Category: Celebrations

ಬೆಂಗಳೂರು , ಫೆಬ್ರವರಿ 12: ದಲಿತರಿಗೆ ಗೃಹಪ್ರವೇಶ, ದೇವಾಲಯ ಪ್ರವೇಶ ಹಾಗೂ ಅಸ್ಪೃಶ್ಯತೆ ಮುಕ್ತ ಸಮಾಜ ನಿರ್ಮಾಣದ ಸಂಕಲ್ಪದೊಂದಿಗೆ ಕಾರ್ಯನಿರ್ವಹಿಸುತ್ತಿರುವ ಅರಿವು ಭಾರತ ಸಂಸ್ಥೆಯು ದಶಮಾನೋತ್ಸವಕ್ಕೆ ಕಾಲಿಟ್ಟಿದ್ದು, ಫೆಬ್ರವರಿ 15ರಂದು ಕೋಲಾರದ ಟಿ. ಚನ್ನಯ್ಯ ರಂಗ ಮಂದಿರದಲ್ಲಿ ಅದ್ದೂರಿಯಾಗಿ ಕಾರ್ಯಕ್ರಮ ಆಯೋಜಿಸಿದೆ.

ಕಾರ್ಯಕ್ರಮದಲ್ಲಿ ಕರ್ನಾಟಕ ಹೈಕೋರ್ಟಿನ ನಿವೃತ್ತ ನ್ಯಾಯಮೂರ್ತಿಗಳಾದ ಎಚ್.ಎನ್. ನಾಗಮೋಹನ ದಾಸ್ ಉದ್ಘಾಟನೆ ಮಾಡಲಿದ್ದಾರೆ. ಲೋಕೋಪಯೋಗಿ ಸಚಿವ ಸತೀಶ್ ಜಾರಕಿಹೊಳಿ “ಒಳ-ಹೊರಗು” ಪುಸ್ತಕ ಬಿಡುಗಡೆ ಮಾಡಲಿದ್ದು, ಸಮಾಜ ಕಲ್ಯಾಣ ಸಚಿವ ಹೆಚ್.ಸಿ. ಮಹದೇವಪ್ಪ ಛಾಯಾಚಿತ್ರ ಪ್ರದರ್ಶನ ಉದ್ಘಾಟಿಸಲಿದ್ದಾರೆ. ಕೋಲಾರದ ಶಾಸಕರಾದ ಕೊತ್ತೂರು ಜಿ. ಮಂಜುನಾಥ್ ಅಧ್ಯಕ್ಷತೆ ವಹಿಸಲಿದ್ದು, ಸಾರ್ವಜನಿಕ ಶಿಕ್ಷಣ ಆಯುಕ್ತ ಡಾ. ತ್ರಿಲೋಕಚಂದ್ರ ಅರಿವು ಅಭಿಯಾನ ಕುರಿತಾಗಿ ಮಾತನಾಡಲಿದ್ದಾರೆ. ಪತ್ರಕರ್ತ ಕೆ. ನರಸಿಂಹ ಮೂರ್ತಿ ಪುಸ್ತಕ ಕುರಿತು ವೀಕ್ಷಣೆ ನೀಡಲಿದ್ದಾರೆ.

