಿಭಟನೆ ನಡೆಸಲಾಗುವುದು,” ಎಂದು ಎಚ್ಚರಿಸಿದರು.

ಇಂದೂಧರ ಹೊನ್ನಾಪುರ ಅವರು, “ಸಮೀಕ್ಷಾ ವರದಿಯನ್ನು ಕುಲಕೂಷವಾಗಿ ಒದಡದೆ ವಿರೋಧಿಸುವುದು ಅಚಿಂತನೀಯ. ಜಾತಿ ಗಣತಿ ಪರವಾಗಿ ಮಾತನಾಡುತ್ತಿರುವ ರಾಹುಲ್ ಗಾಂಧಿಯವರ ಬೆನ್ನಿಗೆ ನಿಲ್ಲದೇ, ಅದೇ ಪಕ್ಷದ ಕೆಲವು ನಾಯಕರು ವಿರೋಧಿಸುತ್ತಿರುವುದು ವಿಪರ್ಯಾಸವಾಗಿದೆ,” ಎಂದು ತೀವ್ರ ವಾಗ್ದಾಳಿ ನಡೆಸಿದರು.

ಮಾವಳ್ಳಿ ಶಂಕರ್ ಅವರು, “ಸಮೀಕ್ಷಾ ವರದಿಯ ಬಗ್ಗೆ ಸಚಿವ ಸಂಪುಟದ ಚರ್ಚೆಗೆ ಮುನ್ನ ನಿರ್ಧಾರ ಪ್ರಕಟಿಸುವ ಪ್ರಯತ್ನ ಸಿದ್ದರಾಮಯ್ಯ ಅವರ ನಾಯಕತ್ವವನ್ನು ದುರ್ಬಲಗೊಳಿಸಲು ನಡೆದಿದೆ. ದುರ್ಬಲ ಜಾತಿಗಳ ಮೇಲೆ ಈ ರೀತಿಯ ದಬ್ಬಾಳಿಕೆ ಅಸಹ್ಯ,” ಎಂದು ಹೇಳಿದರು.

ಅನಂತ ನಾಯ್ಕ್ ಅವರು, “ರಾಜಕೀಯ ಲಾಭಕ್ಕಾಗಿ ವರದಿಯ ಜಾರಿಗೆ ಅಡ್ಡಿಪಡಿಸುವುದಾದರೆ, ಶೋಷಿತ ಸಮುದಾಯಗಳು ಬೃಹತ್ ಹೋರಾಟಕ್ಕೆ ತಯಾರಾಗುತ್ತವೆ,” ಎಂದು ಎಚ್ಚರಿಕೆ ನೀಡಿದರು.

City Today News 9341997936