“ಜಿನಶಾಸನ ಗೌರವ – ಅನುಪಮಾ ಮಾತಾ” ಪ್ರಶಸ್ತಿ ಪ್ರದಾನ: ಭಾವರಿಬಾಯಿ ಘಟಾವಚಂದ್ ಜಿ ಸುರಾಣಾ ಸನ್ಮಾನ

ಬೆಂಗಳೂರು, ಜೂನ್ 28:
ಮಾಧವನಗರದ ಶ್ರೀ ವಾಸುಪೂಜ್ಯ ಮುನಿಸುವ್ರತ್ ಜೈನ ಶ್ವೇತಾಂಬರ ಮೂರ್ತಿಪೂಜಕ ಸಂಘದಲ್ಲಿ ಆಚಾರ್ಯ ಶ್ರೀ ಅರಿಹಂತಸಾಗರಸೂರಿಶ್ವರಜಿ ಮಹಾರಾಜರ ಚಾತುರ್ಮಾಸ ಪ್ರವೇಶ ಕಾರ್ಯಕ್ರಮ ಭಕ್ತಿ, ಶ್ರದ್ಧೆ ಹಾಗೂ ಧಾರ್ಮಿಕ ವೈಭವದೊಂದಿಗೆ ನಡೆಯಿತು.

ಈ ಪುಣ್ಯಾವಸರದಲ್ಲಿ ಸಮಾಜ ಸೇವೆಗೆ ವಿಶಿಷ್ಟ ಕೊಡುಗೆ ನೀಡಿದ ಭಾವರಿಬಾಯಿ ಘಟಾವಚಂದ್ ಜಿ ಸುರಾಣಾ ಅವರನ್ನು “ಜಿನಶಾಸನ ಗೌರವ – ಅನುಪಮಾ ಮಾತಾ” ಎಂಬ ಗೌರವಾನ್ವಿತ ಪ್ರಶಸ್ತಿಯಿಂದ ಸಂಘದ ವತಿಯಿಂದ ಸನ್ಮಾನಿಸಲಾಯಿತು. ಈ ಸಂದರ್ಭದಲ್ಲಿ ಸುರಾಣಾ ಕುಟುಂಬದಿಂದ ನಿರ್ಮಿಸಲಾದ “ಸುರಾಣಾ ಆರಾಧನಾ ಭವನ” ನಾಮಫಲಕವನ್ನು ಅನಾವರಣ ಮಾಡಲಾಯಿತು.

ಚಾತುರ್ಮಾಸ ಪ್ರವೇಶದ ಅಂಗವಾಗಿ ಆಶೀರ್ವಚನ ನೀಡಿದ ಆಚಾರ್ಯ ಶ್ರೀ ಅವರು, “ಚಾತುರ್ಮಾಸ ಧರ್ಮಾಚರಣೆಗಾಗಿ ಅತ್ಯಂತ ಪವಿತ್ರ ಕಾಲ. ಜಿನವಾಣಿ ಶ್ರವಣ, ಆತ್ಮಸಾಧನೆ ಹಾಗೂ ಧ್ಯಾನ-ಜಪಗಳಿಂದ ಮಾನವ ಬದುಕು ಶುದ್ಧಿಯಾಗುತ್ತದೆ. ಜಗತ್ತಿನ ಸಂಕಟಗಳಿಗೆ ಪರಿಹಾರ ಜ್ಞಾನದಲ್ಲಿದ್ದು, ಆ ಜ್ಞಾನಕ್ಕೆ ಮೂಲ ಜಿನವಾಣಿ ಆಗಿದೆ,” ಎಂದು ಹೇಳಿದರು.

ಸಂಘದ ಅಧ್ಯಕ್ಷ ಮೊಹನ್‌ಲಾಲಜೀ ಮರಲೆಚಾ ಮಾತನಾಡಿ, ಚಾತುರ್ಮಾಸದಂತಹ ಪುಣ್ಯಕಾಲದಲ್ಲಿ ಆಚಾರ್ಯ ಶ್ರೀ ಅವರ ಮಾರ್ಗದರ್ಶನ ಲಭ್ಯವಾಗುತ್ತಿರುವುದು ಸದ್ಭಾಗ್ಯ ಎಂದು ಅಭಿಪ್ರಾಯಪಟ್ಟರು. ಸಂಘದ ಕಾರ್ಯದರ್ಶಿ ಪ್ರಕಾಶ್‌ಜೀ ಪಿರ್ಗಲ್ ಮಾತನಾಡಿ, ಸಮೇತ ಶಿಖರಜಿಯ ಪವಿತ್ರತೆಯನ್ನು ಕಾಪಾಡುವ ನಿಟ್ಟಿನಲ್ಲಿ 40 ದಿನಗಳ ಸಮೂಹ ತಪಸ್ಸು ಸಂಘದಲ್ಲಿ ಪ್ರಾರಂಭಗೊಂಡಿದೆ ಎಂದು ತಿಳಿಸಿದರು.

