Category: Protest

ಜಿಂದಲ್ ಕಂಪೆನಿಗೆ 3 , 666 ಎಕರೆ ಭೂಮಿಯನ್ನು ಶುದ್ದ ಕ್ರಯ ಮಾಡಿ ಕೊಡಲು ಉದ್ದೇಶಿಸಿರುವ ರಾಜ್ಯ ಸರ್ಕಾರದ ಕ್ರಮ ಇದೀಗ ಬಹು ದೊಡ್ಡ ವಿವಾದವಾಗಿದೆ . ಅಕ್ರಮ ಗಣಿಗಾರಿಕೆ ವಿರುದ್ಧ ಸಮಾಜ ಪರಿವರ್ತನಾ ಸಮುದಾಯ ( SPS ) ಕಳೆದೊಂದು ದಶಕದಿಂದ ನಡೆಸುತ್ತಿರುವ ಹೋರಾಟದ ಫಲವಾಗಿಯೇ ಇಂದು ರಾಜ್ಯ ಮತ್ತು ದೇಶದ ಜನ ಕರ್ನಾಟಕದಲ್ಲಿನ ಅಕ್ರಮಗಣಿಗಾರಿಕೆ ಮತ್ತು ಅದರ ಸುತ್ತಲಿನ ವಿವಾದವನ್ನು ತಿಳಿದುಕೊಳ್ಳಲು ಮತ್ತು ಹೋರಾಟವನ್ನು ಬೆಂಬಲಿಸಲು ಸಾಧ್ಯವಾಗಿದೆ . ಹಾಗಾಗಿಯೇ , ಜನಾಭಿಪ್ರಾಯವನ್ನು ಮನಗಂಡು , ಸಮಾಜ ಪರಿವರ್ತನಾ ಸಮುದಾಯ ಇದೀಗ ಜಿಂದಲ್ ಕಂಪನಿಗೆ ಭಾರೀ ಲಾಭ ಮಾಡಿಕೊಡುವ ಸರ್ಕಾರದ ಈ ನಿರ್ಧಾರದ ವಿರುದ್ದ ಹೋರಾಟ ನಡೆಸಲು ನಿರ್ಧರಿಸಿದೆ . ಸುಪ್ರೀಂ ಕೋರ್ಟ್ ನ | ಹಿಂದಿನ ಅನೇಕ ಆದೇಶಗಳನ್ನು ಗಮನದಲ್ಲಿರಿಸಿದರೆ , ಸರ್ಕಾರದ ನಿರ್ಧಾರ ಮೇಲ್ನೋಟಕ್ಕೆ ಪ್ರಶಸ್ತ ಎನಿಸುತ್ತಿಲ್ಲ . ಈ ಸಂಬಂಧ ಸಮಾಜ ಪರಿವರ್ತನಾ ಸಮುದಾಯ ಕಲೆ ಹಾಕಿರುವ ಕೆಲವು ದಾಖಲೆಗಳನ್ನು ಗಮನಿಸಿದರೆ , ಸರ್ಕಾರದ ನಿರ್ಧಾರ ರಾಜ್ಯದ ಹಿತ ದೃಷ್ಟಿಯಿಂದ ಸೂಕ್ತ ಎನಿಸುತ್ತಿಲ್ಲ . ಈ ನಿಟ್ಟಿನಲ್ಲಿ , ಸಮಾಜ ಪರಿವರ್ತನಾ ಸಮುದಾಯ ಈ ಹೋರಾಟದಲ್ಲಿ ಎಲ್ಲಾ ರೀತಿಯ ಸಂಘ – ಸಂಸ್ಥೆಗಳ ಹಾಗೂ ರಾಜಕೀಯ ಪಕ್ಷಗಳ ಬೆಂಬಲ ನಿರೀಕ್ಷಿಸುತ್ತದೆ . ಕೆಲವೊಂದು ರಾಜಕೀಯ ಪಕ್ಷಗಳು ಹಾಗೂ ಸಂಘ – ಸಂಸ್ಥೆಗಳು ಈಗಾಗಲೇ ಸರ್ಕಾರದ ಈ ನಿರ್ಧಾರದ ವಿರುದ್ದ ಆಕ್ಷೇಪ ವ್ಯಕ್ತಪಡಿಸಿವೆ . ಸಮಾಜ ಪರಿವರ್ತನಾ ಸಮುದಾಯ ಈಗಾಗಲೇ ಈ ಬಗ್ಗೆ ಗದಗ ಶಾಸಕ ಎಚ್ ಕೆ ಪಾಟೀಲ್ ಅವರನ್ನು ಭೇಟಿಯಾಗಿದೆ . ಪಾಟೀಲ್ ಅವರು ಅಕ್ರಮ ಗಣಿಗಾರಿಕೆಯ ಮೇಲಿನ ಲೋಕಾಯುಕ್ತ ವರದಿ ಅನುಷ್ಠಾನ ಸಂಬಂಧ ರಚಿತವಾದ ಸಚಿವ ಸಂಪುಟ ಉಪ ಸಮಿತಿ ಮುಖ್ಯಸ್ಥರಾಗಿ ಸೇವೆ ಸಲ್ಲಿಸಿರುತ್ತಾರೆ ಹಾಗೂ ತಮ್ಮ ಆಕ್ಷೇಪವನ್ನು ಬಹಿರಂಗಗೊಳಿಸಿರುತ್ತಾರೆ . ಸಿಟಿಜೆನ್ ಫಾರ್ ಡೆಮಾಕ್ರೆಸಿ ( ಕರ್ನಾಟಕ ಘಟಕ ) ಕೂಡ ಈ ಉದ್ದೇಶದಲ್ಲಿ ಕೈ ಜೋಡಿಸಲು ನಿರ್ಧರಿಸಿದೆ . ಈ ಹೋರಾಟದ ಮುಂದಿನ ಹೆಜ್ಜೆಯಾಗಿ ಸಮಾಜ ಪರಿವರ್ತನಾ ಸಮುದಾಯ ಮಾಜಿ ಮುಖ್ಯಮಂತ್ರಿ ಹಾಗೂ ವಿರೋಧ ಪಕ್ಷದ ನಾಯಕ ಬಿ ಎಸ್ ಯಡಿಯೂರಪ್ಪ ಅವರನ್ನು ಭೇಟಿ ಮಾಡಲು ನಿರ್ಧರಿಸಿದೆ . ಯಡಿಯೂರಪ್ಪನವರು ಜಿಂದಲ್ ಗೆ ಭೂಮಿ ಮಾರುವ ಸರ್ಕಾರದ ನಿರ್ಧಾರವನ್ನು ಕಟುವಾಗಿ ಟೀಕಿಸಿದ್ದಾರೆ . ಸಮಾಜ ಪರಿವರ್ತನಾ ಸಮುದಾಯದ ಸ್ಥಾಪಕ ಹಾಗೂ ಮಾರ್ಗದರ್ಶಿ ಎಸ್ ಆರ್ ಹಿರೇಮಠ ಅವರು ಯಡಿಯೂರಪ್ಪ ಅವರನ್ನು ಭೇಟಿಯಾಗಿ ಸಮಾಜ ಪರಿವರ್ತನಾ ಸಮುದಾಯದ ಈ ಹೋರಾಟವನ್ನು ಬೆಂಬಲಿಸುವಂತೆ ಕೇಳಿಕೊಳ್ಳಲಿದ್ದಾರೆ .

