ಯುವಕರೇ ಎಚ್ಚರ! ಮೂತ್ರಕೋಶದ ಸಮಸ್ಯೆಯನ್ನು ನಿರ್ಲಕ್ಷಿಸದಿರಿ: ಬಂದಿದೆ ಅತ್ಯಾಧುನಿಕ ‘iTind’ ಚಿಕಿತ್ಸೆ.

ಬೆಂಗಳೂರು: ಯುವಕರಲ್ಲಿ ಕಂಡುಬರುವ ಮೂತ್ರಕೋಶ ಕಂಠದ ಅಡಚಣೆ (PBNO) ಮತ್ತು ಪ್ರಾಸ್ಟೇಟ್ ಗ್ರಂಥಿಯ ಊತದ ಸಮಸ್ಯೆಗೆ ಶೇಷಾದ್ರಿಪುರಂನ ಅಪೋಲೋ ಆಸ್ಪತ್ರೆ ಇದೀಗ ಅತ್ಯಾಧುನಿಕ, ಕನಿಷ್ಠ ಆಕ್ರಮಣಕಾರಿ ‘ಐ ಟಿಂಡ್’ (iTind) ಚಿಕಿತ್ಸಾ ವಿಧಾನವನ್ನು ಪರಿಚಯಿಸಿದೆ. ಈ ತಂತ್ರಜ್ಞಾನವನ್ನು ಯಶಸ್ವಿಯಾಗಿ ಅಳವಡಿಸಿಕೊಂಡು, ಈಗಾಗಲೇ 10 ಚಿಕಿತ್ಸೆಗಳನ್ನು ಪೂರ್ಣಗೊಳಿಸಿದ ಕರ್ನಾಟಕದ ಮೊದಲ ಆರೋಗ್ಯ ಸಂಸ್ಥೆ ಎಂಬ ಹೆಗ್ಗಳಿಕೆಗೆ ಅಪೋಲೋ ಆಸ್ಪತ್ರೆ ಪಾತ್ರವಾಗಿದೆ.

ಯುವಕರನ್ನು ಕಾಡುತ್ತಿರುವ ಅಪರೂಪದ ಸಮಸ್ಯೆ:
ಸಾಮಾನ್ಯವಾಗಿ ಮೂತ್ರನಾಳದ ತಡೆಯು ವಯಸ್ಸಾದವರಲ್ಲಿ ಪ್ರಾಸ್ಟೇಟ್ ಗ್ರಂಥಿ ಹಿಗ್ಗುವುದರಿಂದ ಬರುತ್ತದೆ ಎಂಬ ನಂಬಿಕೆಯಿದೆ. ಆದರೆ, ಪ್ರಸ್ತುತ 18ರಿಂದ 41 ವರ್ಷ ವಯೋಮಾನದ ಶೇ. 5 ರಿಂದ 10ರಷ್ಟು ಯುವಕರು ಮೂತ್ರಕೋಶ ಕಂಠದ ಅಡಚಣೆಯಿಂದ ಬಳಲುತ್ತಿದ್ದಾರೆ.

ಪ್ರಮುಖ ರೋಗಲಕ್ಷಣಗಳು:
ಕನಿಷ್ಠ ಪ್ರಮಾಣದ ಮೂತ್ರ ವಿಸರ್ಜನೆ,
ಪದೇ ಪದೇ ಮೂತ್ರಕ್ಕೆ ಹೋಗುವುದು,
ಮೂತ್ರ ವಿಸರ್ಜನೆಯ ಸಮಯದಲ್ಲಿ ಅತಿಯಾದ ಶ್ರಮ ಹಾಕುವುದು.

ಈ ಲಕ್ಷಣಗಳನ್ನು ಯುವಕರು ಸಾಮಾನ್ಯವೆಂದು ನಿರ್ಲಕ್ಷಿಸುವುದರಿಂದ ಮೂತ್ರಕೋಶ ವೈಫಲ್ಯ, ನಿರಂತರ ಸೋಂಕು ಹಾಗೂ ಶಾಶ್ವತ ಹಾನಿಯಂತಹ ಗಂಭೀರ ಅಪಾಯಗಳು ತಂಟೆಯೊಡ್ಡುವ ಸಾಧ್ಯತೆ ಇದೆ.

‘ಐ ಟಿಂಡ್’ (iTind) ತಂತ್ರಜ್ಞಾನದ ವೈಶಿಷ್ಟ್ಯಗಳು:
ಸಾಂಪ್ರದಾಯಿಕ ಶಸ್ತ್ರಚಿಕಿತ್ಸೆಗಳಲ್ಲಿ ಪ್ರಾಸ್ಟೇಟ್ ಗ್ರಂಥಿಯ ಅಂಗಾಂಶಗಳನ್ನು ಕತ್ತರಿಸುವುದು ಅಥವಾ ದಹಿಸುವುದು ಮಾಡಲಾಗುತ್ತದೆ. ಆದರೆ ‘ಐ ಟಿಂಡ್’ ಒಂದು ತಾತ್ಕಾಲಿಕವಾಗಿ ಒಳಸೇರಿಸಬಹುದಾದ ನಿಟಿನೋಲ್ ಸಾಧನವಾಗಿದ್ದು, ಯಾವುದೇ ಅಂಗಾಂಶವನ್ನು ಹಾನಿಗೊಳಿಸುವುದಿಲ್ಲ.