ಪ್ರಕಾಶ್‌ಜೀ ರಾಠೋಡ್ ಅವರು ಜಿನವಾಣಿ ಶ್ರವಣದ ಮಹತ್ವವನ್ನು ವಿವರಿಸಿ, ಜಿನಜ್ಞಾನದಿಂದ ವ್ಯಕ್ತಿಗೆ ಧರ್ಮದ ನಿಜವಾದ ಅರ್ಥ ತಿಳಿಯುತ್ತದೆ ಎಂದು ನುಡಿದರು.

ಪ್ರವಚನಗಳು, ವಾಚನಾ ಶಿಬಿರಗಳು, ರಾತ್ರಿ ಉಪದೇಶಗಳು ಮುಂತಾದ ಜ್ಞಾನಪ್ರದ ಕಾರ್ಯಕ್ರಮಗಳು ಪ್ರತಿದಿನವೂ ನಡೆಯುತ್ತಿದ್ದು, ಎಲ್ಲ ವಯೋಮಾನದ ಜನರು ಇದರಲ್ಲಿ ಭಾಗವಹಿಸಲು ಅವಕಾಶವಿದೆ.

ಕಾರ್ಯಕ್ರಮದ ಆರಂಭದಲ್ಲಿ ಶ್ರಾವಿಕೆಯರು ಮಾಂಗಲ್ಯಿಕ ದ್ರವ್ಯಗಳೊಂದಿಗೆ ಗುರು ಭಗವಂತರಿಗೆ ಗೌರವಪೂರ್ವಕವಾಗಿ ಪ್ರವೇಶ ನೀಡಿ ಸ್ವಾಗತಿಸಿದರು.

ಸುರಾಣಾ ಕುಟುಂಬವು 2026ರಲ್ಲಿ ಸುಶೀಲಧಾಮದಲ್ಲಿ ಆಚಾರ್ಯ ಶ್ರೀ ಅವರ ಮಾರ್ಗದರ್ಶನದಲ್ಲಿ “Summer Vacation ಉಪಧಾನ ತಪ” ಆಯೋಜಿಸಲು ನಿರ್ಧರಿಸಿದೆ ಎಂದು ಘೋಷಿಸಲಾಯಿತು.

ಸಂಘದ ಉಪಾಧ್ಯಕ್ಷ ಸಂಪತ್‌ರಾಜ್ ಕೋಠಾರಿ, ಗೌತಮ್ ಸುರಾಣಾ, ಖಜಾಂಚಿ ರಮೇಶ್ ಮರಲೆಚಾ, ಅಶೋಕ್ ಪಾರೆಖ್ ಸೇರಿದಂತೆ ಅನೇಕ ಶ್ರದ್ಧಾವಂತರು ಕಾರ್ಯಕ್ರಮದಲ್ಲಿ ಭಾಗವಹಿಸಿದರು.

ಗುರು ಭಗವಂತರ ಪರಿಚಯವನ್ನು ರಿತೇಶ್ ಭಂಡಾರಿ ಮಾಡಿಕೊಟ್ಟರು. ಅಲ್ಪಾಹಾರ ವ್ಯವಸ್ಥೆಯನ್ನು ಕಾಂತಿಲಾಲ್ ಮರಲೆಚಾ ಯಶಸ್ವಿಯಾಗಿ ನಿರ್ವಹಿಸಿದರು. ಧನ್ಯವಾದ ಪ್ರದಾನವನ್ನು ಪ್ರವೀಣ್ ಚೌಹಾಣ್ ನೆರವೇರಿಸಿದರು.

ವರಘೋಡೆ ವ್ಯವಸ್ಥೆಯಲ್ಲಿ ಜಯೇಶ್ ಕೋಠಾರಿ, ನಿತಿನ್ ಸಾಕರಿಯಾ, ಅಮಿತ್ ಮೆಹತಾ, ಹೇಮಂತ್ ಪೋರವಾಲ್ ಮೊದಲಾದವರು ಶ್ರಮಿಸಿದ್ದರು. ಟ್ರಸ್ಟ್‌ನ ಎಲ್ಲಾ ಟ್ರಸ್ಟಿಗಳು ಉತ್ಸಾಹದಿಂದ ಕಾರ್ಯಕ್ರಮದಲ್ಲಿ ಸಕ್ರಿಯವಾಗಿ ಪಾಲ್ಗೊಂಡರು.

City Today News 9341997936