ಅಸ್ಪೃಶ್ಯತೆ ವಿರುದ್ಧ ಹೋರಾಟದ ಹತ್ತು ವರ್ಷ

2014ರಲ್ಲಿ ಡಾ. ಶಿವಪ್ಪ ಅರಿವು ಅವರ ಮನೆಯಿಂದ ಪ್ರಾರಂಭವಾದ ದಲಿತ ಗೃಹಪ್ರವೇಶ ಕಾರ್ಯಕ್ರಮ ಈಗ ಕರ್ನಾಟಕದ ಹಲವೆಡೆ ಹಾಗೂ ಆಂಧ್ರಪ್ರದೇಶ, ತಮಿಳುನಾಡುಗಳಲ್ಲಿಯೂ ನಡೆಯುತ್ತಿದೆ. ಅಸ್ಪೃಶ್ಯತೆ ಮುಕ್ತ ಭಾರತಕ್ಕಾಗಿ “ಅಸ್ಪೃಶ್ಯತೆ ಮುಕ್ತ ಮನೆ”, “ಸಹಭೋಜನ”, “ಒಂದು ಊರು, ಒಂದು ನೀರು” ಅಭಿಯಾನಗಳು ಮುಂದುವರೆದಿವೆ. ದೇವಾಲಯ ಪ್ರವೇಶ ಹಕ್ಕಿಗಾಗಿ ಸರ್ಕಾರದ ಮೇಲೆ ಒತ್ತಡ ಹೇರುವ ಅರಿವು ಭಾರತ ಶ್ರಮದಿಂದ ಮುಜರಾಯಿ ದೇವಾಲಯಗಳಲ್ಲಿ “ಎಲ್ಲರಿಗೂ ಪ್ರವೇಶ” ಎಂಬ ಫಲಕ ಅಳವಡಿಸಲು ಸರ್ಕಾರ ನಿರ್ಧರಿಸಿದೆ.

ಸಮಾಜ ಪರಿವರ್ತನೆಯ ಶಕ್ತಿಯಾಗಿದೆ – ಅರಿವು ಭಾರತ

ಅಸ್ಪೃಶ್ಯತೆ ನಿರ್ಮೂಲನೆಗೆ ಶಾಲಾ-ಕಾಲೇಜು ವಿದ್ಯಾರ್ಥಿಗಳಿಗೆ “ಪ್ರತಿಜ್ಞಾವಿಧಿ” ಬೋಧನೆ, ವಿವಾಹದಿಂದ ಬಯಲಿಗೆ ಬಿದ್ದ ಮಹಿಳೆಯರಿಗೆ ಮರುಮದುವೆ ವೇದಿಕೆ ಎಂಬ ಮಹತ್ವದ ಕಾರ್ಯಕ್ರಮಗಳನ್ನು ನಡೆಸುತ್ತಿದೆ. ದಶಮಾನೋತ್ಸವ ಕಾರ್ಯಕ್ರಮದಲ್ಲಿ ಮಂತ್ರಿಗಳು, ಸಂಸದರು, ಶಾಸಕರು, ವಿವಿಧ ಸಂಘಟನೆಗಳ ಮುಖಂಡರು ಭಾಗವಹಿಸಲಿದ್ದಾರೆ.

“ಎದೆಗೆ ಬಿದ್ದ ಅಕ್ಷರ, ನೆಲಕ್ಕೆ ಬಿದ್ದ ಬೀಜ ಎಂದಿಗೂ ನಿಷ್ಪಲವಾಗುವುದಿಲ್ಲ” ಎಂಬ ದೇವನೂರು ಮಹದೇವ ಅವರ ಮಾತನ್ನು ಸ್ಮರಿಸಿಕೊಂಡು, ಅಸ್ಪೃಶ್ಯತೆ ಮುಕ್ತ ಭಾರತ ನಿರ್ಮಾಣವೆಂಬ ತಮ್ಮ ಕನಸು ಈಡೇರಿಸಲು ಅರಿವು ಭಾರತ ಹೋರಾಟ ಮುಂದುವರಿಸುತ್ತಿದೆ.

ಪ್ರೆಸ್ ಕ್ಲಬ್ ಆಫ್ ಬೆಂಗಳೂರ್ ನಲ್ಲಿ ನಡೆದ ಪತ್ರಿಕಾ ಗೋಷ್ಠಿಯಲ್ಲಿ ಡಾ.ಶಿವಪ್ಪ ಆರಿವು, ಎಚ್‌.ಕೆ.ವಿವೇಕಾನಂದ, ಡಾ.ರುದ್ರೇಶ್ ಆದರಂಗಿ, ಆನಂತ್ ನಾಯಕ್‌, ಟಿ.ವಿಜಯಕುಮಾ‌ರ್, ಪಂಡಿತ್ ಮುನಿವೆಂಕಟಪ್ಪ, ಅಬ್ಬಣಿ ಶಿವಪ್ಪ, ಕೆ.ಆನಂದ್ ಕುಮಾರ್ ಹಾಜರಿದ್ದರು

