Author: City Today News (City today.media)

ದಿನಾಂಕ : 18 . 07 . 2019 ರಿಂದ 20 . 07 . 2019 ರವರೆಗೆ 3 ದಿನಗಳ ಕಾಲ ವೈಧಿಕ ಚಾರಿಟಬಲ್ ಟ್ರಸ್ಟ್ , ಮಹಾಲಕ್ಷ್ಮಿ ಗುರುಕುಲ ( ರಿ ) ಹಾಗೂ ಕರ್ನಾಟಕ ಸಂಸ್ಕೃತ ವಿಶ್ವವಿದ್ಯಾಲಯ ಆಶ್ರಯದಲ್ಲಿ 3 ದಿನಗಳ ಕಾಲ ವಿಜಯನಗರದ ಶ್ರೀ ಬಸವೇಶ್ವರ ಸುಜ್ಞಾನ ಕಲ್ಯಾಣ ಮಂಟಪದಲ್ಲಿ ವೀರಶೈವ ಅರ್ಚಕರ ಪುರೋಹಿತರ ಹಾಗೂ ಆಗಮಿಕರ ದ್ವಿತೀಯ ರಾಷ್ಟ್ರೀಯ ಮಟ್ಟದ ಸಮಾರಂಭ ನಡೆಯಲಿದೆ ಎಂದು ಸಂಘದ ಅಧ್ಯಕ್ಷರಾದ ಡಾ . ಕೆ . ಎನ್ . ರಾಜಕುಮಾರ್ ಶಾಸ್ತಿ ಪತ್ರಿಕಾಗೋಷ್ಟಿಯಲ್ಲಿ ತಿಳಿಸಿದರು . 18ನೇ ತಾರೀಖು ವಿಭೂತಿಪುರ ಮಹಾಸಂಸ್ಥಾನ ಮಠದ ಸ್ವಾಮೀಜಿಗಳಾದ ಡಾ . ಮಹಾಂತ ಲಿಂಗ ಶಿವಾಚಾರ್ಯ ಸ್ವಾಮೀಜಿಗಳು ದಿವ್ಯಸಾನಿಧ್ಯ ವಹಿಸಲಿದ್ದಾರೆ . ಚನ್ನಗಿರಿ ತಾಲ್ಲೂಕಿನ ಶಿಲಾಮಠದ ಡಾ . ಅಭಿನವ ಸಿದ್ದಲಿಂಗ ಶಿವಾಚಾರ್ಯ ಸ್ವಾಮಿಗಳು ಉಪದೇಶಾಮೃತ ಮಾಡಲಿದ್ದಾರೆ . ಕರ್ನಾಟಕ ಸಂಸ್ಕೃತ ವಿಶ್ವವಿದ್ಯಾನಿಲಯದ ಉಪ ಕುಲಸಚಿವರಾದ ಡಾ . ಪ್ರಕಾಶ್ ಆರ್ . ಪಾಗೋಜಿ ರವರು ಕಾರ್ಯಕ್ರಮವನ್ನು ಉದ್ಘಾಟಿಸಲಿದ್ದಾರೆ . ಕಾರ್ಯಾಗಾರವನ್ನು ವೀರಶೈವ ಮುಖಂಡರಾದ ವಾಗೀಶ್‌ಪ್ರಸಾದ್ ಚಾಲನೆ ನೀಡಲಿದ್ದಾರೆ . ಮಹಾರಾಷ್ಟ್ರದ ಸೊಲ್ಲಾಪುರದ ಡಾ . ಶಿವಯೋಗಿ ಹೋಳಿಮರ್ ಅಧ್ಯಕ್ಷತೆ ವಹಿಸಲಿದ್ದಾರೆ . ಶ್ರೀ ಜಾವಗಲ್ ಹೊನ್ನಪ್ಪ ಶಾಸ್ತ್ರಿಗಳು ಉಪಸ್ಥಿತರಿರುತ್ತಾರೆ . 19 ರಂದು ಜನಪ್ರಿಯ ಶಾಸಕರಾದ ವಿಜಯನಗರದ ಎಂ . ಕೃಷ್ಣಪ್ಪನವರು ಉದ್ಘಾಟಿಸಲಿದ್ದು , ನಿವೃತ್ತ ಐಎಎಸ್ ಅಧಿಕಾರಿಗಳಾದ ಡಾ . ಸಿ . ಸೋಮಶೇಖರ್ ಅಧ್ಯಕ್ಷತೆ ವಹಿಸಲಿದ್ದಾರೆ .

