Category: Election

ಅಖಿಲ ಕರ್ನಾಟಕ ಬ್ರಾಹ್ಮಣ ಮಹಾಸಭಾ (ರಿ) ಅಧ್ಯಕ್ಷ ಸ್ಥಾನಕ್ಕೆ ರಘುನಾಥ್ ಎಸ್. ಅಭ್ಯರ್ಥಿ ಘೋಷಣೆ – 2025–2030 ಅವಧಿಗೆ ಪ್ರಣಾಳಿಕೆ ಬಿಡುಗಡೆ

ಬೆಂಗಳೂರು:
ಅಖಿಲ ಕರ್ನಾಟಕ ಬ್ರಾಹ್ಮಣ ಮಹಾಸಭಾ (ರಿ)ಯ 2025–2030 ಅವಧಿಗೆ ನಡೆಯುವ ಚುನಾವಣೆಯಲ್ಲಿ ಅಧ್ಯಕ್ಷ ಸ್ಥಾನಕ್ಕೇಆಕಾಂಕ್ಷಿಯಾಗಿ ರಘುನಾಥ್ ಎಸ್. ಅವರು ಸ್ಪರ್ಧಿಸುತ್ತಿರುವುದಾಗಿ ಘೋಷಣೆ ನೀಡಿದ್ದು, ಈ ಸಂಬಂಧ ತಮ್ಮ ದೀರ್ಘಕಾಲೀನ ದೃಷ್ಟಿಕೋನವನ್ನು ಒಳಗೊಂಡ ಚುನಾವಣಾ ಪ್ರಣಾಳಿಕೆಯನ್ನು ಬೆಂಗಳೂರು ಪ್ರೆಸ್ ಕ್ಲಬ್‌ನಲ್ಲಿ ಆಯೋಜಿಸಿದ ಪತ್ರಿಕಾಗೋಷ್ಠಿಯಲ್ಲಿ ಬಿಡುಗಡೆಗೊಳಿಸಿದರು. ಈ ಸಂದರ್ಭದಲ್ಲಿ ಇತರ ಅಭ್ಯರ್ಥಿಗಳು ಹಾಗೂ ಗಣ್ಯರು ಉಪಸ್ಥಿತರಿದ್ದರು.

ಪ್ರಣಾಳಿಕೆಯಲ್ಲಿ ರಾಜ್ಯದಾದ್ಯಂತ ಬ್ರಾಹ್ಮಣ ಸಮುದಾಯದ ಸಮಗ್ರ ಅಭಿವೃದ್ಧಿಗೆ ಸಂಬಂಧಿಸಿದಂತೆ ಹಲವಾರು ಮಹತ್ವಾಕಾಂಕ್ಷಿ ಯೋಜನೆಗಳನ್ನು ಒಳಗೊಂಡಿದ್ದು, ಸಧೃಢ ಆರ್ಥಿಕತೆ, ಸಂಘಟಿತ ಆಡಳಿತ ಮತ್ತು ಸಾಂಸ್ಕೃತಿಕ ಪುನಶ್ಚೇತನವನ್ನು ಕೇಂದ್ರಬಿಂದುವಾಗಿರಿಸಿದೆ.

ಪ್ರಣಾಳಿಕೆ ಪ್ರಮುಖ ಅಂಶಗಳು:

ಮಹಾಸಭೆಗೆ ರೂ. 100 ಕೋಟಿ ಮೂಲಧನ ಸಂಗ್ರಹ.

ಅಧ್ಯಕ್ಷರ ಅವಧಿಯನ್ನು 5 ವರ್ಷಗಳಿಗೆ ನಿಗದಿಪಡಿಸುವುದು.

ಕಾರ್ಯಕ್ಷಮ ಆಡಳಿತಕ್ಕಾಗಿ ಉಪಸಮಿತಿಗಳ ರಚನೆ.

ಸದಸ್ಯರ ಸಂಪೂರ್ಣ ದತ್ತಾಂಶದ ಗಣಕೀಕರಣ.

ಜಿಲ್ಲೆ ಹಾಗೂ ತಾಲ್ಲೂಕು ಮಟ್ಟದಲ್ಲಿ ಸಮುದಾಯಕ್ಕಾಗಿ CA (ಸಿವಿಕ್ ಅಮೆನಿಟಿ) ಜಾಗಗಳನ್ನು ಒದಗಿಸಲು ಪ್ರಯತ್ನ.

