ಕನ್ನಡ ಸೇರಿ ದಕ್ಷಿಣ ಭಾಷೆಗಳಿಗೆ ಡಿಶ್‌ ಟಿವಿಯ ವಿಶೇಷ ಪ್ಯಾಕ್‌

Dish TV India Ltd. ಸೌತ್ ಇಂಡಿಯಾದ ಗ್ರಾಹಕರನ್ನು ಗಮನದಲ್ಲಿಟ್ಟುಕೊಂಡು ಹೊಸ ಭಾಷಾ ಆಧಾರಿತ ಮನರಂಜನಾ ಪ್ಯಾಕ್‌ಗಳನ್ನು ಘೋಷಿಸಿದೆ. ಪ್ರಾದೇಶಿಕ ಭಾಷೆಗಳಿಗೆ ಆದ್ಯತೆ ನೀಡಿರುವ ಈ ಹೊಸ ಯೋಜನೆಗಳು ಕಡಿಮೆ ದರದಲ್ಲಿ ನಿರಂತರ ಹಾಗೂ ಸುಲಭ ಮನರಂಜನಾ ಅನುಭವ ಒದಗಿಸುವ ಉದ್ದೇಶ ಹೊಂದಿವೆ.

ಹೊಸ ಪ್ಯಾಕ್‌ಗಳ ದರ ತಿಂಗಳಿಗೆ ₹149ರಿಂದ ಆರಂಭವಾಗಲಿದೆ.
ಮನರಂಜನೆ, ಸಿನಿಮಾಗಳು, ಪ್ರಾದೇಶಿಕ ಕಾರ್ಯಕ್ರಮಗಳು ಮತ್ತು ಕ್ರೀಡಾ ಚಾನೆಲ್‌ಗಳನ್ನು ಒಳಗೊಂಡಿರುವ ಈ ಪ್ಯಾಕ್‌ಗಳನ್ನು ತಮಿಳು, ತೆಲುಗು, ಕನ್ನಡ ಮತ್ತು ಮಲಯಾಳಂ ಭಾಷಿಕ ಕುಟುಂಬಗಳ ವೀಕ್ಷಣಾ ಅಭಿರುಚಿಗೆ ತಕ್ಕಂತೆ ರೂಪಿಸಲಾಗಿದೆ.
ಡಿಶ್ ಟಿವಿಯ ಮೂಲ ಪ್ಯಾಕ್‌ನಲ್ಲಿ 225ಕ್ಕೂ ಹೆಚ್ಚು ಚಾನೆಲ್‌ಗಳಿದ್ದು, ಅವುಗಳಲ್ಲಿ 36ಕ್ಕೂ ಹೆಚ್ಚು ತಮಿಳು ಚಾನೆಲ್‌ಗಳಿವೆ. ತೆಲುಗು, ಕನ್ನಡ ಮತ್ತು ಮಲಯಾಳಂ ಪ್ಯಾಕ್‌ಗಳಲ್ಲಿ ಪ್ರತಿ ಭಾಷೆಗೆ 30ಕ್ಕೂ ಹೆಚ್ಚು ಚಾನೆಲ್‌ಗಳನ್ನು ಸೇರಿಸಲಾಗಿದೆ.

ದೈನಂದಿನ ಧಾರಾವಾಹಿಗಳು, ಸಿನಿಮಾಗಳು, ಮನರಂಜನಾ ಕಾರ್ಯಕ್ರಮಗಳು ಹಾಗೂ ಕ್ರೀಡಾ ಪ್ರಸಾರಗಳನ್ನು ಒಳಗೊಂಡಿರುವ ಈ ಪ್ಯಾಕ್‌ಗಳು ಕುಟುಂಬ ವೀಕ್ಷಣೆಗೆ ಹೆಚ್ಚು ಅನುಕೂಲಕರವಾಗಿವೆ. ಗ್ರಾಹಕರು ತಮ್ಮ ಅಗತ್ಯಕ್ಕೆ ಅನುಗುಣವಾಗಿ ಪ್ಯಾಕ್‌ಗಳನ್ನು ಆಯ್ಕೆಮಾಡಿ ಕಸ್ಟಮೈಸ್‌ ಮಾಡಿಕೊಳ್ಳುವ ಅವಕಾಶವೂ ಇದೆ.

