Category: Protest

ಬೆಂಗಳೂರು, ಜೂನ್ 16 –
ವೃಕ್ಷಮಾತೆ ನಾಡೋಜ ಪಾ. ಸಾಲುಮರದ ತಿಮ್ಮಕ್ಕ ಅವರ ಜೀವನವನ್ನು ಆಧಾರವಿಸಿಕೊಂಡು ‘ವೃಕ್ಷಮಾತೆ ಸಾಲುಮರದ ತಿಮ್ಮಕ್ಕ’ ಎಂಬ ಶೀರ್ಷಿಕೆಯಡಿ ಚಲನಚಿತ್ರ ಚಿತ್ರೀಕರಣ ನಡೆಯುತ್ತಿರುವುದನ್ನು ಖಂಡಿಸಿರುವ ತಿಮ್ಮಕ್ಕ ಅವರು, ತಮ್ಮ ಅನುಮತಿ ಇಲ್ಲದೇ ನಡೆಯುತ್ತಿರುವ ಈ ಚಿತ್ರೀಕರಣವನ್ನು ತಕ್ಷಣವೇ ನಿಲ್ಲಿಸಲು ಆಗ್ರಹಿಸಿದ್ದಾರೆ.

ಸೈಲಾಡ್ ದೀಲಿನ್ ಕುಮಾರ್ ಹಾಗೂ ಒರಟಶ್ರೀ ಎಂಬವರು ಈ ಸಿನಿಮಾ ಚಿತ್ರೀಕರಣ ನಡೆಸುತ್ತಿದ್ದು, ತಿಮ್ಮಕ್ಕ ಅವರ ಪ್ರಕಾರ, ಈ ಕುರಿತು ಯಾವುದೇ ಪೂರ್ವ ಮಾಹಿತಿ ನೀಡಲಾಗಿಲ್ಲ. ಜೂನ್ 13 ರಂದು ರಾಮನಗರ ಜಿಲ್ಲೆಯ ಕುದೂರು ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಚಿತ್ರೀಕರಣ ನಡೆಯುತ್ತಿರುವ ಬಗ್ಗೆ ಅಭಿಮಾನಿಗಳಿಂದ ದೂರವಾಣಿ ಸಂದೇಶದ ಮೂಲಕ ಮಾಹಿತಿ ಪಡೆದ ತಿಮ್ಮಕ್ಕ ಅವರು ಸ್ಥಳಕ್ಕೆ ತೆರಳಿ ಖುದ್ದು ಪರಿಸ್ಥಿತಿ ಪರಿಶೀಲಿಸಿ, ಪೊಲೀಸರಿಗೆ ದೂರು ಸಲ್ಲಿಸಿದ್ದಾರೆ.

“ನನ್ನ ಅನುಮತಿ ಇಲ್ಲದೇ, ನನ್ನ ಹೆಸರು ಬಳಸಿ ಸಿನಿಮಾ ತಯಾರಿಸುತ್ತಿರುವುದು ನನ್ನ ವ್ಯಕ್ತಿತ್ವಕ್ಕೆ ಅವಮಾನ. ನಾನು ಈ ವಿಷಯವನ್ನು ಗಂಭೀರವಾಗಿ ಪರಿಗಣಿಸುತ್ತಿದ್ದೇನೆ ಮತ್ತು ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿ ಹಾಗೂ ಸರ್ಕಾರದ ಗಮನಕ್ಕೆ ತಂದಿದ್ದೇನೆ” ಎಂದು ತಿಮ್ಮಕ್ಕ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದ್ದಾರೆ.