ಮಹಾಸಭೆಯ ಮಾಸಪತ್ರಿಕೆ ವಿಪನುಡಿಯನ್ನು ಮುದ್ರಿತ ಹಾಗೂ ಡಿಜಿಟಲ್ ಸ್ವರೂಪದಲ್ಲಿ ಸದಸ್ಯರಿಗೆ ಪಠಿಸಲು ವ್ಯವಸ್ಥೆ.

ಪದ್ಮನಾಭನಗರದಲ್ಲಿರುವ ಮಹಾಸಭೆಯ ಆಸ್ತಿಯ ಅಭಿವೃದ್ಧಿ.

ಮಹಿಳಾ ವಸತಿ ನಿಲಯಗಳ ವಿಸ್ತರಣೆ.

ಪ್ರತಿ ಆರು ತಿಂಗಳಿಗೆ ಆರೋಗ್ಯ ತಪಾಸಣಾ ಶಿಬಿರಗಳ ಆಯೋಜನೆ.

ಕರ್ನಾಟಕ ಬ್ರಾಹ್ಮಣರ ಇತಿಹಾಸದ ಕುರಿತ ಕೃತಿಗಳ ಪ್ರಕಟಣೆ.

ವೇದ ಪಾಠಶಾಲೆಯ ಸ್ಥಾಪನೆ.

ಪದ್ಮನಾಭನಗರ ಆಸ್ತಿಯ ಪೂರ್ಣ ಮಟ್ಟದ ಅಭಿವೃದ್ಧಿ ಮತ್ತು ಸ್ಥಿರ ಆದಾಯದ ವ್ಯವಸ್ಥೆ.

ಅಪರಕರ್ಮಗಳಿಗೆ ಸರ್ಕಾರದಿಂದ ನಿವೇಶನ ಒದಗಿಸಲು ನಿರಂತರ ಪ್ರಯತ್ನ.

ರಾಜ್ಯದಾದ್ಯಂತ ಶೈಕ್ಷಣಿಕ ಸಂಸ್ಥೆಗಳ ಆರಂಭ.

ಸಮುದಾಯದ ಸಾಂದರ್ಭಿಕ ಡಿಜಿಟಲ್ ಮಾಹಿತಿಕೋಶದ ರಚನೆ.

ಎಲ್ಲಾ ಜಿಲ್ಲೆಗಳಲ್ಲಿ ಇ-ಸೇವಾ ಕೌಂಟರ್‌ಗಳ ಸ್ಥಾಪನೆ.

ಸರ್ಕಾರದ ಕಲ್ಯಾಣ ಕಾರ್ಯಕ್ರಮಗಳು ಸಮುದಾಯದ ಅರ್ಹ ಫಲಾನುಭವಿಗಳಿಗೆ ತಲುಪುವಂತೆ ಕ್ರಮ.


ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ರಘುನಾಥ್ ಎಸ್. ಅವರು, “ಸಂಘಟಿತ ಅಭಿವೃದ್ದಿ, ಆರ್ಥಿಕ ಸ್ಥಿರತೆ ಮತ್ತು ಸಮಾನ ಒಳಗೊಂಡ ಬೆಳವಣಿಗೆ” ಎಂಬ ಧ್ಯೇಯದೊಂದಿಗೆ ಈ ಎಲ್ಲ ಯೋಜನೆಗಳನ್ನು ಕಾರ್ಯರೂಪಕ್ಕೆ ತರಲು ಬದ್ಧನಾಗಿದ್ದೇನೆ ಎಂದು ತಿಳಿಸಿದರು.

City Today News 9341997936

ಬೆಂಗಳೂರು : ಅಖಿಲ ಕರ್ನಾಟಕ ಬ್ರಾಹ್ಮಣ1f ಮಹಾಸಭಾ (ಎಕೆಬಿಎಂಎಸ್) ಅಧ್ಯಕ್ಷ ಸ್ಥಾನಕ್ಕೆ ಏಪ್ರಿಲ್ 13, ಭಾನುವಾರ ಚುನಾವಣೆ ನಡೆಯಲಿದ್ದು, ಶ್ರೀರಂಗಪಟ್ಟಣದ ಖ್ಯಾತ ವೇದ ವಿದ್ವಾಂಸ ಡಾ. ಭಾನುಪ್ರಕಾಶ್ ಶರ್ಮಾ ಸ್ಪರ್ಧಿಸುತ್ತಿದ್ದಾರೆ. ರಾಜ್ಯದಾದ್ಯಂತ ಅವರಿಗೆ ಭಾರೀ ಬೆಂಬಲ ವ್ಯಕ್ತವಾಗಿದೆ.