City Today News 9341997936

ಬೆಂಗಳೂರಿನ ಜಯನಗರ 5ನೇ ಬಡಾವಣೆಯ ನಂಜನಗೂಡು ಶ್ರೀ ರಾಘವೇಂದ್ರಸ್ವಾಮಿಗಳವರ ಮಠದಲ್ಲಿ ಪರಮಪೂಜ್ಯ  ಶ್ರೀ 1008 ಶ್ರೀ ಸುಬುಧೇಂದ್ರತೀರ್ಥ  ಶ್ರೀಪಾದಂಗಳವರ ಆದೇಶ ಅನುಗ್ರಹದೊಂದಿಗೆ ಶ್ರೀ ಮಠದ ಹಿರಿಯ ವ್ಯವಸ್ಥಾಪಕರಾದ ಆರ್‌. ಕೆ. ವಾದೀಂದ್ರಾಚಾರ್ಯರ ನೇತೃತ್ವದಲ್ಲಿ “ಭಾರತ ಹುಣ್ಣಿಮೆ-ವ್ಯಾಸ ಪೌರ್ಣಮಿ” ಪ್ರಯುಕ್ತ ಸಾಮೂಹಿಕ ಶ್ರೀ ಸತ್ಯನಾರಾಯಣ ವ್ರತ ಪೂಜೆಯನ್ನು ಪುರೋಹಿತರಾದ ಶ್ರೀ ನಂದಕಿಶೋರಾಚಾರ್ಯರು ಮತ್ತು ರಾಘವೇಂದ್ರ ಕಟ್ಟಿ ಆಚಾರ್ಯರು ನೆರವೇರಿಸಿದರು. ಈ ಸಂದರ್ಭದಲ್ಲಿ ನೂರಾರು ಭಕ್ತರು ಮತ್ತು ಸೇವಾ ಕರ್ತೃಗಳು ಶ್ರೀ ಸತ್ಯನಾರಾಯಣ ವ್ರತ ಪೂಜೆಯಲ್ಲಿ ಪಾಲ್ಗೊಂಡು ಶ್ರೀ ರಾಘವೇಂದ್ರ ಸ್ವಾಮಿಗಳ ದರ್ಶನ ಪಡೆದು ತೀರ್ಥ ಪ್ರಸಾದವನ್ನು ಸ್ವೀಕರಿಸಿ ಶ್ರೀ ಹರಿ ವಾಯು ಗುರುಗಳ ಅನುಗ್ರಹಕ್ಕೆ ಪಾತ್ರರಾದರು.

City Today News 9341997936

ಬೆಂಗಳೂರು: ಕನ್ನಡ ಸಾಹಿತ್ಯ ಲೋಕದ ಪ್ರಮುಖ ಚೇತನ, ಪ್ರಸಿದ್ಧ ವಿಮರ್ಶಕ, ಅನುವಾದಕ ಮತ್ತು ಬಹುಮುಖ ಪ್ರತಿಭೆ ಪ್ರೊ. ಎಲ್.ಎಸ್. ಶೇಷಗಿರಿರಾವ್ ಅವರ ಜನ್ಮ ಶತಮಾನೋತ್ಸವ ಸಮಾರೋಪ ಸಮಾರಂಭವು ಫೆಬ್ರವರಿ 17, 2025ರಂದು ಬೆಂಗಳೂರಿನ ಕನ್ನಡ ಭವನದ ನಯನ ಸಭಾಂಗಣದಲ್ಲಿ ನಡೆಯಲಿದೆ.

