ಬೆಂಗಳೂರು, ಮೇ ೩೧, ೨೦೨೫:
ಆರ್ಥಿಕವಾಗಿ ಹಿನ್ನಡೆ ಹೊಂದಿರುವ ಸಮುದಾಯಗಳ ಬದುಕನ್ನು ಉತ್ತಮಗೊಳಿಸುವ ಉದ್ದೇಶದೊಂದಿಗೆ, ಜೋಯಾಲುಕ್ಕಾಸ್ ಫೌಂಡೇಶನ್ ತನ್ನ ‘ಜಾಯ್ ಹೋಮ್ಸ್’ ಯೋಜನೆಯಡಿ ಕರ್ನಾಟಕದಾದ್ಯಂತ ೫೦ ಹೊಸ ಮನೆಗಳನ್ನು ಬಡ ಕುಟುಂಬಗಳಿಗೆ ಹಸ್ತಾಂತರಿಸಿದೆ. ಈ ಕೀಲಿಕೈ ಹಸ್ತಾಂತರ ಸಮಾರಂಭವು ಬೆಂಗಳೂರುನ ನಿಮ್ಹಾನ್ಸ್ ಕನ್ವೆನ್ಷನ್ ಸೆಂಟರ್ನಲ್ಲಿ ಜರುಗಿತು.
ಕಾರ್ಯಕ್ರಮದಲ್ಲಿ ರಾಜ್ಯದ ಗೃಹಸಚಿವ ಡಾ. ಜಿ. ಪರಮೇಶ್ವರ್ ಅವರು ಉಪಸ್ಥಿತರಿದ್ದು, ಜೋಯಾಲುಕ್ಕಾಸ್ ಗ್ರೂಪ್ನ ಸಿಎಂಡಿ ಡಾ. ಜೋಯ್ ಆಲುಕ್ಕಾಸ್ ಅವರೊಂದಿಗೆ ಫಲಾನುಭವಿಗಳಿಗೆ ಮನೆಗಳ ಕೀಲಿಗಳನ್ನು ಹಸ್ತಾಂತರಿಸಿದರು.
‘ಜಾಯ್ ಹೋಮ್ಸ್’ ಯೋಜನೆಯು ಫೌಂಡೇಶನ್ನ ಸ್ಥಿರ ಮತ್ತು ಸಹಬಾಳ್ವೆಯ ಅಭಿವೃದ್ಧಿಗೆ ನೀಡಿದ ಬದ್ಧತೆಯ ಭಾಗವಾಗಿದೆ. ಪ್ರತಿ ಮನೆ ೫೦೦ ಚದರ ಅಡಿ ಅಳತೆ, ಮತ್ತು ಸುಮಾರು ₹೭.೫ ಲಕ್ಷ ವೆಚ್ಚದಲ್ಲಿ ನಿರ್ಮಿತವಾಗಿದ್ದು, ಬಡ ಕುಟುಂಬಗಳಿಗೆ ಕೇವಲ ಆಶ್ರಯವಲ್ಲ, ಘನತೆ, ಸುರಕ್ಷತೆ ಹಾಗೂ ಸ್ಥಿರತೆಯ ಭರವಸೆಯನ್ನೂ ನೀಡುತ್ತದೆ. ಫಲಾನುಭವಿಗಳಲ್ಲಿ ಬಡತನ, ಪ್ರಕೃತಿಕೋಪ, ದೀರ್ಘಕಾಲಿಕ ಅನಾರೋಗ್ಯ (ಎಂಡೋಸಲ್ಫಾನ್ ಸಂತ್ರಸ್ತರು) ಮತ್ತು ಅಂಗವೈಕಲ್ಯದಿಂದ ಬಳಲುತ್ತಿರುವ ಕುಟುಂಬಗಳು ಸೇರಿವೆ.
ಈ ಹಸ್ತಾಂತರದೊಂದಿಗೆ, ಕೇರಳ, ತಮಿಳುನಾಡು ಮತ್ತು ಕರ್ನಾಟಕ ಸೇರಿ ಒಟ್ಟಾರೆ ೪೧೪ ಮನೆಗಳು ಜೋಯಾಲುಕ್ಕಾಸ್ ಫೌಂಡೇಶನ್ನಿಂದ ನೀಡಲಾಗಿದೆ. ಮುಂದಿನ ಹಂತವಾಗಿ, ಫೌಂಡೇಶನ್ ತೆಲಂಗಾಣದಲ್ಲಿ ೫೦ ಹೊಸ ಮನೆಗಳ ನಿರ್ಮಾಣ ಯೋಜನೆಯನ್ನು ಘೋಷಿಸಿದೆ.
೨೦೦೯ರಲ್ಲಿ ಸ್ಥಾಪನೆಯಾದ ಜೋಯಾಲುಕ್ಕಾಸ್ ಫೌಂಡೇಶನ್, ಆರೋಗ್ಯ, ಶಿಕ್ಷಣ, ಮಹಿಳಾ ಸಬಲೀಕರಣ, ಹಿರಿಯ ನಾಗರಿಕರ ಆರೈಕೆ ಹಾಗೂ ಸಾಂಕ್ರಾಮಿಕ ಸಮಯದ ಪರಿಹಾರ ಕಾರ್ಯಗಳಲ್ಲಿ ತನ್ನ ಸಿಎಂಆರ್ (CSR) ಚಟುವಟಿಕೆಗಳನ್ನು ಸಾಗಿಸುತ್ತಿದೆ.
ಆರೋಗ್ಯ ಕ್ಷೇತ್ರದಲ್ಲಿ, ಕೇರಳದಲ್ಲಿ ತಿಂಗಳಿಗೆ ೧,೦೦೦ಕ್ಕೂ ಹೆಚ್ಚು ಡಯಾಲಿಸಿಸ್ ಕಿಟ್ಗಳ ವಿತರಣೆ, ಡಯಾಲಿಸಿಸ್ ಯಂತ್ರಗಳ ದಾನ, ಆಸ್ಪತ್ರೆಗಳ ನವೀಕರಣ ಮತ್ತು ರಕ್ತದಾನ ಶಿಬಿರಗಳಂತಹ ಸೇವೆಗಳನ್ನು ನಿರಂತರವಾಗಿ ಒದಗಿಸುತ್ತಿದೆ. ಕೊವಿಡ್-೧೯ ಸಂದರ್ಭದಲ್ಲಿ, “ಜಾಯ್ ಆಫ್ ಹೋಪ್” ಯೋಜನೆಯಡಿ, ಪೋಷಕರನ್ನು ಕಳೆದುಕೊಂಡ ೩೦೦ಕ್ಕೂ ಹೆಚ್ಚು ಮಕ್ಕಳ ಶಿಕ್ಷಣಕ್ಕೆ ಆರ್ಥಿಕ ನೆರವು ನೀಡಲಾಗಿದೆ.
ಇದೆ ವೇಳೆ, ಕೇರಳದ ತ್ರಿಶೂರ್ನಲ್ಲಿ ಹಿರಿಯ ನಾಗರಿಕರ ಆರೈಕೆ ಕೇಂದ್ರವನ್ನು ನಿರ್ವಹಿಸುತ್ತಿದ್ದು, ಡಯಾಲಿಸಿಸ್ ಕೇಂದ್ರ, ಪ್ಯಾಲಿಯೇಟಿವ್ ಕೇರ್ ಘಟಕ ಮತ್ತು ಇತರ ವಿಶೇಷ ಸೇವೆಗಳನ್ನೂ ಒಳಗೊಂಡಿದೆ. ಜೊತೆಗೆ, ಬ್ಯೂಟಿಷಿಯನ್ ಮತ್ತು ಟೈಲರಿಂಗ್ ತರಬೇತಿಗಳ ಮೂಲಕ ೨೦೦ಕ್ಕೂ ಹೆಚ್ಚು ಮಹಿಳೆಯರು ಆರ್ಥಿಕವಾಗಿ ಸ್ವಾವಲಂಬಿಯಾಗಿ ಬದುಕನ್ನು ಮುನ್ನಡೆಸುತ್ತಿದ್ದಾರೆ.
‘ಜಾಯ್ ಹೋಮ್ಸ್’ ಯೋಜನೆ, ಬಡ ಕುಟುಂಬಗಳಿಗೆ ಮನೆ ಎಂಬ ಮೂಲಭೂತ ಅಗತ್ಯವನ್ನು ಪೂರೈಸುವ ಮೂಲಕ, ಉನ್ನತ ಜೀವನದ ಅವಕಾಶ, ಗೌರವ ಮತ್ತು ಭದ್ರತೆಯ ಬಾಗಿಲನ್ನು ತೆರೆಯುತ್ತದೆ ಎಂಬ ಫೌಂಡೇಶನ್ನ ದೃಷ್ಟಿಕೋನವನ್ನು ಪ್ರತಿಬಿಂಬಿಸುತ್ತದೆ.
City Today News 9341997936
City Today News 