ವೈದಿಕ ಪರಂಪರೆಯ ಪ್ರಖ್ಯಾತ ಧಾರ್ಮಿಕ ನಾಯಕ ಹಾಗೂ ಶ್ರೇಷ್ಠ ಆಡಳಿತಗಾರರಾದ ಡಾ. ಶರ್ಮಾ, ಮಹಾಸಭೆಯಲ್ಲಿ ಕಳೆದ 30 ವರ್ಷಗಳಿಂದ ಸೇವೆ ಸಲ್ಲಿಸುತ್ತಿದ್ದು, ಏಳು ಬಾರಿ ಉಪಾಧ್ಯಕ್ಷರಾಗಿದ್ದಾರೆ. ಮಹಾಸಭಾದ ಐವತ್ತು ವರ್ಷಗಳ ಇತಿಹಾಸದಲ್ಲಿ ವೈದಿಕ ಪರಂಪರೆಯಿಂದ ಸ್ಪರ್ಧಿಸುವ ಮೊದಲ ಅಭ್ಯರ್ಥಿಯಾಗಿ họರುವ ಗೌರವ ಇವರಿಗೆ ಲಭ್ಯವಾಗಿದೆ.

ಭಾರತದೊಂದಿಗೆ ಅಮೆರಿಕ ಸೇರಿ ಹಲವೆಡೆ ಧಾರ್ಮಿಕ, ಶೈಕ್ಷಣಿಕ ಮತ್ತು ಸಾಮಾಜಿಕ ಕ್ಷೇತ್ರಗಳಲ್ಲಿ ಪ್ರಮುಖ ಕೊಡುಗೆ ನೀಡಿರುವ ಅವರು ಪ್ರಸ್ತುತ 14 ಶಿಕ್ಷಣ ಸಂಸ್ಥೆಗಳ ಆಡಳಿತವನ್ನು ನಿರ್ವಹಿಸುತ್ತಿದ್ದಾರೆ. ಮಹಾಸಭಾದ ಸುವರ್ಣ ಜುಬಿಲೀ ವರ್ಷಾಚರಣೆಯ ನಿಮಿತ್ತ “ಸುವರ್ಣ ಭವನ” ನಿರ್ಮಾಣದ ಕನಸು ನನಸಾಗಿಸಲು ಅವರು ಬದ್ಧರಾಗಿದ್ದಾರೆ.

ಈ ಕುರಿತು ಬೆಂಗಳೂರಿನ ಪ್ರೆಸ್ ಕ್ಲಬ್‌ನಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತಾನಾಡಿದವರು, ಡಾ. ಶರ್ಮಾ ಅವರ ಸೇವೆ, ಕೃತಿಗಳ ಬಗ್ಗೆ ಬೆಳಕು ಚೆಲ್ಲಿದ್ದು, ಗೆಲುವಿನ ಭರವಸೆ ವ್ಯಕ್ತಪಡಿಸಿದರು.

City Today News 9341997936

ಬೆಂಗಳೂರು, 24 ಮಾರ್ಚ್ 2025: ಅಖಿಲ ಕರ್ನಾಟಕ ಬ್ರಾಹ್ಮಣ ಮಹಾಸಭೆಯ ರಾಜ್ಯ ಅಧ್ಯಕ್ಷೀಯ ಚುನಾವಣೆಯ ಮತದಾನ 2025ರ ಏಪ್ರಿಲ್ 13ರಂದು ಬೆಳಿಗ್ಗೆ 8 ರಿಂದ ಸಂಜೆ 4 ಗಂಟೆಯವರೆಗೆ ನಡೆಯಲಿದೆ. ಈ ಹಿನ್ನೆಲೆಯಲ್ಲಿ, ಅಖಿಲ ಭಾರತ ಕಣ್ವ ಪರಿಷತ್ತಿನ ರಾಜ್ಯ ಘಟಕದಿಂದ ಪ್ರೆಸ್ ಮೀಟ್ ಆಯೋಜಿಸಲಾಗಿತ್ತು.