ಅಭಿಮಾನಿಗಳಿಗೂ ಅವರು ಮನವಿ ಮಾಡಿದ್ದಾರೆ – “ಯಾರೂ ಚಿತ್ರೀಕರಣ ಸ್ಥಳದಲ್ಲಿ ಗದ್ದಲ ಅಥವಾ ಘರ್ಷಣೆಗೆ ಕಾರಣವಾಗಬಾರದು. ಶಾಂತಿಯುತವಾಗಿ ವಿಚಾರಿಸಿ, ಅವರಲ್ಲಿ ಅನುಮತಿ ಪಡೆದಿರುವುದೇ ಎಂಬುದನ್ನು ಖಚಿತಪಡಿಸಿ” ಎಂದು ತಿಳಿಸಿದರು.

ಇನ್ನೊಂದೆಡೆ, ತಮ್ಮ ಪುತ್ರ ಉಮೇಶ್ ಅವರು ಚಿತ್ರತಂಡವನ್ನು ಪ್ರಶ್ನಿಸಿದಾಗ ಅವಮಾನಕಾರಿ ಭಾಷೆ ಬಳಕೆಯಾಗಿದೆ. ಇದನ್ನು ತಿಮ್ಮಕ್ಕ ಅವರು ಖಂಡಿಸಿ, “ಅವನ ವಿರುದ್ಧ ಹಣ ಹಾಗೂ ಕಾರು ಕೇಳಿದರೆಂಬ ಸುಳ್ಳು ಅಪಪ್ರಚಾರ ಮಾಡಲಾಗಿದೆ. ಈ ಬಗ್ಗೆ ನಾನು ನ್ಯಾಯಾಲಯದಲ್ಲಿ ಮಾನನಷ್ಟ ಮೊಕದ್ದಮೆ ಹೂಡುವೆ” ಎಂದು ಸ್ಪಷ್ಟಪಡಿಸಿದರು.

ಪತ್ರಿಕಾಗೋಷ್ಠಿಯಲ್ಲಿ ಭಾಗಿಯಾದ ಪ್ರಮುಖರು:

ನಾಡೋಜ ಪಾ. ಸಾಲುಮರದ ತಿಮ್ಮಕ್ಕ

ಉಮೇಶ್ ತಿಮ್ಮಕ್ಕ

ಎಚ್. ಬಸವರಾಜು – ಮಾಜಿ ವಿರೋಧ ಪಕ್ಷದ ನಾಯಕರು, ಬಿಬಿಎಂಪಿ

ರಾಮಚಂದ್ರ (ಹೊಡಿ ಚಿನ್ನಿ) – ರಾಷ್ಟ್ರೀಯ ಅಧ್ಯಕ್ಷರು, ಬಿಎಸ್‌ಎಸ್

ಇಂದಿರಮ್ಮ ಬೇಲೂರು – “ಸಾಲುಮರದ ಸರದಾರಿ” ಕೃತಿಯ ಲೇಖಕಿ

City Today News 9341997936

ಬೆಂಗಳೂರು, ಜೂನ್ ೯:
ಐಪಿಎಲ್‌ನಲ್ಲಿ ಆರಸಿಬಿ (ರಾಯಲ್ ಚಾಲೆಂಜರ್ಸ್ ಬೆಂಗಳೂರು) ತಂಡದ ಜಯದ ಹಿನ್ನೆಲೆಯಲ್ಲಿ ಕರ್ನಾಟಕ ಸರ್ಕಾರ ಬೆಂಗಳೂರು ನಗರದಲ್ಲಿ ಆಯೋಜಿಸಿದ್ದ ಭವ್ಯ ಅಭಿನಂದನಾ ಕಾರ್ಯಕ್ರಮ ದುರಂತದ ರೂಪ ಪಡೆದಿದ್ದು, 11 ಮಂದಿ ಯುವಜನರ ಪ್ರಾಣಪಾಯಕ್ಕೆ ಕಾರಣವಾಯಿತು. ಸರ್ಕಾರದ ನಿರ್ಲಕ್ಷ್ಯ ಹಾಗೂ ಸದ್ಯಸ್ಥಿತಿಗೆ ಅಸಮಾನ ಮಾರ್ಗಸೂಚಿಗಳೇ ಈ ದುರಂತದ ಪ್ರಮುಖ ಕಾರಣವೆಂದು ನಾಗರಿಕ ಹಕ್ಕುಗಳ ಹೋರಾಟಗಾರರು ಹಾಗೂ ಸಂಘಟನೆಗಳು ಆರೋಪಿಸಿವೆ.