ಈ ಅದ್ದೂರಿ ಸಮಾರಂಭದಲ್ಲಿ ‘ಎಲ್.ಎಸ್.ಎಸ್. ಜಾಲತಾಣ’ ಮತ್ತು ಶತಮಾನೋತ್ಸವ ‘ನೆನಪಿನ ಸಂಪುಟ’ ಲೋಕಾರ್ಪಣೆಗೊಳ್ಳಲಿವೆ. ಕನ್ನಡ ಸಾಹಿತ್ಯದ ವಿಶಿಷ್ಟ ವೈಶಿಷ್ಟ್ಯಗಳನ್ನು ಪರಿಚಯಿಸುವ ‘ಕನ್ನಡ ವಿಶೇಷ ಸಾಹಿತ್ಯ ಗಿರಿ’ ಸಂಪುಟವನ್ನು ಹಿರಿಯ ವಿಮರ್ಶಕ ಡಾ. ಸಿ.ಎನ್. ರಾಮಚಂದ್ರನ್ ಬಿಡುಗಡೆ ಮಾಡಲಿದ್ದಾರೆ.

ಪ್ರಮುಖ ಅತಿಥಿಗಳು:
ಈ ಸಮಾರಂಭವನ್ನು ಮಾಜಿ ಮುಖ್ಯಮಂತ್ರಿ ಹಾಗೂ ‘ಸರಸ್ವತಿ ಸಮ್ಮಾನ್’ ಪುರಸ್ಕೃತ ಸಾಹಿತಿ ಡಾ. ವೀರಪ್ಪ ಮೊಯ್ಲಿ ಉದ್ಘಾಟಿಸಲಿದ್ದು, ಹಿರಿಯ ಸಾಹಿತಿ ನಾಡೋಜ ಡಾ. ಗೊ.ರು. ಚನ್ನಬಸಪಪ್ಪ ಅಧ್ಯಕ್ಷತೆ ವಹಿಸಲಿದ್ದಾರೆ. ಕರ್ನಾಟಕ ಸಂಸ್ಕೃತ ವಿಶ್ವವಿದ್ಯಾಲಯದ ವಿಶ್ರಾಂತ ಕುಲಪತಿ ಪ್ರೊ. ಮಲ್ಲೇಪುರಂ ವೆಂಕಟೇಶ ಸಮಾರೋಪ ಭಾಷಣ ನೀಡಲಿದ್ದಾರೆ.

ಗೌರವ ಸನ್ಮಾನ:
ಈ ಸಂದರ್ಭದಲ್ಲಿ ಕನ್ನಡ ಸಾಹಿತ್ಯ, ಪತ್ರಿಕೋದ್ಯಮ, ಶಿಕ್ಷಣ, ಪ್ರಕಾಶನ ಮತ್ತು ಕನ್ನಡ ಹೋರಾಟಕ್ಕೆ ಅಮೂಲ್ಯ ಸೇವೆ ಸಲ್ಲಿಸಿದ ಹತ್ತು ಮಂದಿ ಗಣ್ಯರಿಗೆ ‘ಜನ್ಮ ಶತಮಾನೋತ್ಸವ ಗೌರವ’ ನೀಡಿ ಸನ್ಮಾನಿಸಲಾಗುವುದು. ಪ್ರಶಸ್ತಿ ಸ್ವೀಕರಿಸುವವರು:

