Tag: “ಅಹಿಂದ” ಕ್ರೈಸ್ತ ವಿಭಾಗದ ಮುಖಂಡರು ಮುಖ್ಯಮಂತ್ರಿ ಭೇಟಿಯಾಗಿ ಸಮಾಜದ ಕಲ್ಯಾಣ ಸಂಬಂಧಿತ ಬ

ಬೆಂಗಳೂರು | ಏಪ್ರಿಲ್ 17, 2025:
ರಾಜ್ಯ ಸರ್ಕಾರದ ಮೌಲ್ಯಾಧಾರಿತ ಸಮಾವೇಶ ಮತ್ತು ಸಮಾನತೆಯ ಪರಿಪಾಲನೆಯ ಉದ್ದೇಶದಿಂದ, ಇಂದು ಬೆಳಿಗ್ಗೆ 10:00 ಗಂಟೆಗೆ “ಅಹಿಂದ” ಚಳುವಳಿ ಸಂಘಟನೆಯ ಕ್ರೈಸ್ತ ಧರ್ಮೀಯ ಮುಖಂಡರ ನಿಯೋಗವು, ಮುಖ್ಯಮಂತ್ರಿ ಶ್ರೀ ಸಿದ್ದರಾಮಯ್ಯನವರನ್ನು ಅವರ ಅಧಿಕೃತ ನಿವಾಸದಲ್ಲಿ ಭೇಟಿಯಾಗಿ, ಸಮುದಾಯದ ವಿವಿಧ ಸಮಸ್ಯೆಗಳ ಕುರಿತು ಮನದಟ್ಟು ಮಾಡಿತು ಮತ್ತು ಲಿಖಿತ ಮನವಿಪತ್ರವನ್ನು ಸಲ್ಲಿಸಿತು.

ಮನವಿಯ ಮುಖ್ಯ ಬೇಡಿಕೆಗಳು:

1. ಕ್ರೈಸ್ತ ಧರ್ಮಕ್ಕೆ ಮತಾಂತರ ಹೊಂದಿದ ಎಸ್ಸಿ ಸಮುದಾಯಗಳ ಪ್ರವರ್ಗ-1 ಸ್ಥಾನಮಾನ ಕಾಪಾಡಿಕೊಳ್ಳಬೇಕು:
ಈ ಸಮುದಾಯಗಳು ಈಗಿರುವ ಹಿಂದುಳಿದ ವರ್ಗಗಳ ಪಟ್ಟಿಯ ಪ್ರವರ್ಗ-1ರಲ್ಲಿ ಸೇರಿದ್ದು, ‘ಕೆನೆಪದರ’ ವಿನಾಯಿತಿಗೆ ಅರ್ಹತೆಯಿದೆ. ಸಮಾಜದ ನಿರಂತರ ಪ್ರಗತಿಗಾಗಿ ಈ ಸಮುದಾಯವನ್ನು ಮುಂದಿನ ದಿನಗಳಲ್ಲೂ ಪ್ರವರ್ಗ-1ರಲ್ಲಿ ಇಡುವಂತೆ ಸರ್ಕಾರವನ್ನು ಮನವಿಗೆಳೆಯಲಾಗಿದೆ.