20ನೇ ತಾರೀಖು ಬೆಳಿಗ್ಗೆ 9 . 30 ಕ್ಕೆ ವಿಜಯನಗರದ ಹರಿಹರೇಶ್ವರ ಸ್ವಾಮಿ ದೇವಾಲಯದಿಂದ ಪೂರ್ಣಕುಂಭ | ಸ್ವಾಗತದೊಂದಿಗೆ ನಂದಿಧ್ವಜ , ವೀರಗಾಸೆ ಇನ್ನಿತರ ತಂಡಗಳಿಂದ ಸುಜ್ಞಾನ ಬಸವೇಶ್ವರ ಕಲ್ಯಾಣ ಮಂಟಪಕ್ಕೆ ಉಕ್ಕೇರಿ ಹಿರೆಮಠದ ಪೀಠಾಧ್ಯಕ್ಷರಾದ ಡಾ . ಚಂದ್ರಶೇಖರ ಶಿವಾಚಾರ್ಯ ಸ್ವಾಮಿಜಿಗಳು ದಿವ್ಯ ಸಾನಿಧ್ಯ ವಹಿಸಲಿದ್ದಾರೆ . ಯಡಿಯೂರು ಕ್ಷೇತ್ರದ ಶ್ರೀಗಳಾದ ಶ್ರೀ ರೇಣುಕಾ ಶಿವಾಚಾರ್ಯ ಸ್ವಾಮಿಗಳು ಹಾಗೂ ಬೆಳಗಾವಿ ಜಿಲ್ಲೆಯ ಮುರಗೋಡು ಮಹಾಂತ ದುರದುಂಡೇಶ್ವರ ಮಠದ ಶ್ರೀ ನೀಲಕಂಠ ಮಹಾಸ್ವಾಮಿಗಳು ಹಾಗೂ ಮುಡುಕುತೊರೆ ಮಠದ ಮಹಾಂತಲಿಂಗ ಶಿವಾಚಾರ್ಯ ಸ್ವಾಮಿ ಸೇರಿದಂತೆ ಕೆ . ವಿ . ವಿ ಸಂಸ್ಥೆಯ ಅಧ್ಯಕ್ಷರಾದ ಬಿ . ಎಸ್ . ಪರಮಶಿವಯ್ಯ ಅವರು ಭಾಗವಹಿಸಲಿದ್ದಾರೆ . ಅಂದಿನ ಕಾರ್ಯಕ್ರಮವನ್ನು ಕರ್ನಾಟಕ ಸಂಸ್ಕೃತ ವಿಶ್ವವಿದ್ಯಾಲಯದ ಪ್ರಭಾರ ಕುಲಪತಿ ಪ್ರೊ . ವಿ . ಗಿರೀಶ್ಚಂದ್ರ ಉದ್ಘಾಟಿಸಲಿದ್ದಾರೆ . ಈ ಮೂರು ದಿನಗಳ ಕಾರ್ಯಕ್ರಮದಲ್ಲಿ ನಾಡಿನ ಸರಗೂರು ಚರಮೂರ್ತಿಗಳು ಹಾಗೂ ನಾಲ್ಕು ರಾಜ್ಯಗಳಾದ ಕರ್ನಾಟಕ , ತಮಿಳುನಾಡು , ಆಂದ್ರ , ತೆಲಂಗಾಣದಲ್ಲಿರುವ ಅರ್ಚಕರು ಮತ್ತು ಪುರೋಹಿತರು ಭಾಗವಹಿಸಲಿದ್ದಾರೆ . ವೈಧಿಕ ವಿದ್ವಾಂಸರುಗಳಿಗೆ ವೈಧಿಕ ಶಿಕಾಮಣಿ ರಾಷ್ಟ್ರೀಯ ಪ್ರಶಸ್ತಿಯನ್ನು 20 ಜನರಿಗೆ ವಿತರಿಸಲಾಗುವುದು ಎಂದು ಕೆ . ಎನ್ , ರಾಜಕುಮಾರಶಾಸ್ತ್ರಿ -ಅಧ್ಯಕ್ಷರು, ಶಿವಕುಮಾರ ಆರಾಧ್ಯ- ಕಾರ್ಯಕಾರಿ ಸಮಿತಿ ಸದಸ್ಯರು, ವೀರಪ್ಪ ದೇವರು-ಕಾರ್ಯಕಾರಿ ಸಮಿತಿ ಸದಸ್ಯರು, ಸೋಮಶೇಖರ ಗಾಂಧಿ- ಖಜಾಂಚಿ, ಪತ್ರಿಕಾಗೋಷ್ಟಿಯಲ್ಲಿ ತಿಳಿಸಿದರು