ಸೌತ್ ಇಂಡಿಯಾ ದೇಶದ ಪ್ರಮುಖ ಟಿವಿ ಮಾರುಕಟ್ಟೆಗಳಲ್ಲಿ ಒಂದಾಗಿದ್ದು, ಇಲ್ಲಿ ಪ್ರಾದೇಶಿಕ ಭಾಷೆ, ಸಿನೆಮಾ ಮತ್ತು ಕುಟುಂಬ ವೀಕ್ಷಣೆಗೆ ಹೆಚ್ಚಿನ ಮಹತ್ವ ಇದೆ. ಈ ಹಿನ್ನೆಲೆ ಗ್ರಾಹಕರ ಬದಲಾಗುತ್ತಿರುವ ಮನರಂಜನಾ ಬೇಡಿಕೆಗೆ ತಕ್ಕಂತೆ ಡಿಶ್ ಟಿವಿ ಹೊಸ ಸೇವೆಗಳನ್ನು ಪರಿಚಯಿಸಿದೆ.
ಇದೇ ವೇಳೆ ‘Sports Always-On’ ಹೆಸರಿನ ಹೊಸ ವೈಶಿಷ್ಟ್ಯವನ್ನೂ ಕಂಪನಿ ಆರಂಭಿಸಿದೆ.

ರೀಚಾರ್ಜ್ ವಿಳಂಬ ಅಥವಾ ತಾತ್ಕಾಲಿಕ ಸೇವಾ ವ್ಯತ್ಯಯಗಳಿದ್ದರೂ ಪ್ರಮುಖ ಕ್ರೀಡಾ ಪ್ರಸಾರಗಳನ್ನು ನಿರಂತರವಾಗಿ ವೀಕ್ಷಿಸಲು ಇದು ಸಹಕಾರಿಯಾಗಲಿದೆ. ಇದರಿಂದ ಕ್ರೀಡಾಭಿಮಾನಿಗಳು ಯಾವುದೇ ಪಂದ್ಯವನ್ನು ತಪ್ಪಿಸಿಕೊಳ್ಳದೇ ವೀಕ್ಷಿಸಲು ಸಾಧ್ಯವಾಗಲಿದೆ.

ಈ ಕುರಿತು ಮಾತನಾಡಿದ Manoj Dobhal, “ಸೌತ್ ಇಂಡಿಯಾ ನಮ್ಮ ಪ್ರಮುಖ ಮಾರುಕಟ್ಟೆಗಳಲ್ಲಿ ಒಂದಾಗಿದೆ. ಗ್ರಾಹಕರ ಭಾಷಾ ಮತ್ತು ಮನರಂಜನಾ ಅಭಿರುಚಿಗೆ ತಕ್ಕ ಗುಣಮಟ್ಟದ ಸೇವೆಯನ್ನು ಕೈಗೆಟುಕುವ ದರದಲ್ಲಿ ಒದಗಿಸುವುದು ನಮ್ಮ ಉದ್ದೇಶ,” ಎಂದು ಹೇಳಿದರು.

ಡಿಶ್ ಟಿವಿಯ ಚೀಫ್ ರೆವೆನ್ಯೂ ಆಫೀಸರ್ Sukhpreet Singh ಮಾತನಾಡಿ, “ಇಂದಿನ ಗ್ರಾಹಕರು ಮೌಲ್ಯಯುತ, ಅನುಕೂಲಕರ ಹಾಗೂ ತಮ್ಮ ಭಾಷೆಗೆ ಹೊಂದುವ ಮನರಂಜನೆಯನ್ನು ನಿರೀಕ್ಷಿಸುತ್ತಿದ್ದಾರೆ. ಹೊಸ ಪ್ಯಾಕ್‌ಗಳು ಆ ಅಗತ್ಯಗಳನ್ನು ಪೂರೈಸಲಿವೆ,” ಎಂದು ತಿಳಿಸಿದರು.

ಹೊಸ ಯೋಜನೆಯ ಮೂಲಕ Dish TV India Ltd. ಸೌತ್ ಇಂಡಿಯಾದಲ್ಲಿ ತನ್ನ ಪ್ರಾದೇಶಿಕ ಮತ್ತು ಗ್ರಾಹಕಕೇಂದ್ರಿತ ಮನರಂಜನಾ ತಂತ್ರವನ್ನು ಮತ್ತಷ್ಟು ಬಲಪಡಿಸಿದೆ.

City Today News 9341997936