ನಾಗರಹೊಳೆ ಕಾಡುಗಳು ಜೇನುಕುರುಬ, ಬೆಟ್ಟಕುರುಬ, ಪಣಿಯ ಮತ್ತು ಯರವ ಸಮುದಾಯಗಳ ಪೂರವಜರ ನೆಲೆಯಾಗಿದ್ದು, ಕಳೆದ 160 ವರ್ಷಗಳಿಂದ ನಿರಂತರ ಅನ್ಯಾಯಕ್ಕೆ ಒಳಗಾಗುತ್ತಿವೆ ಎಂದು ನಾಗರಹೊಳೆ ಆದಿವಾಸಿ ಜಮ್ಮ ಪಾಳೆ ಹಕ್ಕು ಸ್ಥಾಪನ ಸಮಿತಿ (ಎನ್ಎಜೆಎಚ್ಎಸ್ಎಸ್) ಆರೋಪಿಸಿದೆ. ಅಂತಾರಾಷ್ಟ್ರೀಯ ಬಿಗ್ ಕ್ಯಾಟ್ ಅಲಯನ್ಸ್ (ಐಬಿಸಿಎ) ಶೃಂಗಸಭೆಯನ್ನು ‘ಸಂರಕ್ಷಣೆ’ ಹೆಸರಿನಲ್ಲಿನ ಶೋಷಕ ಅಜೆಂಡಾ ಎಂದು ಸಮಿತಿ ತೀವ್ರವಾಗಿ ಖಂಡಿಸಿದೆ.
ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಮುಖಂಡರು, ಹುಲಿ ಸಂರಕ್ಷಿತ ಪ್ರದೇಶಗಳ ಘೋಷಣೆಗಳು ಗ್ರಾಮಸಭೆಗಳ ಮುಕ್ತ ಮತ್ತು ತಿಳಿದ ಒಪ್ಪಿಗೆಯಿಲ್ಲದೆ ನಡೆದಿವೆ ಎಂದು ಆರೋಪಿಸಿದರು. ನಾಗರಹೊಳೆ ಸೇರಿದಂತೆ ದೇಶದ 58 ಹುಲಿ ಸಂರಕ್ಷಿತ ವಲಯಗಳು ಮೂಲ ನಿವಾಸಿಗಳ ಪೂರವಜರ ಭೂಮಿಗಳಲ್ಲೇ ನಿರ್ಮಾಣವಾಗಿವೆ ಎಂದರು. ರಾಷ್ಟ್ರೀಯ ಹುಲಿ ಸಂರಕ್ಷಣಾ ಪ್ರಾಧಿಕಾರ ಹಾಗೂ ಪರಿಸರ, ಅರಣ್ಯ ಮತ್ತು ಹವಾಮಾನ ಬದಲಾವಣೆ ಸಚಿವಾಲಯದ ನೀತಿಗಳು ಬಲವಂತದ ಸ್ಥಳಾಂತರಕ್ಕೆ ಕಾರಣವಾಗಿವೆ ಎಂಬುದು ಅವರ ಆರೋಪ.
2026ರ ಜನವರಿಯಲ್ಲಿ ಸಂಯುಕ್ತ ರಾಷ್ಟ್ರಗಳ ಸಿಇಆರ್ಡಿ ಸಮಿತಿಯು ಭಾರತ ಸರ್ಕಾರಕ್ಕೆ ಪತ್ರ ಬರೆದಿದ್ದರೂ ಯಾವುದೇ ಪ್ರತಿಕ್ರಿಯೆ ಇಲ್ಲವೆಂದು ಸಮಿತಿ ಅಸಮಾಧಾನ ವ್ಯಕ್ತಪಡಿಸಿತು. ನಾಗರಹೊಳೆ ಮೂಲ ನಿವಾಸಿಗಳ ಪವಿತ್ರ ನೆಲವಾಗಿದ್ದು, ಇಲ್ಲಿ ಗೌರವ ಹಾಗೂ ಘನತೆಯೊಂದಿಗೆ ನಡೆದುಕೊಳ್ಳಬೇಕು ಎಂದು ಬೆಂಗಳೂರಿನ ಪತ್ರಿಕಾ ಕ್ಲಬ್ನಲ್ಲಿ ನಡೆದ ಗೋಷ್ಠಿಯಲ್ಲಿ ಮನವಿ ಮಾಡಲಾಯಿತು.
City Today News 9341997936
City Today News 