ಮಣಿಪಾಲ್ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್–ಬ್ರಾಡ್ರಿಡ್ಜ್ ಫೈನಾನ್ಷಿಯಲ್ ಸೊಲ್ಯೂಶನ್ಸ್ ಒಪ್ಪಂದ: ಉದ್ಯಮ–ಶಿಕ್ಷಣ ಸೇತುವೆಗೆ ಹೊಸ ಬಲ.

ಬೆಂಗಳೂರು, ಫೆ.26– ಮಣಿಪಾಲ್ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್ (MAHE) ಮತ್ತು ಜಾಗತಿಕ ಹಣಕಾಸು ತಂತ್ರಜ್ಞಾನ ಕ್ಷೇತ್ರದಲ್ಲಿ ಪ್ರಮುಖ ಸ್ಥಾನ ಹೊಂದಿರುವ ಬ್ರಾಡ್ರಿಡ್ಜ್ ಫೈನಾನ್ಷಿಯಲ್ ಸೊಲ್ಯೂಶನ್ಸ್ ನಡುವೆ ಕೈಗಾರಿಕೆ–ಶಿಕ್ಷಣ ಸಹಕಾರವನ್ನು ಬಲಪಡಿಸುವ ಉದ್ದೇಶದಿಂದ ಪರಸ್ಪರ ಒಪ್ಪಂದ (MoU)ಕ್ಕೆ ಸಹಿ ಹಾಕಲಾಗಿದೆ. ಈ ಒಪ್ಪಂದವು ವಿದ್ಯಾರ್ಥಿಗಳಿಗೆ ಉದ್ಯಮದ ಬೇಡಿಕೆಗಳಿಗೆ ಹೊಂದುವ ಕೌಶಲ್ಯಾಭಿವೃದ್ಧಿ ಹಾಗೂ ಅನುಭವಾಧಾರಿತ ಅಧ್ಯಯನ ಅವಕಾಶಗಳನ್ನು ಕಲ್ಪಿಸುವತ್ತ ಮಹತ್ವದ ಹೆಜ್ಜೆಯಾಗಿ ಪರಿಗಣಿಸಲಾಗಿದೆ.

ಒಪ್ಪಂದ ಸಹಿ ಕಾರ್ಯಕ್ರಮದಲ್ಲಿ ಬ್ರಾಡ್ರಿಡ್ಜ್ ಪ್ರತಿನಿಧಿಗಳಾಗಿ ರಿತು ರಾಖ್ರಾ, ಅಕ್ತಾ ಜೈನ್, ಶರತ್ ಗೊಲ್ಲಪಳ್ಳಿ, ರಾಶಿ ಛಾಬ್ರಾ ಮತ್ತು ರಾಧಿಕಾ ಲೋಹಿಯಾ ಉಪಸ್ಥಿತರಿದ್ದರು. MAHE ಪರವಾಗಿ ಪ್ರೊ. ಮಧು ವೀರರಾಘವನ್, ಪ್ರೊ. ಐವನ್ ಜೋಸೆ ಮತ್ತು ಡಾ. ದಯಾನಂದ ಪಿ ಭಾಗವಹಿಸಿದ್ದರು. ಕಾರ್ಯಕ್ರಮದ ಅಂಗವಾಗಿ ವಿದ್ಯಾರ್ಥಿಗಳೊಂದಿಗೆ ಸಂವಾದಾತ್ಮಕ ಅಧಿವೇಶನಗಳು ನಡೆಯಿತು. ಈ ವೇಳೆ ಹಣಕಾಸು ತಂತ್ರಜ್ಞಾನ ಕ್ಷೇತ್ರದ ಹೊಸ ಪ್ರವೃತ್ತಿಗಳು, ಉದ್ಯೋಗಾವಕಾಶಗಳು ಮತ್ತು ಅಗತ್ಯ ಕೌಶಲ್ಯಗಳ ಬಗ್ಗೆ ಮಾಹಿತಿ ಹಂಚಿಕೊಳ್ಳಲಾಯಿತು.

ಒಪ್ಪಂದದಡಿ ಕೈಗಾರಿಕೆ ಆಧಾರಿತ ತರಬೇತಿ, ಅತಿಥಿ ಉಪನ್ಯಾಸಗಳು, ಕಾರ್ಯಾಗಾರಗಳು, ಮೆಂಟರ್‌ಶಿಪ್ ಕಾರ್ಯಕ್ರಮಗಳು ಮತ್ತು ಇಂಟರ್ನ್‌ಶಿಪ್ ಅವಕಾಶಗಳನ್ನು ಒದಗಿಸಲಾಗುತ್ತದೆ. ಜೊತೆಗೆ BR ಪಠ್ಯಕ್ರಮ ರೂಪಿಸುವುದಕ್ಕೂ ಎರಡೂ ಸಂಸ್ಥೆಗಳು ಕೈಜೋಡಿಸಲಿವೆ.

ಈ ಸಹಭಾಗಿತ್ವವು ವಿದ್ಯಾರ್ಥಿಗಳ ಉದ್ಯೋಗಾರ್ಹತೆಯನ್ನು ಹೆಚ್ಚಿಸುವುದರ ಜೊತೆಗೆ ಅನ್ವಯಿಕ ಸಂಶೋಧನೆ ಮತ್ತು ನವೀನತೆಯನ್ನು ಉತ್ತೇಜಿಸುವಲ್ಲಿ ಸಹಕಾರಿ ಆಗಲಿದೆ. ಶಿಕ್ಷಣದ ಶ್ರೇಷ್ಠತೆಯನ್ನು ಉದ್ಯಮದ ಅನುಭವದೊಂದಿಗೆ ಸಂಯೋಜಿಸುವ ಮೂಲಕ ಭವಿಷ್ಯೋನ್ಮುಖ ಪ್ರತಿಭೆ ರೂಪಿಸುವ ಉದ್ದೇಶವನ್ನು ಎರಡೂ ಸಂಸ್ಥೆಗಳು ವ್ಯಕ್ತಪಡಿಸಿವೆ.

City Today News 9341997936