ವಿಧಾನಸೌಧದ ಮುಂಭಾಗದಲ್ಲಿ ಮೊದಲ ಕಾರ್ಯಕ್ರಮ ಹಾಗೂ ಸಂಜೆ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಎರಡನೇ ಕಾರ್ಯಕ್ರಮವನ್ನು ಸರ್ಕಾರ ತುರ್ತು ಯೋಜನೆಯಂತೆ ನಡೆಸಿದ್ದು, ಮುನ್ನೆಚ್ಚರಿಕೆ ಕ್ರಮಗಳಿಲ್ಲದ ಕಾರಣದಿಂದ ಲಕ್ಷಾಂತರ ಅಭಿಮಾನಿಗಳು ಬೆಂಗಳೂರು ನಗರಕ್ಕೆ ಹರಿದುಬಂದರು. ಸಾರ್ವಜನಿಕರ ಪ್ರವಾಹ ನಿಯಂತ್ರಣಕ್ಕೆ ಅಗತ್ಯ ಪೊಲೀಸ್‌ವ್ಯವಸ್ಥೆ, ಆಂಬ್ಯುಲೆನ್ಸ್, ಅಗ್ನಿಶಾಮಕ ವಾಹನಗಳ ಮಿಷನರಿ ಸಹ ನಿಗದಿಯಾಗದೆ ಇರುವುದು ಗಂಭೀರ ನಿರ್ಲಕ್ಷ್ಯದ ಸೂಚನೆಯಾಗಿತ್ತು.

ಘಟನೆ ಕ್ರಮ:

ಮೆರವಣಿಗೆಯಿಲ್ಲದೆ ಅಭಿಮಾನಿಗಳು ಎರಡು ಸ್ಥಳಗಳಿಗೆ ಸಂಚರಿಸಿದ್ದು, ವಿಜಯೋತ್ಸವ ಮೆರವಣಿಗೆ ತೀರಾ ಸಂಚಲನಕಾರಿಯಾದದ್ದು.

ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಕೇವಲ 2–3 ಬಾಗಿಲುಗಳನ್ನು ಮಾತ್ರ ತೆರೆದಿದ್ದರಿಂದ ಜನಸಂದಣಿಯಲ್ಲಿ ನೂಕುನುಗ್ಗಲು ಉಂಟಾಗಿ ಮಹಿಳೆಯರು, ಮಕ್ಕಳು ಸೇರಿ ಹಲವರು ಕಾಲು ತುಳಿತಕ್ಕೆ ಒಳಗಾದರು.

ದುರಂತದಲ್ಲಿ ಕನಿಷ್ಠ 11 ಮಂದಿ ಸಾವಿಗೀಡಾದರೆ, ಹಲವು ಮಂದಿ ಗಾಯಗೊಂಡಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.


ಪ್ರಶ್ನೆ ಎದುರಿಸುತ್ತಿರುವ ಸರ್ಕಾರ:

ಈ ಕಾರ್ಯಕ್ರಮ ಸರ್ಕಾರದ ಅಧಿಕೃತ ಆಯೋಜನೆಯಾಗಿದ್ದರೂ, ಐಪಿಎಲ್ ತಂಡವು ಖಾಸಗಿ ಸ್ವಾಮ್ಯದಾಗಿದೆ.

ವಿಜಯ ಮಲ್ಯ ಮಾಲೀಕತ್ವದ RCB ತಂಡಕ್ಕೆ ಸಾರ್ವಜನಿಕ ವೇದಿಕೆಯಲ್ಲಿ ನೀಡಲಾದ ಗೌರವ ಸರಿಯೆ? ಎಂಬ ಪ್ರಶ್ನೆಗಳು ಎತ್ತಲ್ಪಟ್ಟಿವೆ.