City Today News

(citytoday.media)

9341997936

ಕರ್ನಾಟಕ ರಾಜ್ಯ ಸರ್ಕಾರ ಕಳೆದ ಎರಡು ವರ್ಷಗಳ ಹಿಂದೆಯೇ ಎಲ್ಲಾ ಸರ್ಕಾರಿ ಕಚೇರಿಗಳಲ್ಲಿ ಜಗಜ್ಯೋತಿ ಬಸವಣ್ಣರವರ ಭಾವಚಿತ್ರವನ್ನು ಅಳವಡಿಸಲು ಅಧಿಕೃತ ಆದೇಶ ಹೊರಡಿಸಿದ್ದರೂ ಇದುವರೆಗೂ ಅದು ಕಾರ್ಯಗತವಾಗಿಲ್ಲ . ಹಾಗಾಗಿ ಮೇ 7ರಂದು ಆಚರಣೆಯಾಗುತ್ತಿರುವ ಬಸವಜಯಂತಿಗೂ ಮುನ್ನ ಎಲ್ಲ ಸರ್ಕಾರಿ ಕಚೇರಿಗಳಲ್ಲಿ ಬಸವಣ್ಣನವರ ಭಾವಚಿತ್ರವನ್ನು ಕಡ್ಡಾಯವಾಗಿ ಅಳವಡಿಸದಿದ್ದಲ್ಲಿ ವೀರಶೈವ ಲಿಂಗಾಯತ ಸಂಘಟನಾ ವೇದಿಕೆ ವತಿಯಿಂದ ಬೆಂಗಳೂರು ಸೇರಿದಂತೆ ರಾಜ್ಯವ್ಯಾಪಿ ಪ್ರತಿಭಟನೆ ನಡೆಸಲು ನಿರ್ಧರಿಸಲಾಗಿದೆ . ಜಗದ್ಗುರು ಬಸವಣ್ಣನವರು ಯಾವುದೇ ಒಂದು ಧರ್ಮ , ಜಾತಿ , ವರ್ಗಕ್ಕೆ ಸೀಮಿತವಾದವರಲ್ಲ . 12ನೇ ಶತಮಾನದಲ್ಲಿಯೇ ಜಾತೀಯತೆ , ಕಂದಾಚಾರದ ವಿರುದ್ದ ಹೋರಾಟ ರೂಪಿಸಿ ಯಶಸ್ವಿಯಾಗಿದ್ದರು . ಜತೆಗೆ ಸಾಮಾಜಿಕ , ಆರ್ಥಿಕ ಸಮಾನತೆಗಾಗಿ ಅವಿರತ ಶ್ರಮಿಸಿ ಸಾಮಾಜಿಕ ಸುಧಾರಣೆ ತಂದ ಹರಿಕಾರರು . ಅಂತಹ ಮಹಾನುಭಾವರ ಭಾವಚಿತ್ರವನ್ನು ಸರ್ಕಾರಿ ಕಚೇರಿಗಳಲ್ಲಿ ಅಳವಡಿಸಲು 21ನೇ ಶತಮಾನವೇ ಬರಬೇಕಾಯಿತು .