City Today News

(citytoday.media)

9341997936

ವಿಶ್ವದ ಅತೀ ದೊಡ್ಡ ಪ್ರಜಾಪ್ರಭುತ್ವ ದೇಶವು ಇಂದು ಲಿಂಚಿಸ್ಥಾನದ ಗಣರಾಜ್ಯ ಎಂಬ ಕುಖ್ಯಾತಿಗೆ ಒಳಗಾಗಿದೆ . ಧಾರ್ಮಿಕ ನಂಬಿಕೆಯ ಕಾರಣದಿಂದ ಮತ್ತು ಜಾತಿ ತಾರತಮ್ಯದ ಕಾರಣದಿಂದ ಮುಗ್ಧ ಜನರನ್ನು ಅಟ್ಟಾಡಿಸಿಕೊಂಡು ಬರ್ಬರವಾಗಿ ಹಲ್ಲೆಗೈದು ಕೊಲ್ಲುವ ಘಟನೆಗಳು ದೇಶದಲ್ಲಿ ವ್ಯಾಪಕವಾಗಿ ನಡೆಯುತ್ತಿದೆ . ಗೋಮಾಂಸ ಸೇವಿಸಿದರು ಅಥವಾ ಗೋವನ್ನು ಕೊಂದಿದ್ದರು ಎಂಬ ಕುಲ್ಲಕ ಆರೋಪದ ಮೇಲೆ ಈ ಗುಂಪು ಹತ್ಯೆಗಳು ಹೆಚ್ಚಾಗಿ ನಡೆಯುತ್ತಿದೆ . 2014ರಲ್ಲಿ ಬಿಜೆಪಿ ಅಧಿಕಾರಕ್ಕೇರಿದ ನಂತರ 180ರಷ್ಟು ಗಂಭೀರ ಮತ್ತು 33 ಸಾಮಾನ್ಯ ಗುಂಪು ಹಲ್ಲೆ ಪ್ರಕರಣಗಳು ನಡೆದಿದೆ . ಅವುಗಳಲ್ಲಿ 50 ಮಂದಿಯನ್ನು ಹಾಡುಹಗಲೇ ಹತ್ಯೆಗೈಯ್ಯಲಾಗಿದೆ . ಕೆಲವರನ್ನು ಅತ್ಯಂತ ಬರ್ಬರವಾಗಿ ಜೀವಂತ ದಹಿಸಲಾಗಿದೆ . ಗುಂಪು ಹತ್ಯೆಗೆ ಒಳಗಾದವರಲ್ಲಿ ಶೇ56 ರಷ್ಟು ಬಡ ಮುಸ್ಲಿಮರು ಮತ್ತು ಶೇ 44 ರಷ್ಟು ಹಿಂದುಳಿದ ಜಾತಿಯವರಾಗಿದ್ದಾರೆ . ಬಿಜೆಪಿ ಆಡಳಿತದ 2ನೇ ಅವಧಿಯಲ್ಲಿ ಈ ಗುಂಪು ಹತ್ಯೆಯು ಮತ್ತಷ್ಟು ಬರ್ಬರತೆಯನ್ನು ತಾಳಿದೆ . ಬುಡಕಟ್ಟು ರಾಜ್ಯವಾಗಿರುವ ಜಾರ್ಖಂಡ್ ಗುಂಪು ಹತ್ಯೆಗೆ ಕುಖ್ಯಾತಿಯನ್ನು ಪಡೆದಿದೆ . ಅಲೀಮುದ್ದೀನ್ ಅನ್ಸಾರಿ ಯಿಂದ ಹಿಡಿದು ಇತ್ತೀಚಿಗಿನ ತಬ್ರೇಝಲ್ ಅನ್ಸಾರಿಯ ಹತ್ಯೆಯ ವರೆಗೆ ಅದರ ಪಟ್ಟಿ ಮುಂದುವರಿದಿದೆ . ತಬ್ರೇಝ್ ಅನ್ಸಾರಿಯನ್ನು ಕಟ್ಟಿಹಾಕಿ ಹಲವು ತಾಸುಗಳ ಕಾಲ ಬರ್ಬರವಾಗಿ ಚಿತ್ರಹಿಂಸೆ ನೀಡಿ ‘ ಜೈ ಶ್ರೀ ರಾಮ್ , ಜೈ ಹನುಮಾನ್ ‘ ಎಂದು ಹೇಳುವಂತೆ ಬಲವಂತ ಪಡಿಸುತ್ತಿರುವ ದೃಶ್ಯವು ಪಾರ್ಲಿಮೆಂಟಿನಲ್ಲಿ ಮುಸ್ಲಿಂ ಸಂಸದರೊಬ್ಬರು ಪ್ರಮಾಣವಚನ ಸ್ವೀಕರಿಸುವಾಗ ಮೊಳಗಿದ ‘ ಜೈ ಶ್ರೀ ರಾಮ್ ‘ ಘೋಷಣೆಯಿಂದ ಪ್ರೇರಣೆಗೊಂಡಿದೆ ಎಂಬುದನ್ನು ಎತ್ತಿ ತೋರಿಸುತ್ತಿದೆ . ಇದು ದೇಶದ ಅಲ್ಪ ಸಂಖ್ಯಾತ , ದಲಿತ ಮತ್ತು ಹಿಂದುಳಿದ ಸಮುದಾಯಗಳಲ್ಲಿ ಭಯದ ವಾತಾವರಣವನ್ನು ಸೃಷ್ಟಿಮಾಡಿದೆ . ಆದುದರಿಂದ ಈ ರೀತಿಯ ಗುಂಪು ಹತ್ಯೆ ನಡೆಸುವ ಫ್ಯಾಶಿಸ್ಟ್ ಶಕ್ತಿಗಳನ್ನು ಕಾನೂನಿನ ಅಡಿಯಲ್ಲಿ ಪ್ರತಿರೋಧಿಸಿ ದೇಶದ ಜನರ ಮನಸ್ಸಿನಲ್ಲಿ ನಿರ್ಭೀತಿ ಮತ್ತು ಸ್ವಾಭಿಮಾನವನ್ನು ಸೃಷ್ಟಿಮಾಡಲು ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ ದೇಶದಾದ್ಯಂತ “ ನಿರ್ಭೀತಿಯಿಂದ ಜೀವಿಸಿ . ಘನತೆಯಿಂದ ಜೀವಿಸಿ ” ಎಂಬ ಘೋಷಣೆಯೊಂದಿಗೆ 2019 ಜುಲೈ 15ರಿಂದ ಆಗಸ್ಟ್ 31ರ ವರೆಗೆ ರಾಷ್ಟ್ರೀಯ ಅಭಿಯಾನವನ್ನು ಹಮ್ಮಿಕೊಂಡಿದೆ . ಇದರ ಅಂಗವಾಗಿ ಕರ್ನಾಟಕ ರಾಜ್ಯದ ಎಲ್ಲಾ ಜಿಲ್ಲೆಗಳಲ್ಲೂ ಸಾರ್ವಜನಿಕ ಸಭೆ , ಕಾರ್ನರ್ ಮೀಟಿಂಗ್ , ಬೀದಿನಾಟಕ , ಭಿತ್ತಿಪತ್ರ , ಕರಪತ್ರ ವಿತರಣೆ , ಸೆಮಿನಾರ್ ಮುಂತಾದ ವಿವಿಧ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದೆ . ಈ ಕಾರ್ಯಕ್ರಮಗಳಲ್ಲಿ ರಾಜ್ಯದ ಜನತೆ ಹೆಚ್ಚಿನ ಸಂಖ್ಯೆಗಳಲ್ಲಿ ಭಾಗವಹಿಸಿ ಯಶಸ್ವಿಗೊಳಿಸಬೇಕಾಗಿ ಈ ಮೂಲಕ ವಿನಂತಿಸುತ್ತೇವೆ .

ಪತ್ರಿಕಾ ಗೋಷ್ಠಿಯಲ್ಲಿ : 1 . ಅಬ್ದುಲ್ ರಜಾಕ್‌ ಕೆಮ್ಮಾರ ( ರಾಜ್ಯ ಕಾರ್ಯದರ್ಶಿ ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ ಕರ್ನಾಟಕ ) * 2 . ಶಾಫಿ ಬೆಳ್ಳಾರೆ ( ರಾಜ್ಯ ಸಮಿತಿ ಸದಸ್ಯರು ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ ಕರ್ನಾಟಕ ) 3 . ಫಾರೂಕ್ ರಾಮನಗರ ( ರಾಜ್ಯ ಸಮಿತಿ ಸದಸ್ಯರು ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ ಕರ್ನಾಟಕ ) – : 4 . ವಾಜಿದ್ ಬೆಂಗಳೂರು ( ಜಿಲ್ಲಾಧ್ಯಕ್ಷರು ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ ಬೆಂಗಳೂರು )ಉಪಸ್ಥಿತರಿದ್ದರು

City Today News

(citytoday.media)

9341997936