ಪ್ರೆಸ್ ಮೀಟ್‌ನಲ್ಲಿ ಮಾತನಾಡಿದ ಶ್ರೀ ವೈ.ವಿ. ವೇಣುಗೋಪಾಲ ಕೃಷ್ಣ, ಅಧ್ಯಕ್ಷರು, ಶ್ರೀ ಯಜುಃಶಾಖಾ ಟ್ರಸ್ಟ್, ಅವರು ಮಹಾಸಭೆಯ ಅಧ್ಯಕ್ಷೀಯ ಅಭ್ಯರ್ಥಿ ಶ್ರೀ ಎಸ್. ರಘುನಾಥ್ ಅವರ ಬಗ್ಗೆ ವಿವರ ನೀಡಿದರು. ಮಹಾಸಭೆಯ ಮುಂದಿನ ನೇತೃತ್ವಕ್ಕಾಗಿ ರಘುನಾಥ್ ಅವರ ಆಯ್ಕೆ ಅತ್ಯಂತ ಸೂಕ್ತವೆಂದು ಕಣ್ವ ಪರಿಷತ್ತಿನ ರಾಜ್ಯ ಘಟಕ ನಿರ್ಧರಿಸಿದೆ.

ಶ್ರೀ ಕೆ.ಎನ್. ಚಂದ್ರಶೇಖರ್, ವಕೀಲರು ಮತ್ತು ಕಣ್ವ ಪರಿಷತ್ತಿನ ದಕ್ಷಿಣ ಕೇಂದ್ರ ವಲಯದ ಕಾರ್ಯದರ್ಶಿ, ಅವರು ರಘುನಾಥ್ ಅವರ ಸಾಮರ್ಥ್ಯವನ್ನು ಹೊಗಳಿ, ಬ್ರಾಹ್ಮಣ ಸಮುದಾಯದ ಸಂಘಟನೆಯತ್ತ ಅವರ ಸೇವೆಯನ್ನು ಒತ್ತಿ ಹೇಳಿದರು. “ಎಲ್ಲಾ ಪಂಗಡಗಳವರನ್ನೂ ಒಗ್ಗೂಡಿಸುವ ಸಾಮರ್ಥ್ಯ ಅವರಲ್ಲಿದ್ದು, ಸಮುದಾಯದ ಹಿತಕ್ಕಾಗಿ ಅವರ ನೇತೃತ್ವ ಅಗತ್ಯ” ಎಂದು ಅವರು ಅಭಿಪ್ರಾಯಪಟ್ಟರು.

ಅಖಿಲ ಭಾರತ ಕಣ್ವ ಪರಿಷತ್ತಿನ ರಾಜ್ಯಾಧ್ಯಕ್ಷ ಶ್ರೀ ವಿ. ಕಿಶನ್‌ರಾವ್ ಕುಲಕರ್ಣಿ ಅವರು, “ಶ್ರೀ ರಘುನಾಥ್ ಅವರು ಬಡ ಬ್ರಾಹ್ಮಣ ಕುಟುಂಬಗಳು ಹಾಗೂ ವಿದ್ಯಾರ್ಥಿಗಳ ಉನ್ನತಿಯತ್ತ ವಿಶೇಷ ಕಾಳಜಿ ಹೊಂದಿದ್ದಾರೆ. ಆರ್ಥಿಕ ಹಿಂದುಳಿದ ಕುಟುಂಬಗಳಿಗೆ ಸಹಾಯ ಮಾಡುವ ಗುರಿಯೊಂದಿಗೆ ಅವರು ಕೆಲಸ ಮಾಡುತ್ತಿದ್ದಾರೆ. ಅವರ ಈ ಸಾಮಾಜಿಕ ಸೇವಾ ಮನೋಭಾವವು ಮಹಾಸಭೆಯ ಭವಿಷ್ಯದ ಬೆಳವಣಿಗೆಗೆ ಪ್ರಮುಖ” ಎಂದು ಅಭಿಪ್ರಾಯಪಟ್ಟರು.

ಪ್ರೆಸ್ ಮೀಟ್‌ನಲ್ಲಿ ಶ್ರೀ ಗೋವಿಂದರಾವ್ ಆಲಂಪಲ್ಲಿ (ಅಖಿಲ ಭಾರತ ಕಣ್ವ ಪರಿಷತ್ತಿನ ರಾಜ್ಯ ಉಪಾಧ್ಯಕ್ಷರು), ಶ್ರೀಮತಿ ಲಕ್ಷ್ಮೀ ಪ್ರಕಾಶ್, ಹಾಗೂ ಬೆಂಗಳೂರು ನಗರ ಜಿಲ್ಲೆಯ ಮಹಿಳಾ ವಿಭಾಗದ ಅಧ್ಯಕ್ಷೆ ಶ್ರೀಮತಿ ಸುಭದ್ರಾ ಉಪಸ್ಥಿತರಿದ್ದರು.