ಬಸವಣ್ಣನವರ ನಂಬಿದ್ದ ತತ್ವ – ಸಿದ್ದಾಂತ ಹಾಗೂ ಆದರ್ಶಗಳ ಅಳವಡಿಕೆ ಇಂದಿನ ದಿನಮಾನಗಳಲ್ಲಿ ಸಮಾಜಕ್ಕೆ ತುರ್ತು ಅಗತ್ಯ ಮತ್ತು ಅನಿವಾರ್ಯ ಎನಿಸಿದೆ. ರಾಜ್ಯದ ಮುಖ್ಯಮಂತ್ರಿಗಳಾಗಿದ್ದ ಸಿದ್ದರಾಮಯ್ಯ ಅವರು , ಕರ್ನಾಟಕದ ಎಲ್ಲಾ ಸರ್ಕಾರಿ ಕಚೇರಿಗಳಲ್ಲಿ ಬಸವಣ್ಣರವರ ಭಾವಚಿತ್ರ ಕಡ್ಡಾಯವಾಗಿ ಅಳವಡಿಸುವಂತೆ ನಿರ್ಧರಿಸಿ ಸಚಿವಸಂಪುಟ ನಿರ್ಣಯ ಕೈಗೊಂಡು 2017ರ ಏಪ್ರಿಲ್ 29 ರಂದು ಸರ್ಕಾರಿ ಆದೇಶ ಹೊರಡಿಸಿದ್ದರು . ಅಲ್ಲದೆ ಬಸವಣ್ಣನವರ ಭಾವಚಿತ್ರದ ಮಾದರಿಯನ್ನೂ ಸರ್ಕಾರವೇ ಅಂತಿಮಗೊಳಿಸಿತ್ತು .

ಇದಕ್ಕೆ ಸರ್ವರೂ ಸ್ವಾಗತಿಸಿ ಸರ್ಕಾರವನ್ನು ಪ್ರಶಂಶಿಸಿದ್ದರು , ವೀರಶೈವ ಲಿಂಗಾಯತ ಸಮುದಾಯ ಗೌರವ ಮತ್ತು ಹೆಮ್ಮೆಯಿಂದ ಇದನ್ನು ಸ್ವಾಗತಿಸಿತ್ತು . ತ್ವರಿತ ಅನುಷ್ಟಾನದ ಆಶಯವನ್ನೂ ಹೊಂದಿತ್ತು . ಆದರೆ ದುರಾದೃಷ್ಟವಶಾತ್ ಜಾರಿಗೊಳಿಸಿ 2 ವರ್ಷ ಕಳೆದಿದ್ದರೂ , ಇಲ್ಲಿಯವರೆಗೆ ಸರ್ಕಾರಿ ಕಚೇರಿಗಳಲ್ಲಿ ಭಾವಚಿತ್ರವನ್ನು ಅಳವಡಿಸದೆ ಬಸವಣ್ಣರವರಿಗೆ ಸರ್ಕಾರವೇ ಅಗೌರವ ತೋರಿದೆ . ಅಲ್ಲದೆ , ಸರ್ಕಾರಿ ಆದೇಶ ಜಾರಿಗೆ ತರುವಲ್ಲಿ ಆಡಳಿತಯಂತ್ರವೇ ವಿಫಲವಾಗಿದೆ . ಸರ್ಕಾರದ ಇಂತಹ ನಿರ್ಲಕ್ಷ್ಯ ಧೋರಣೆಯನ್ನು ವೀರಶೈವ ಲಿಂಗಾಯತ ಸಂಘಟನಾ ವೇದಿಕೆ ತೀವ್ರವಾಗಿ ಖಂಡಿಸುತ್ತದೆ . ಮೇ . 7ರಂದು ನಡೆಯಲಿರುವ ಬಸವ ಜಯಂತಿಯ ಒಳಗಾಗಿ , ರಾಜ್ಯದ ಎಲ್ಲ ಸರ್ಕಾರಿ ಕಚೇರಿಗಳಲ್ಲಿ ಭಾವಚಿತ್ರ ಅಳವಡಿಸಲು ಸರ್ಕಾರ ತುರ್ತು ಕ್ರಮ ಕೈಗೊಳ್ಳಬೇಕು . ಇಲ್ಲದಿದ್ದಲ್ಲಿ ಸಂಘಟನೆ ರಾಜ್ಯಾದ್ಯಂತ ಪ್ರತಿಭಟನೆ ಹಮ್ಮಿಕೊಳ್ಳಲಿದೆ ಎಂದು ಸಂಘಟನೆ ರಾಷ್ಟ್ರೀಯ ಅಧ್ಯಕ್ಷ ಪ್ರದೀಪ್ ಕಂಕಣವಾಡಿ ಎಚ್ಚರಿಸಿದ್ದಾರೆ .