ಬಿಸಿಸಿಐ crores ಗಳ ದಂಧೆ ನಡೆಸುತ್ತಿರುವ್ದರಲ್ಲಿ ಈ ಆಟದ ನೈತಿಕತೆಯ ಕುರಿತ ಪ್ರಶ್ನೆಗಳು ಕೂಡ ಮುನ್ನೆಲೆಗೆ ಬಂದಿವೆ.


ನಾಗರಿಕ ಹಕ್ಕು ಹೋರಾಟಗಾರರ ಒತ್ತಾಯ:
ಪ್ರೆಸ್ ಕ್ಲಬ್ ಆಫ್ ಬೆಂಗಳೂರುನಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಮಾಜಿ ಸಚಿವ ಸಿ.ಎಂ. ಇಬ್ರಾಹಿಂ, ರೈತ ನಾಯಕ ಕೋಡಿಹಳ್ಳಿ ಚಂದ್ರಶೇಖರ್ ಮತ್ತು ಇತರರು ಮಾತುಕತೆ ನಡೆಸಿದರು.
ಅವರು ಈ ವೇಳೆ,

ರಾಜಕೀಯ ಮತ್ತು ಆಡಳಿತಾತ್ಮಕ ಹೊಣೆಗಾರಿಕೆ ಯಾರು ಹೊರುತ್ತಾರೆ?

ಮುಖ್ಯಮಂತ್ರಿ, ಉಪಮುಖ್ಯಮಂತ್ರಿ, ಗೃಹ ಸಚಿವರು ರಾಜೀನಾಮೆ ನೀಡಬೇಕಾಗಿಲ್ಲವೇ?

ಘಟನೆಯ ಪರಿಪೂರ್ಣ ತನಿಖೆ ಸರ್ಕಾರಿ ಏಜೆನ್ಸಿಗಳಿಂದವಲ್ಲ, ನ್ಯಾಯಾಂಗ ನ್ಯಾಯಮೂರ್ತಿಯ ನೇತೃತ್ವದಲ್ಲಿ ನಡೆಯಬೇಕು ಎಂದು ಒತ್ತಾಯಿಸಿದರು.


ಅವರು ಮುಂದಾಗಿ, “ಬಿಸಿಸಿಐ ಮತ್ತು ಐಪಿಎಲ್ ತಂಡದ ಮಾಲೀಕರು ಸಾವಿಗೀಡಾದ ಕುಟುಂಬಗಳಿಗೆ ಕನಿಷ್ಠ 10 ಕೋಟಿ ರೂಪಾಯಿ ಪರಿಹಾರವನ್ನು ನೀಡಬೇಕು. ಸರ್ಕಾರ ನೀಡಿದ 10 ಲಕ್ಷ ರೂಪಾಯಿ ಪರಿಹಾರ ನ್ಯಾಯಕ್ಕೆ ಸಮರ್ಪಕವಲ್ಲ” ಎಂದು ತಿಳಿಸಿದ್ದಾರೆ.

ಅಂತಿಮವಾಗಿ, “ಈ ದುರಂತವನ್ನು ಮರೆಮಾಚಲು ಎಲ್ಲ ಪ್ರಯತ್ನಗಳೂ ವಿಫಲವಾಗಬೇಕು. ಸಾವಿಗೀಡಾದ ಪ್ರತಿಯೊಬ್ಬರ ಕುಟುಂಬಕ್ಕೂ ನ್ಯಾಯ ದೊರಕಬೇಕು. ಈ ದೃಷ್ಟಿಯಿಂದ ಉನ್ನತ ನ್ಯಾಯಾಲಯದ ನೇರ ಮೇಲ್ವಿಚಾರಣೆಯೊಂದಿಗೆ ತನಿಖೆ ನಡೆಸಬೇಕೆಂಬುದು ನಾಡಿನ ಜನರ ಸಾಮೂಹಿಕ ಬೇಡಿಕೆ” ಎಂದು ಅವರು ಸ್ಪಷ್ಟಪಡಿಸಿದರು.

