ಬೆಂಗಳೂರು: ಅಹಿಂದ (ಅನುಗ್ರಹಿತ ಹಿಂದುಳಿದ ವರ್ಗಗಳ ಒಕ್ಕೂಟ) ಸಂಸ್ಥೆಯ ಸಂಚಾಲಕರಾದ ಡಾ. ಯುನಸ್ ಜೋನ್ಸ್ ಅವರ ಮಾರ್ಗದರ್ಶನದಲ್ಲಿ, ಬೆಂಗಳೂರಿನ ಹಲವಾರು ಕ್ರೈಸ್ತ ಧಾರ್ಮಿಕ ನಾಯಕರಾದ ಪಾಸ್ಟರ್ಗಳು, ರೆವೆರೆಂಡುಗಳು ಹಾಗೂ ಸಮುದಾಯದ ಪ್ರಮುಖರು ರಾಜ್ಯದ ಪ್ರಮುಖ ಧಾರ್ಮಿಕ ಅಧೀಕ್ಷಕರಾದ ಅರ್ಚ್ ಬಿಷಪ್ ಅವರನ್ನು ಭೇಟಿ ಮಾಡಿ, ಸಮುದಾಯವನ್ನು ತೀವ್ರವಾಗಿ ಬೇಧಿಸುವ ಜಟಿಲತೆಗಳು, ಅಭಾವಗಳು ಮತ್ತು ಸರ್ಕಾರದ ಮಟ್ಟದಲ್ಲಿ ಎದುರಾಗುತ್ತಿರುವ ನಿರ್ಲಕ್ಷ್ಯ ಕುರಿತು ಚರ್ಚಿಸಿದರು.
ಈ ಸಭೆಯಲ್ಲಿ ಕ್ರೈಸ್ತ ಸಮುದಾಯದ ಸಾಮಾಜಿಕ, ಆರ್ಥಿಕ ಮತ್ತು ಧಾರ್ಮಿಕ ಹಿತಾಸಕ್ತಿಗಳ ಪರಿಪೋಷಣೆಯ ಅಗತ್ಯತೆ, ಮತ್ತು ಸರ್ಕಾರದ ಮುಂದೆ ಒತ್ತಾಯದೊಂದಿಗೆ ನ್ಯಾಯಾಸಕ್ತ ಪೂರಕ ನಿರ್ಣಯ ಪಡೆಯುವ ಉದ್ದೇಶದಿಂದ ಹೋರಾಟದ ತಂತ್ರ ರೂಪಿಸುವ ಬಗ್ಗೆ ಸಮಾಲೋಚನೆ ನಡೆಯಿತು.
2011ರ ಜನರಲ್ ಸೆನ್ಸಸ್ ಮತ್ತು 2015ರ ಜಾತಿಗಣತಿ ಅಂಕಿಅಂಶಗಳಲ್ಲಿ ಕ್ರೈಸ್ತರ ಸಂಖ್ಯೆಯಲ್ಲಿ ಕಂಡುಬಂದಿರುವ ಕಡಿತದ ಬಗ್ಗೆ ಗಂಭೀರ ಆತಂಕ ವ್ಯಕ್ತಪಡಿಸಿದ ಅರ್ಚ್ ಬಿಷಪ್, ಮುಂದಿನ ಜನಗಣತಿ ಪ್ರಕ್ರಿಯೆಯಲ್ಲಿ ಸಮುದಾಯದ ಪ್ರತಿನಿಧಿಗಳು, ಧರ್ಮಗುರುಗಳು ಹಾಗೂ ನಾಡಿನ ಎಲ್ಲಾ ಕ್ರೈಸ್ತರು ಖಚಿತ ಮಾಹಿತಿ ನೀಡುವ ಮೂಲಕ ನಿಖರ ಅಂಕಿಅಂಶಗಳು ದಾಖಲೆಯಾಗಲು ಜವಾಬ್ದಾರಿ ವಹಿಸಿಕೊಳ್ಳಬೇಕೆಂದು ಸಲಹೆ ನೀಡಿದರು.
“ಕ್ರೈಸ್ತ ಸಮುದಾಯದ ಅಸ್ತಿತ್ವದ ಸುಸ್ಪಷ್ಟ ಚಿತ್ರಣ ಸರ್ಕಾರದ ದಾಖಲೆಗಳಲ್ಲಿ ಪ್ರತಿಬಿಂಬಿಸಬೇಕಾದರೆ, ಸಮುದಾಯದ ಎಲ್ಲ ಮುಖಂಡರು ಜಾಗೃತಿ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಬೇಕು. ಸರ್ಕಾರದ ನಿರ್ಧಾರಾತ್ಮಕ ಕಾರ್ಯವೈಖರಿಯಲ್ಲಿ ನಾವು ತಾರತಮ್ಯಕ್ಕೀಡಾಗದಂತೆ ಖಚಿತಪಡಿಸಿಕೊಳ್ಳುವುದು ಪ್ರತಿಯೊಬ್ಬರ ಕರ್ತವ್ಯ,” ಎಂದು ಡಾ. ಯುನಸ್ ಜೋನ್ಸ್ ಅಭಿಪ್ರಾಯಪಟ್ಟರು.
City Today News 9341997936
City Today News 