-ಪ್ರದೀಪ ಕಂಕಣವಾಡಿ ರಾಷ್ಟ್ರೀಯ ಅಧ್ಯಕ್ಷರು

City Today News

(citytoday.media)

9341997936

ಕರಾಳ ಭೂಸ್ವಾಧೀನ ಕರ್ನಾಟಕ ತಿದ್ದುಪಡಿ ಮಸೂದೆ – 2019 ಪ್ರತಿಯನ್ನು ಸುಟ್ಟು 02 . 03 . 2019 ರಂದು ರಾಜ್ಯದಾದ್ಯಂತ ಪ್ರತಿಭಟನೆ ನಡೆಸಲು ಕರ್ನಾಟಕ ಪ್ರಾಂತ

ರೈತ ಸಂಘದ ಕರೆ ಸಂಗಾತಿಗಳೇ , ಕಳೆದ ಫೆಬ್ರವರಿ 06 – 14 , 2019 ರಂದು ನಡೆದ ವಿಧಾನ ಸಭಾ ಅಧಿವೇಶನದಲ್ಲಿ ಏನೊಂದು ಚರ್ಚೆ ಮಾಡದೇ , ದೊಡ್ಡ ಬಂಡವಾಳದಾರರು , ಬಹುರಾಷ್ಟ್ರೀಯ ಸಂಸ್ಥೆಗಳ ಲೂಟಿಗೆ ನೆರವಾಗುವ “ ಭೂ ಸ್ವಾಧೀನ , ಪುನರ್ವಸತಿ ಹಾಗೂ ಪುನರ್ ವ್ಯವಸ್ಥೆಯಲ್ಲಿ ನ್ಯಾಯಯುತ ಪರಿಹಾರ ಮತ್ತು ಪಾರದರ್ಶಕತೆ ಹಕ್ಕು ( ಕರ್ನಾಟಕ ತಿದ್ದುಪಡಿ ) ಮಸೂದೆ – 2019 ” ನ್ನು ಅಂಗೀಕರಿಸಿದೆ . – ಬಿಜೆಪಿಯ ದುಷ್ಕೃತ್ಯದಿಂದುಂಟಾದ ಪರಿಸ್ಥಿತಿಯನ್ನು ವಿಧಾನಸಭೆಯಲ್ಲಿ ದುರುಪಯೋಗ ಪಡಿಸಿಕೊಂಡು ಈ ಮಸೂದೆ ಅಂಗೀಕರಿಸಿದೆ . ರೈತರ ಮತ್ತು ರೈತ ಸಂಘಗಳ ಜೊತೆ ಚರ್ಚೆ ನಡೆಸುವ ಸೌಜನ್ಯವನ್ನು ಸರಕಾರ ತೋರಲಿಲ್ಲ . ಇದೊಂದು ರೈತ ವಿರೋಧಿಯಾದ ಕರಾಳ ತಿದ್ದುಪಡಿಯಾಗಿದೆ . ಇದು ರೈತರ ಜಮೀನುಗಳನ್ನು ಯಾವುದೇ ಒಪ್ಪಿಗೆಯಿಲ್ಲದೇ , ಭೂಸ್ವಾಧೀನ ದಿಂದ ಸಮಾಜ ಹಾಗೂ ಪರಿಸರದ ಮೇಲಾಗುವ ದುಷ್ಪರಿಣಾಮಗಳನ್ನಾಗಲೀ ಮತ್ತು ದೇಶದ , ರಾಜ್ಯದ ಆಹಾರ ಭದ್ರತೆ ಹಾಗೂ ಆಹಾರದ ಸ್ವಾವಲಂಬನೆಯ ಮೇಲಾಗುವ ದುಷ್ಪರಿಣಾಮಗಳನ್ನಾಗಲೀ ಪರಿಗಣಿಸದೇ , ಪುನರ್ವಸತಿ ಕ್ರಮಗಳನ್ನು ದುರ್ಬಲಗೊಳಿಸುವ ಹಾಗೂ ಬೇಕಾ ಬಿಟ್ಟೆ ದರಕ್ಕೆ ಸ್ವಾಧೀನ ಮಾಡುವ ದುರುದೇಶವನ್ನು ಹೊಂದಿದೆ . ಇದು ಈ ಹಿಂದೆ ಕೇಂದ್ರದ ನರೇಂದ್ರ ಮೋದಿ ಸರಕಾರ ಮೂರು ಬಾರಿ ಸುಗ್ರೀವಾಜ್ಞೆ ಮೂಲಕ ತಿದ್ದುಪಡಿ ಮಾಡಲು ಯತ್ನಿಸಿದುದ್ದರ ಪಡಿಯಚ್ಚಾಗಿದೆ . * ಕೇಂದ್ರ ಹಾಗೂ ರಾಜ್ಯ ಸರಕಾರಗಳು ಮೂಲ ಸೌಕರ್ಯದ ಹೆಸರಿನಲ್ಲಿ ಮತ್ತು ಕೈಗಾರಿಕಾ ಕಾರಿಡಾರ್ ಹೆಸರಿನಲ್ಲಿ ಕೋಟಿ ಕೋಟಿ ಎಕರೆ ಜಮೀನುಗಳನ್ನು ಸ್ವಾಧೀನ ಪಡಿಸಿಕೊಳ್ಳಲು ಮುಂದಾಗಲಿರುವ ಈ ಸಂದರ್ಭದಲ್ಲಿ ಇಂತಹ ಕಾಯೆಗಳ ಪರಿಣಾಮವು ವ್ಯಾಪಕವಾಗಿರಲಿದೆ . ಆದರಿಂದ ರೈತ ವಿರೋಧಿ ಈ ತಿದ್ದುಪಡಿ ಕಾಯ್ದೆಯನ್ನು ತಕ್ಷಣವೇ ವಾಪಾಸು ಪಡೆಯುವಂತೆ ಒತ್ತಾಯಿಸಿ ರಾಜ್ಯದಾದ್ಯಂತ ಎಲ್ಲಾ ತಾಲೂಕಾ ಕೇಂದ್ರಗಳಲ್ಲಿ ಸದರಿ ಕರಾಳ ತಿದ್ದುಪಡಿ ಕಾಯ್ದೆಯ ಪ್ರತಿಯನ್ನು ಸುಡುವ ಮೂಲಕ 02 . 03 . 2019 ರಂದು ಪ್ರತಿಭಟನೆ ನಡೆಸಿ , ಮಾನ್ಯ ರಾಜ್ಯಪಾಲರಿಗೆ ಮನವಿ ಸಲ್ಲಿಸಲು ಕರ್ನಾಟಕ ಪ್ರಾಂತ ರೈತ ಸಂಘದ ರಾಜ ಸಮಿತಿ , ಎಲ್ಲಾ ಜಿಲ್ಲಾ ಹಾಗೂ ತಾಲೂಕಾ ಘಟಕಗಳಿಗೆ ಮತ್ತು ರಾಜ್ಯ ರೈತರಿಗೆ ಕರೆ ನೀಡುತ್ತದೆ , ಆ ಪಕಾತೀತವಾದ ಹೋರಾಟದಲ್ಲಿ ರಾಜ್ಯದ ರೈತರು ಹಾಗೂ ನಾಗರೀಕ ಬಂಧುಗಳು ದೊಡ್ಡ ರೀತಿಯಲಿ ಭಾಗವಹಿಸಬೇಕೆಂದು ಕೋರುತ್ತೇವೆ .

–ಕರ್ನಾಟಕ ಪ್ರಾಂತ ರೈತ ಸಂಘ ರಾಜ್ಯ ಸಮಿತಿ , ಬೆಂಗಳೂರು ,

City Today News

(citytoday.media)

9341997936

ದಿನಾಂಕ 25 / 02 / 2019ರ

ಪೂಜಾವಾಣಿ ಪ್ರಕಟಣೆಯನ್ನು ಆಧರಿಸಿ ಭೂ ಸ್ವಾಧೀನ ತಿದ್ದುಪಡಿ ಮಸೂದೆ 2019 ಕ್ಕೆ ಕರ್ನಾಟಕ ರಾಜ್ಯ ಸರ್ಕಾರವು ಅನುಮೋದನೆ ಪಡೆದಿದ್ದು ರಾಜೀಪಾಲರ ಅಂಗಿಕಾರಬಾಕಿ ಇದೆ . ರಾಜ್ಯಪಾಲರ ಅಂಕಿತ ಬಿದ್ದ ತಕ್ಷಣ ಜಾರಿಗೆ ಬರುತ್ತದೆ . ಈ ಕಾಯ್ದೆಯಿಂದಾಗಿ ಸರ್ಕಾರದ ಯೋಜನೆಗೆ ಭೂಮಿ ಕಳೆದುಕೊಳ್ಳುವ ರೈತರ ಬದುಕು ಮೂರ ಬಟ್ಟೆಯಾಗಿರುತ್ತದೆ .