City Today News 9341997936

ಬೆಂಗಳೂರು, ಜೂನ್ 9: ಹಿಂದುಳಿದ ವರ್ಗಗಳ (ಪ್ರವರ್ಗ-1 ಮತ್ತು 2A) ಗುತ್ತಿಗೆದಾರರಿಗೆ ಸರಕಾರ ನೀಡಿರುವ ಮೀಸಲಾತಿ ನಿರ್ಧಾರಕ್ಕೆ ಕರ್ನಾಟಕ ರಾಜ್ಯ ಹಿಂದುಳಿದ ವರ್ಗಗಳ ಗುತ್ತಿಗೆದಾರರ ಸಂಘ (ಬೆಂಗಳೂರು) ರಾಜ್ಯ ಸರ್ಕಾರಕ್ಕೆ ಕೃತಜ್ಞತೆ ಸಲ್ಲಿಸಿದೆ. ಈ ನಿರ್ಧಾರ ಹಿಂದುಳಿದ ವರ್ಗಗಳ ಹಕ್ಕುಗಳನ್ನು ಕಾಯ್ದುಕೊಳ್ಳುವ ಮತ್ತು ಸಾಮಾಜಿಕ ನ್ಯಾಯವನ್ನು ನೆಲೆಗಟ್ಟಿಸುವ ದಿಕ್ಕಿನಲ್ಲಿ ಮಹತ್ವದ ಹೆಜ್ಜೆಯಾಗಿದೆ ಎಂದು ಸಂಘದ ಮುಖಂಡರು ಅಭಿಪ್ರಾಯಪಟ್ಟಿದ್ದಾರೆ.

ಸಂಘದ ಅಧ್ಯಕ್ಷ ಕೆ.ಎಲ್. ಸುರೇಶ್ ಹಾಗೂ ಪ್ರಧಾನ ಕಾರ್ಯದರ್ಶಿ ಬಸವರಾಜು,ಅವರು ಸೋಮವಾರ ಬೆಂಗಳೂರಿನ ಪ್ರೆಸ್ ಕ್ಲಬ್‌ನಲ್ಲಿ ನಡೆಸಿದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ, “ವರ್ಷಗಳ ಹೋರಾಟದ ಫಲವಾಗಿ ಇಂದಿನ ನಿರ್ಧಾರ ಸಾಧ್ಯವಾಯಿತು. ಮುಖ್ಯಮಂತ್ರಿ ಶ್ರೀ ಸಿದ್ದರಾಮಯ್ಯ, ಉಪಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಮತ್ತು ಎಲ್ಲ ಸಚಿವರು-ಶಾಸಕರ ಸಹಕಾರದಿಂದ ಈ ಮೀಸಲಾತಿ ಜಾರಿಯಾಗಿದೆ,” ಎಂದು ಹೇಳಿದರು.

ಸಂಘವು ಮೌಲಿಕ ಹೋರಾಟದ ಭಾಗವಾಗಿ ಕಾನೂನು ಮತ್ತು ಸಂಸದೀಯ ಇಲಾಖೆ, ಹಣಕಾಸು ಇಲಾಖೆ ಹಾಗೂ ಇ-ಪ್ರೊಕ್ಯೂರ್ಮೆಂಟ್ ಅಧಿಕಾರಿಗಳೊಂದಿಗೆ ಹಲವಾರು ಸಭೆಗಳಲ್ಲಿ ಭಾಗವಹಿಸಿ, ತಮ್ಮ ಸೂಚನೆಗಳನ್ನು ನೀಡಿದ್ದು, ಸರ್ಕಾರವು 2024ರ ಆಗಸ್ಟ್ 21ರಂದು ಬಿಡುಗಡೆ ಮಾಡಿದ ರಾಜ್ಯಪತ್ರದಲ್ಲಿ ಸಂಘದ ಹೆಸರನ್ನು ಸೇರಿಸಿರುವುದು, ಈ ಹೋರಾಟದ ಯಶಸ್ಸಿಗೆ ಸಾಕ್ಷಿಯಾಗಿದೆ ಎಂದು ಅವರು ಹೇಳಿದರು.