2. ಕ್ರಿಶ್ಚಿಯನ್ ಸಮುದಾಯದ ಪುನರ್ವರ್ಗೀಕರಣದ ಅಗತ್ಯತೆ:
ಕ್ರಿಶ್ಚಿಯನ್ ಸಮುದಾಯವು ಹಾಲಿ ಹಿಂದುಳಿದ ವರ್ಗಗಳ ಪಟ್ಟಿಯ ಪ್ರವರ್ಗ-III(B)ರಲ್ಲಿ ಸೇರಿಸಲಾಗಿದೆ. ಆದರೆ ಈ ಗುಂಪಿನ ಇತರ ಜಾತಿಗಳು ಆರ್ಥಿಕ, ರಾಜಕೀಯ, ಶೈಕ್ಷಣಿಕ ಹಾಗೂ ಸಾಮಾಜಿಕವಾಗಿ ಹೆಚ್ಚಿನ ಮಟ್ಟದಲ್ಲಿ ಅಭಿವೃದ್ಧಿಯಾಗಿರುವುದರಿಂದ, ಕ್ರಿಶ್ಚಿಯನ್ ಸಮುದಾಯವು ಸ್ಪರ್ಧಾತ್ಮಕವಾಗಿ ಬದುಕಲು ನಾನಾ ಅಡಚಣೆಗಳನ್ನು ಅನುಭವಿಸುತ್ತಿದೆ. ಆದ್ದರಿಂದ, ಈ ಸಮುದಾಯವನ್ನು ಪ್ರವರ್ಗ-III(A) ಮತ್ತು III(B)ಗಳಿಂದ ಹೊರಗಿಟ್ಟು, ಇತರ ಸಮಾನ ಹಿನ್ನಲೆ ಹೊಂದಿದ ಹಿಂದುಳಿದ ವರ್ಗಗಳೊಂದಿಗೆ ಸೇರಿಸಲು ಮನವಿ ಮಾಡಲಾಗಿದೆ.



ಮುಖ್ಯಮಂತ್ರಿಗಳ ಪ್ರತಿಕ್ರಿಯೆ:
ಸಮನ್ವಯ ಮತ್ತು ಸಾಮಾಜಿಕ ನ್ಯಾಯದ ದೃಷ್ಟಿಯಿಂದ ಈ ಬೇಡಿಕೆಗಳನ್ನು ಗಮನದಲ್ಲಿಟ್ಟುಕೊಳ್ಳುವುದಾಗಿ ಮುಖ್ಯಮಂತ್ರಿಗಳು ಭರವಸೆ ನೀಡಿದ್ದಾರೆ ಎಂದು ನಿಯೋಗದ ಸದಸ್ಯರು ತಿಳಿಸಿದ್ದಾರೆ.

ಭೇಟಿ ನಿಯೋಗದಲ್ಲಿ ಭಾಗವಹಿಸಿದ್ದವರು:

ಶ್ರೀ ಡೇವಿಡ್ ಸಿಮೆಯೋನ್ (ಮಾಜಿ ಸಭಾಪತಿ, ಕರ್ನಾಟಕ ವಿಧಾನ ಪರಿಷತ್ತು)

ಶ್ರೀ ಐವನ್ ಡಿಸೋಜ (ಶಾಸಕರು)

ಡಾ. ಯೂನಸ್ ಜೋನ್ಸ್

ರೆವ್. ಮನೋಹರ್ ಚಂದ್ರಪ್ರಸಾದ್

ಶ್ರೀ ಅಲ್ಫೋನ್ ಎಸ್. ಕೆನಡಿ

ಶ್ರೀ ಪ್ರಜ್ವಲ್ ಸ್ವಾಮಿ

ಶ್ರೀ ರಾಬರ್ಟ್ ಕ್ಲೈವ್

ಶ್ರೀ ನಾಥನ್ ಡೇನಿಯಲ್

ಶ್ರೀಮತಿ ಶೀಲಾ ಶಾಂತರಾಜು

ಶ್ರೀಮತಿ ವಸುಧಾ

ಪಾಸ್ಟರ್ ಶಿವ ಶರಣಪ್ಪ

ಇತರ ಪ್ರಮುಖ ನಾಯಕರುಗಳು


ಸಂಘಟನೆಯ ಪರವಾಗಿ:
ರಾಜ್ಯ ಮುಖ್ಯ ಸಂಚಾಲಕರಾದ ಶ್ರೀ ಎಸ್. ಮೂರ್ತಿ ಅವರು ಪತ್ರಿಕಾ ಪ್ರಕಟಣೆಯಲ್ಲಿ ಈ ಮಾಹಿತಿ ನೀಡಿದರು.

City Today News 9341997936