ಕಾಯೆಯ ಉದ್ದೇಶ –

ಸರ್ಕಾರದ ಯೋಜನೆಗಳಿಗೆ ಭೂಮಿಯನ್ನು ಕಳೆದುಕೊಳ್ಳುವ ರೈತರ ಪುನರ್ವಸತಿ ಮತ್ತು ಅವರ ಪುನರ್‌ಸ್ಥಾಪನೆಯಾಗಿರುತ್ತದೆ . ಆದರೆ 2019ರ ಈ ಕಾಯ್ದೆ ಜಾರಿಗೆ ಬಂದರೆ ರೈತ ಪುನರ್‌ಸ್ಥಾಪನೆಯಾಗುವ ಬದಲು ರೈತನ ಬದುಕು ಬೀದಿಗೆ ಬರುತ್ತದೆ .

ಈ ಹಿಂದೆ ಬ್ರಿಟಿಷರ 1838 ರ ಲ್ಯಾಂಡ್ ಅಕ್ಲೀಜೆಷನ್ ಆಕ್ಸ್ ಪ್ರಕಾರ ಭೂಮಿಯನು ವಶಪಡಿಸಿಕೊಂಡು ಕಿಲುಬು ಕಾಸಿನ ಪರಿಹಾರವನ್ನು ನೀಡುತ್ತಿದ್ದ ಪರಿಸ್ಥಿತಿ ಇದ್ದಂತ ಸಮಯದಲ್ಲಿ 2014 ರಲ್ಲಿ ಯು . ಪಿ . ಎ ಸರ್ಕಾರವು ಕೇಂದ್ರದಲ್ಲಿ ಲ್ಯಾಂಡ್ ಅಕ್ಲೀಜೆಷನ್ ಬಿಲ್ಲನ್ನು ತಂದು ರೈತರಿಗೆ ಅನುಕೂಲವಾಗುವ ರೀತಿಯಲ್ಲಿ ಕಾಯ್ದೆ ರೂಪಿಸಿದರು . 2015 ರಲ್ಲ ಎನ್ . ಡಿ . ಎ ಸರ್ಕಾರವು ಈ ಕಾಯ್ದೆಗೆ ತಿದ್ದುಪಡಿಸಲು ಹೊರಟಾಗ ವಿರೋದ ಪಕ್ಷಗಳು ಇದನ್ನು ಪ್ರಬಲವಾಗಿ ವಿರೋಧಿಸಿದವು .

ಕರ್ನಾಟಕದಲ್ಲಿ ರೈತಪರ ಸರ್ಕಾರವೆಂದು ಹೇಳಿಕೊಂಡು ನಾವು ಮಣ್ಣಿನ ಮಕ್ಕಳೆಂದು ರೈತರ ಭೂಮಿಯಲ್ಲಿ ಪ್ರಚಾರಕ್ಕೋಸ್ಕರ ಪೈರು ನಾಟಿಮಾಡಿ ಪೋಸ್ ಕೊಡುವ ಮುಖ್ಯಮಂತ್ರಿಗಳು 2019 ರ ಭೂಸ್ವಾಧೀನ ತಿದ್ದುಪಡಿ ಮಸೂದೆಯನ್ನು ಜಾರಿಗೆ ತಂದು ನಿಜವಾದ ಮಣ್ಣಿನ ಮಕ್ಕಳನ್ನು ಗುಂಡಿಯಲ್ಲಿ ಹಾಕಿ ಗೋರಿ ಕಟ್ಟುವಂತಹ ಕೆಲಸಕ್ಕೆ ಮುಂದಾಗಿದ್ದಾರೆ . ಈ ಮಸೂದೆಯಲ್ಲಿ ಕಾಲ೦ 15 ( ಎ ) ಯನ್ನು ಸೇರಿಸಲಾಗಿದ್ದು ಇದರಿಂದ ಕೇವಲ ರಿಯಲ್ ಎಸ್ಟೇಟ್ ಕುಳಗಳಗೆ ಅನುಕೂಲವಾಗುವ ದುರುದ್ದೇಶ ಹೊಂದಿದೆ .

ಅಲ್ಲದೇ ರೈತರಿಗೆ ನೀಡುವ ಪರಿಹಾರದಲ್ಲಿ ಕಾಲಂ 23 ( ಎ ) ಯನ್ನು ಸೇರಿಸಿ ರೈತರಿಗೆ ಬಾರಿ ಅನ್ಯಾಯವನ್ನು ಎಸಗಿದ್ದಾರೆ , ರೈತನಿಗೆ ವ್ಯವಸಾಯದ ಹೊರತು ಬೇರೆ ಕೆಲಸ ಗೊತ್ತಿಲ್ಲದೇ ಇರುವುದರಿಂದ ಅವನು ಮತ್ತೆ ಭೂಮಿಯನ್ನು ಕೊಳ್ಳಬೇಕಾಗುತ್ತದೆ . ಅದರೆ ಭೂಮಿಯ ಬೆಲೆ ಗಗನಕ್ಕೇರಿರುವುದರಿಂದ ಇವರ ಘೋಷಣೆ ಮಾಡಲಿರುವ ಪರಿಹಾರದಲ್ಲಿ ಭೂಮಿ ಕೊಳ್ಳುವುದು ಕಷ್ಟ ಸಾಧ್ಯವಾಗಿದೆ . ಏಕೆಂದರೆ ಭೂಮಿಯ ನೋಂದಣಾದರಕ್ಕೂ ನಿಜ ಮಾರುಕಟ್ಟೆ ಬೆಲೆಗೂ ಭಾರಿ ವ್ಯತ್ಯಾಸವಿರುವುದು ಈ ಕಾಯ್ದೆ ರೂಪಿಸಿರುವಂತಹ ನಮ್ಮನ್ನ ಆಳುವವರಿಗೂ ತಿಳಿದಿದೆ . ಎಕೆಂದರೆ ಅನೇಕ ರಾಜಕಾರಣಿಗಳು ರಿಯಲ್ ಎಸ್ಟೇಟ್ ದಂದೆಗಳನ್ನು ನಡೆಸುವಂತಹವರೆ ಆಗಿದ್ದಾರೆ .

ಆನೇಕಲ್ ತಾಲ್ಲೂಕಿನ ಸೂರ್ಯನಗರ 4ನೇ ಹಂತಕ್ಕೆ ಕರ್ನಾಟಕ ಗೃಹಮಂಡಳಿಯು ಭೂಸ್ವಾಧೀನ ಪ್ರಕ್ರಿಯೆಯನ್ನು 2013 ರಲ್ಲಿ ಹೊರಡಿಸಿದ್ದು ಆ ಲಾಗಾಯ್ತಿನಿಂದ ಈವರೆವಿಗೂ ನೋಂದಣಾಶುಲ್ಕವನ್ನು ಸರಿಯಾದ ರೀತಿಯಲ್ಲಿ ನಿಗದಿ ಪಡಿಸಿರುವುದಿಲ್ಲ . ಅಂತಹದರಲ್ಲಿ ಕಸಬಾ ಹೋಬಳಿಯ ಇಂಢವಾಡಿ , ಬಗ್ಗನದೊಡ್ಡಿ , ಜಿಗಣಿ ಹೋಬಳಿಯ ಕಾಡುಜಕ್ಕನಹಳ್ಳಿ , ಬೊಮ್ಯಂಡಹಳ್ಳಿ , ಕೋನಸಂದ್ರ ಗ್ರಾಮಗಳ ಒಟ್ಟು 1938 ಎಕರೆ 13 ಗುಂಟೆ ಜಮೀನನ್ನು ವಶಪಡಿಸಿಕೊಂಡು ರೈತರ ಪರಿಸ್ಥಿತಿಯನ್ನು ತ್ರಿಶಂಕು ಸ್ಥಿತಿಯಲ್ಲಿ ಇದುವರೆವಿಗೂ ನಿಲ್ಲಿಸಿದ್ದರು . ಆದರೆ ಈಗ ಇದ್ದಕ್ಕಿದ್ದಂತೆ ಮಾನ್ಯ ಕುಮಾರಸ್ವಾಮಿಯವರ ಕಿಚಡಿ ಸರ್ಕಾರವು ಭೂಸ್ವಾಧೀನ ಕಾಯ್ದೆಗೆ ತಿದ್ದುಪಡಿ ತಂದು ರೈತರನ್ನು ನೇತು ಹಾಕಿ ಜೀವಂತವಾಗಿ ಚರ್ಮ ಸುಲಿಯಲು ಮುಂದಾಗಿದ್ದಾರೆ . ಈ ಐದು ಗ್ರಾಮಗಳ ಸುತ್ತಮುತ್ತಲ ಭೂಮಿಯ ಬೆಲೆ ಎಕರೆ ಒಂದಕ್ಕೆ 1 . 5 ಕೋಟಿಗೂ ಅಧಿಕವಾಗಿದ್ದು . ಆದರೆ ನೋಂದಣಾ ಮಾರ್ಗ ಸೂಚಿ ಬೆಲೆಯು ಕೇವಲ 18 ಲಕ್ಷದಿಂದ 50 ಲಕ್ಷದ ಅಸುಪಾಸಿನಲ್ಲಿದೆ . ಇದರಿಂದಾಗಿ ರೈತರಿಗೆ ಬಾರಿ ಅನ್ಯಾಯವಾಗುತ್ತದೆ , ಅದ್ದರಿಂದ 2019ರ ಈ ಕಾಯ್ದೆಯನ್ನು ವಾಪಸ್ಸು ಪಡೆಯಬೇಕೆಂದು ಈ ಮೂಲಕ ಆಗ್ರಹಿಸುತ್ತಿದ್ದೇವೆ . ಇಲ್ಲದೇ ಇರುವ ಪಕ್ಷದಲ್ಲಿ ರಾಜ್ಯಾದ್ಯಂತ ರೈತರ ಹೋರಾಟ ಪ್ರಾರಂಭಿಸಬೇಕಾಗುತ್ತದೆ .