ಸಂಘದ ಮುಂದಿನ ಪ್ಲಾನ್

1. ಸದಸ್ಯತ್ವ ವಿಸ್ತರಣೆ:
ರಾಜ್ಯದ ಎಲ್ಲ ಅರ್ಹ ವರ್ಗ-1 ಮತ್ತು 2A ಗುತ್ತಿಗೆದಾರರಿಗೆ ಸಂಘದಲ್ಲಿ ಸೇರ್ಪಡೆಯಾಗಲು ಅವಕಾಶ ನೀಡಲಾಗುವುದು.


2. ಜಿಲ್ಲಾ ಹಾಗೂ ತಾಲ್ಲೂಕು ಘಟಕಗಳು:
ಸ್ಥಳೀಯ ಸಮಸ್ಯೆಗಳಿಗೆ ಸ್ಪಂದನೆ ನೀಡಲು ರಾಜ್ಯದಾದ್ಯಂತ ಜಿಲ್ಲಾ ಮತ್ತು ತಾಲ್ಲೂಕು ಘಟಕಗಳನ್ನು ಸ್ಥಾಪಿಸಲಾಗುವುದು.


3. ಕೆ.ಟಿ.ಟಿ.ಪಿ. ಕಾಯ್ದೆಯ ಅನುಷ್ಠಾನಕ್ಕೆ ಒತ್ತಾಯ:
ಕೆಲ ಇಲಾಖೆಗಳು ಕಾನೂನಿನಂತೆ ಮೀಸಲಾತಿ ಜಾರಿಗೆ ತಂದಿರುವರೆಂದರೆ, ಇನ್ನು ಕೆಲವರು ಅದನ್ನು ಉಲ್ಲಂಘಿಸುತ್ತಿವೆ. ಇದರಿಂದ ಹಿಂದುಳಿದ ವರ್ಗದ ಗುತ್ತಿಗೆದಾರರಿಗೆ ಅನ್ಯಾಯವಾಗುತ್ತಿದೆ. ಈ ಬಗ್ಗೆ ಸಂಘಕ್ಕೆ ಹಲವಾರು ದೂರುಗಳು ಬಂದಿದ್ದು, ಎಚ್ಚರಿಕೆ ನೀಡಲಾಗಿದ್ದು, “ಅವಕಾಶ ನೀಡದೆ ಇದ್ದರೆ, ಸಂಬಂಧಿತ ಇಲಾಖೆಗಳ ಕಚೇರಿಗಳ ಮುಂದೆ ಪ್ರತಿಭಟನೆ ನಡೆಸಲಾಗುತ್ತದೆ,” ಎಂದು ಅಧ್ಯಕ್ಷರು ಸ್ಪಷ್ಟಪಡಿಸಿದರು.



ಸಂಘವು ಮೀಸಲಾತಿ ಹಕ್ಕುಗಳ ಸಮರ್ಪಕ ಅನುಷ್ಠಾನಕ್ಕೆ ಬದ್ಧವಾಗಿದ್ದು, ಎಲ್ಲಾ ಇಲಾಖೆಗಳು ಕೆ.ಟಿ.ಟಿ.ಪಿ ಕಾಯ್ದೆಯ ಅನುಯಾಯಿಯಾಗಬೇಕು ಎಂಬುದು ಸಂಘದ ಸ್ಪಷ್ಟ ಮತ್ನವಾಗಿದೆ.

City Today News 9341997936