ಡಾ. ವೀರಪ್ಪ ಮೊಯ್ಲಿ – ಹಿರಿಯ ಸಾಹಿತಿ

ಡಾ. ಸಿ.ಎನ್. ರಾಮಚಂದ್ರನ್ – ಹಿರಿಯ ವಿಮರ್ಶಕ

ಡಾ. ದೊಡ್ಡರಂಗೇಗೌಡ – ಹಿರಿಯ ಕವಿ

ನಾಗಮಣಿ ಎಸ್. ರಾವ್ – ಹಿರಿಯ ಲೇಖಕಿ, ಪತ್ರಕರ್ತೆ

ಡಾ. ಬಾಬು ಕೃಷ್ಣಮೂರ್ತಿ – ಹಿರಿಯ ಪತ್ರಕರ್ತ

ಡಾ. ಪ್ರಧಾನ ಗುರುದತ್ – ವಿದ್ವಾಂಸ, ಅನುವಾದಕ

ಡಾ. ವೂಡೇ ಪಿ. ಕೃಷ್ಣ – ಶಿಕ್ಷಣ ತಜ್ಞ, ಗಾಂಧಿವಾದಿ

ನಿತಿನ್ ಷಾ – ಸಪ್ನ ಬುಕ್ ಹೌಸ್ ಸಂಸ್ಥಾಪಕರು

ವ.ಚ. ಚನ್ನೇಗೌಡ – ಕನ್ನಡ ಹೋರಾಟಗಾರ

ಆರ್. ರಾಮಕೃಷ್ಣ – ಪಾಠ್ಯಪುಸ್ತಕ ವಿನ್ಯಾಸಕಾರ


ಎಲ್.ಎಸ್. ಶೇಷಗಿರಿರಾವ್ ಅವರ ದೀರ್ಘಸೇವೆ:
ಎಲ್.ಎಸ್. ಶೇಷಗಿರಿರಾವ್ (1925–2019) ಅವರು ಕನ್ನಡ ಸಾಹಿತ್ಯ ವಿಮರ್ಶೆಗೆ ಭದ್ರ ಬುನಾದಿ ಹಾಕಿದವರು. ಇಂಗ್ಲಿಷ್ ಪ್ರಾಧ್ಯಾಪಕರಾಗಿದ್ದರೂ, ಕನ್ನಡ ಸಾಹಿತ್ಯಕ್ಕೆ ಅಮೂಲ್ಯ ಸೇವೆ ಸಲ್ಲಿಸಿದರು. ‘ಇಂಗ್ಲಿಷ್ ಸಾಹಿತ್ಯ ಚರಿತ್ರೆ’, ‘ಹೊಸಗನ್ನಡ ಸಾಹಿತ್ಯ ಚರಿತ್ರೆ’, ‘ಗ್ರೀಕ್ ರಂಗಭೂಮಿ ಮತ್ತು ನಾಟಕ’, ‘ಮಹಾಕಾವ್ಯ ಪ್ರವೇಶ’ ಸೇರಿದಂತೆ ಹಲವಾರು ವಿಶಿಷ್ಟ ಕೃತಿಗಳನ್ನು ರಚಿಸಿದರು. ಕರ್ನಾಟಕ ಏಕೀಕರಣ ಚಳವಳಿಯಲ್ಲಿ ಭಾಗವಹಿಸಿದ್ದ ಅವರು, ಕನ್ನಡ ಹೋರಾಟ, ಸಾಹಿತ್ಯ ಸಂಪಾದನೆ, ಅನುವಾದ ಕ್ಷೇತ್ರದಲ್ಲಿ ಅಪಾರ ಸೇವೆ ಸಲ್ಲಿಸಿದರು.

ಸಂಯೋಜನೆ:
ಈ ಮಹತ್ವದ ಸಮಾರಂಭವನ್ನು ಕನ್ನಡ ಗೆಳೆಯರ ಬಳಗ ಮತ್ತು ಶತಮಾನೋತ್ಸವ ಸಮಿತಿಯ ಸಂಚಾಲಕ ರಾ.ನಂ. ಚಂದ್ರಶೇಖರ ನೇತೃತ್ವದಲ್ಲಿ ಆಯೋಜಿಸಲಾಗಿದೆ. ಸಮಾರಂಭಕ್ಕೆ ಪ್ರೊ. ಎಲ್.ಎಸ್.ಎಸ್. ಅವರ ಪತ್ನಿ ಭಾರತಿ ಶೇಷಗಿರಿರಾವ್, ‘ಕನ್ನಡ ವಿಶೇಷ ಸಾಹಿತ್ಯ ಗಿರಿ’ ಸಂಪಾದಕ ಡಾ. ಟಿ.ಎನ್. ವಾಸುದೇವಮೂರ್ತಿ, ಹಿರಿಯ ವಿದ್ವಾಂಸ ಡಾ. ಆರ್. ಶೇಷಶಾಸ್ತ್ರಿ ಸೇರಿದಂತೆ ಅನೇಕ ಗಣ್ಯರು ಹಾಜರಾಗಲಿದ್ದಾರೆ.