ಸರಳ ವಿಧಾನ: ಸೌಮ್ಯ ರೀತಿಯ ಅರಿವಳಿಕೆ ನೀಡಿ ಎಂಡೋಸ್ಕೋಪಿಕ್ ಮೂಲಕ ಸಾಧನವನ್ನು ಅಳವಡಿಸಿ, 5 ರಿಂದ 7 ದಿನಗಳ ನಂತರ ಹೊರತೆಗೆಯಲಾಗುತ್ತದೆ.
ಫಲವತ್ತತೆಯ ಸಂರಕ್ಷಣೆ: ಈ ಚಿಕಿತ್ಸೆಯಿಂದ ರೋಗಿಯ ಸ್ಖಲನ, ಲೈಂಗಿಕ ಸಾಮರ್ಥ್ಯ ಹಾಗೂ ಸಂತಾನೋತ್ಪತ್ತಿ ಕ್ಷಮತೆಗೆ ಯಾವುದೇ ಧಕ್ಕೆಯಾಗುವುದಿಲ್ಲ.

ತಜ್ಞರ ಅಭಿಪ್ರಾಯ:
“ಬಹಳಷ್ಟು ಯುವಕರು ಈ ಸಮಸ್ಯೆಯನ್ನು ಹಿರಿಯರದ್ದು ಎಂದು ಭಾವಿಸಿ ಚಿಕಿತ್ಸೆ ಪಡೆಯಲು ವಿಳಂಬ ಮಾಡುತ್ತಿದ್ದಾರೆ. ದೀರ್ಘಕಾಲದ ತಡೆಯು ಮೂತ್ರಕೋಶವನ್ನು ಶಾಶ್ವತವಾಗಿ ಹಾನಿಗೊಳಿಸಬಹುದು. ‘ಐ ಟಿಂಡ್’ ಚಿಕಿತ್ಸೆಯು ಫಲವತ್ತತೆಯನ್ನು ಕಾಪಾಡಿಕೊಂಡು ಮೂತ್ರ ತಡೆಯನ್ನು ನಿವಾರಿಸುವ ಅತ್ಯುತ್ತಮ ಮಾರ್ಗವಾಗಿದೆ.”
– ಡಾ. ಟಿ. ಮನೋಹರ್, ಮುಖ್ಯ ಮೂತ್ರಕೋಶ ತಜ್ಞರು, ಶೇಷಾದ್ರಿಪುರಂ ಅಪೋಲೋ ಆಸ್ಪತ್ರೆ.

“ಮೂತ್ರಕೋಶ ಸಂಬಂಧಿತ ಕಾಯಿಲೆಗಳ ಬಗ್ಗೆ ಇರುವ ತಪ್ಪು ಪರಿಕಲ್ಪನೆಗಳನ್ನು ತೊಡೆದುಹಾಕಿ, ಯುವ ರೋಗಿಗಳಿಗೆ ಸೂಕ್ತ ಸಮಯಕ್ಕೆ ಅತ್ಯಾಧುನಿಕ ಹಾಗೂ ಸುರಕ್ಷಿತ ವೈದ್ಯಕೀಯ ಸೇವೆ ಒದಗಿಸುವುದೇ ನಮ್ಮ ಪ್ರಮುಖ ಆದ್ಯತೆಯಾಗಿದೆ.”- ಶ್ರೀ ಉದಯ್ ದಾವ್ಡಾ, ಉಪಾಧ್ಯಕ್ಷರು, ಶೇಷಾದ್ರಿಪುರಂ ಅಪೋಲೋ ಹಾಸ್ಪಿಟಲ್ಸ್.

ವೈದ್ಯಕೀಯ ಚಿಕಿತ್ಸೆಯಲ್ಲಿ ಹೊಸ ಮೈಲಿಗಲ್ಲು:
ಶೇಷಾದ್ರಿಪುರಂ ಅಪೋಲೋ ಆಸ್ಪತ್ರೆಯು ಈಗಾಗಲೇ ಹೋ-ಲೆಪ್ (HoLEP), ಮೋ-ಲೆಪ್ (MoLEP), ಮಿಮಿ ಮೋಲೆಪ್, ರೆಝೂಮ್, ಯೂರೋಲಿಫ್ಟ್ ಮತ್ತು ರೊಬೊಟಿಕ್ ಶಸ್ತ್ರಚಿಕಿತ್ಸೆ ಸೇರಿದಂತೆ 2,500 ಕ್ಕೂ ಹೆಚ್ಚು ಸಂಕೀರ್ಣ ಚಿಕಿತ್ಸೆಗಳನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದೆ. ಇದೀಗ ‘ಐ ಟಿಂಡ್’ ಸೇರ್ಪಡೆಯೊಂದಿಗೆ ರೋಗಿಯ ವಯಸ್ಸು ಮತ್ತು ಅಗತ್ಯಕ್ಕೆ ತಕ್ಕಂತೆ ಸೂಕ್ತ ಚಿಕಿತ್ಸೆ ನೀಡುವ ವ್ಯಾಪ್ತಿಯನ್ನು ಮತ್ತಷ್ಟು ವಿಸ್ತರಿಸಿದೆ.

ನೆನಪಿಡಿ: ನಿರಂತರ ಮೂತ್ರಕೋಶದ ಸಮಸ್ಯೆಗಳಿದ್ದಲ್ಲಿ ತಕ್ಷಣವೇ ‘ಯೂರೋಫ್ಲೋ ಮೆಟ್ರಿ’ಯಂತಹ ಸರಳ ತಪಾಸಣೆಗಳ ಮೂಲಕ ಆರಂಭಿಕ ಹಂತದಲ್ಲೇ ರೋಗಪತ್ತೆ ಹಚ್ಚಿ ಚಿಕಿತ್ಸೆ ಪಡೆಯುವುದು ಅಗತ್ಯ.

City Today News 9341997936