ಈ ಚುನಾವಣೆಯಲ್ಲಿ ರಘುನಾಥ್ ಅವರನ್ನು ಬಹುಮತದಿಂದ ಆಯ್ಕೆ ಮಾಡಬೇಕೆಂದು ಕಣ್ವ ಪರಿಷತ್ತಿನ ರಾಜ್ಯ ಘಟಕ ಕರೆ ನೀಡಿದೆ.

City Today News 9341997936

ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ಸಂಘವು ಸುಮಾರು 7.00 ಲಕ್ಷ ಸರ್ಕಾರಿ ನೌಕರರನ್ನು ಪ್ರತಿನಿಧಿಸುತ್ತಿದ್ದು, ಅವರ ಸೇವಾ ಭದ್ರತೆ, ವೇತನ ತಾರತಮ್ಮ ಸರಿಪಡಿಸುವ ಮೂಲಕ ಆರ್ಥಿಕ ಸಬಲತೆ ಮತ್ತು ಖಾಲಿ ಹುದ್ದೆಗಳ ಭರ್ತಿ ಇತರ ಹತ್ತು ಹಲವು ವಿಷಯಗಳ ಕುರಿತು ಕಾರ್ಯನಿರ್ವಹಿಸಬೇಕಾಗುತ್ತದೆ. ಈ ನಿಟ್ಟಿನಲ್ಲಿ 2024-29ನೇ ಸಾಲಿನ ಚುನಾವಣೆ ನಡೆದಿದ್ದು, ಎರಡು ತಂಡಗಳಲ್ಲಿ ಪ್ರಜಾಸತ್ತಾತ್ಮಕ ನೌಕರರ ವೇದಿಕೆಯು ಖಾಜಾಂಚಿ ಸ್ನಾನದ ಚುನಾವಣೆಯಲ್ಲಿ ಗೆಲುವನ್ನು ಪಡೆದಿರುತ್ತದೆ. ನೌಕರರ ಹಿತದೃಷ್ಟಿಯಿಂದ ಎರಡು ತಂಡಗಳು ಸಮಾನ ಜವಾಬ್ದಾರಿಯೊಂದಿಗೆ ಕಾರ್ಯನಿರ್ವಹಿಸಬೇಕಾಗುತ್ತದೆ. ಆದರೆ ಪ್ರಸ್ತುತ ಪುನರಾಯ್ಕೆಯಾಗಿರುವ ಅಧ್ಯಕ್ಷರು ಯಾವುದೇ ಕಾರ್ಯಕಾರಿ ಸಮಿತಿ ಸಭೆ ಕರೆಯದೇ ಚುನಾವಣೆಯಲ್ಲಿ ಸ್ಪರ್ಧಿಸಿರುವ ಪ್ರತಿ ಸ್ಪರ್ಧಿಗಳನ್ನು ಹತ್ತಿಕ್ಕುವ ಮನೋಧೋರಣೆಯೊಂದಿಗೆ ಚುನಾವಣೆಯಲ್ಲಿ ಗೆದ್ದಿರುವ ಖಾಜಾಂಚಿಯವರನ್ನು ಮೂಲೆ ಗುಂಪು ಮಾಡುವ ಉದ್ದೇಶದಿಂದ ಅವರೊಂದಿಗೆ ಚರ್ಚಿಸದೇ ಏಕ ಪಕ್ಷೀಯವಾಗಿ ಬಹುಪಾಲು ಸ್ವಪಕ್ಷೀಯರನ್ನು ಸಂಘದ ಪ್ರಮುಖ ಹುದ್ದೆಗಳಿಗೆ ತುಂಬುವ ಮೂಲಕ ಸಂಘವನ್ನು ತಮ್ಮ ಸ್ವಹಿತಾಸಕ್ತಿಗೆ ಬಳಸಿಕೊಳ್ಳುತ್ತಿರುವುದನ್ನು ಸಮಸ್ತ ನೌಕರ ಭಾಂದವರಿಗೆ ತಿಳಸಲು ಬಯಸುವ ಸಲುವಾಗಿ ಪ್ರೆಸ್ ಕ್ಲಬ್ ಆಫ್ ಬೆಂಗಳೂರ್ ನಲ್ಲಿ ಪತ್ರಿಕಾ ಗೋಷ್ಠಿಯನ್ನು ಶಿವರುದ್ರಯ್ಯ ವಿ.ವಿ, ಖಜಾಂಚಿ, ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ಸಂಘ, ರವರು ಏರ್ಪಡಿಸಿದರು.

City Today News 9341997936