ಸ್ಥಳ ಮತ್ತು ದಿನಾಂಕ:
📍 ನಯನ ಸಭಾಂಗಣ, ಕನ್ನಡ ಭವನ, ಬೆಂಗಳೂರು
📅 ಫೆಬ್ರವರಿ 17, 2025

ಕನ್ನಡ ಪ್ರೇಮಿಗಳೆ, ಈ ಸ್ಮರಣೀಯ ಕಾರ್ಯಕ್ರಮದಲ್ಲಿ ಭಾಗವಹಿಸಿ!

City Today News 9341997936

ಬೆಂಗಳೂರು: ದುಬೈ ಒಕ್ಕಲಿಗರ ಸಂಘ ಏಪ್ರಿಲ್ 20, 2025 ರಂದು “ವಿಶ್ವ ಒಕ್ಕಲಿಗರ ವೈಭವ” ಮತ್ತು “ಕುವೆಂಪು ಉತ್ಸವ 2025” ಅನ್ನು ದುಬೈನಲ್ಲಿ ವಿಜೃಂಭಣೆಯಿಂದ ಆಯೋಜಿಸಿದೆ.

ಬೆಂಗಳೂರು ಪ್ರೆಸ್ ಕ್ಲಬ್‌ನಲ್ಲಿ ನಡೆದ ಮಾಧ್ಯಮ ಗೋಷ್ಠಿಯಲ್ಲಿ ಆಯೋಜಕರು ಈ ಮಹತ್ವದ ಕಾರ್ಯಕ್ರಮದ ವಿವರಗಳನ್ನು ಹಂಚಿಕೊಂಡರು.

ಕಾರ್ಯಕ್ರಮದ ಉದ್ದೇಶ:

ಒಕ್ಕಲಿಗ ಸಮುದಾಯದ ಐಕ್ಯತೆ, ಪರಂಪರೆಯ ಮಹಿಮೆ ಹಾಗೂ ಶ್ರೀಮಂತ ಸಂಸ್ಕೃತಿಯನ್ನು ಅನಿವಾಸಿ ಭಾರತೀಯ ಸಮುದಾಯಕ್ಕೆ ಪರಿಚಯಿಸುವುದು.

ಕನ್ನಡ ಸಾಹಿತ್ಯದ ದಿಗ್ಗಜ ಕುವೆಂಪು ಅವರ ಅಮೂಲ್ಯ ಕೊಡುಗೆಗಳನ್ನು ಹೊಸ ಪೀಳಿಗೆಗೆ ತಿಳಿಸುವುದು.


ಮುಖ್ಯ ಆಕರ್ಷಣೆಗಳು:
✔ ಸಾಂಸ್ಕೃತಿಕ ಮೆರವಣಿಗೆ
✔ ಸ್ಫೂರ್ತಿದಾಯಕ ಕಲಾಪ್ರದರ್ಶನಗಳು
✔ ಸಾಂಪ್ರದಾಯಿಕ ಉಡುಗೆ, ತೊಡುಗೆಗಳ ಪ್ರದರ್ಶನ
✔ ಸಮುದಾಯ ಸೇವೆಯಲ್ಲಿ ಅಪರೂಪದ ಸಾಧನೆ ಮಾಡಿದ ವ್ಯಕ್ತಿಗಳಿಗೆ ಗೌರವ ಪ್ರಶಸ್ತಿ ಪ್ರದಾನ

ಈ ವಿಶಿಷ್ಟ ಕಾರ್ಯಕ್ರಮಕ್ಕೆ ಅನಿವಾಸಿ ಭಾರತೀಯರು ಹಾಗೂ ಒಕ್ಕಲಿಗ ಸಮುದಾಯದ ಜನರಿಂದ ಹೆಚ್ಚಿನ ಬೆಂಬಲ ಮತ್ತು ಆಸಕ್ತಿಯಿದೆ. ಎನ್‌ಆರ್‌ಐ ಸಮುದಾಯದ ಸಹಕಾರದಲ್ಲಿ ಈ ಮಹತ್ವದ ಉತ್ಸವವನ್ನು ಆಯೋಜಿಸಲಾಗುತ್ತಿದೆ.

City Today News 9341997936