ಹಕ್ಕೊತ್ತಾಯಗಳು

1 , ಕರ್ನಾಟಕ ಭೂಸ್ವಾಧೀನ ತಿದ್ದುಪಡಿ ಮಸೂದೆ 2019ನ್ನು ವಾಪಸ್ಸು ಪಡೆಯಬೇಕು . ರೈತರಿಗೆ 2014 ರ ಯು . ಪಿ . ಎ ಸರ್ಕಾರದ ಮಸೂದೆಯ ಪ್ರಕಾರ ಪರಿಹಾರ ನೀಡಬೇಕು .

2 . ಆನೇಕಲ್ ತಾಲ್ಲೂಕಿನ ಸೂರ್ಯನಗರದ 4ನೇ ಹಂತಕ್ಕೆ 2013ರಲ್ಲಿ ಸ್ವಾಧೀನಪಡಿಸಿಕೊಂಡು ಇಲ್ಲಿಯವರೆಗೂ ನೆನೆಗುದಿಗೆ ಬಿದಿದ್ದ ಯೋಜನೆಗೆ ತ್ವರಿತಗತಿಯಲ್ಲಿ ಚಾಲನೆಕೊಟ್ಟು ಈಗಿನ ಮಾರುಕಟ್ಟೆ ದರದಲ್ಲಿ ನಾಲ್ಕು ಪಟ್ಟು ಪರಿಹಾರವನ್ನು ನೀಡಬೇಕು .

3 , ಜಂಟಿ ಅಭಿವೃದ್ದಿಗೆ ಭೂಮಿ ನೀಡುವ ರೈತರುಗಳಿಗೆ ಶೇ 50ರ ದರದಲ್ಲಿ ಅಭಿವೃದ್ಧಿ ಪಡಿಸಿದ ನಿವೇಶನಗಳನ್ನು ನೀಡುವುದಲ್ಲದೇ ಯೋಜನೆಯನ್ನು ನಿಗದಿತ ಸಮಯದಲ್ಲಿ ಮುಗಿಸುವಂತಹ ಒಂದು ಅಶ್ವಾಸನೆಯನ್ನ ನೀಡುವಂತೆ ಕ್ರಮವಹಿಸುವುದು ತಪ್ಪಿದಲ್ಲಿ ಅದಕ್ಕೆ ನಷ್ಟ ಪರಿಹಾರ ಕೊಡಬೇಕು .

City Today News

(citytoday.media)

9341997936

ದಿನಾಂಕ : 14 – 02 – 2019

ಅಖಿಲ ಭಾರತ ಪರಿಶಿಷ್ಟ ಜಾತಿ , ಪಂಗಡ , ಹಿಂದುಳಿದ ಮತ್ತು ಅಲ್ಪಸಂಖ್ಯಾತ , ಕಾರ್ಮಿಕ ಕಲ್ಯಾಣಗಳ ಒಕ್ಕೂಟ , ನವದೆಹಲಿ , ದಿನಾಂಕ : 31 03 – 2019 ರಂದು ಮದ್ಯಾಹ್ನ ನವದೆಹಲಿಯ ಜೆಂತರ್ ಮಂತರ್ ನಲ್ಲ ಮಧ್ಯಾಹ್ನ : 3 ಗಂಟೆಯಿಂದ ಪ್ರತಿಭಟನ ಧರಣಿ ಏರ್ಪಡಿಸಲಾಗಿದೆ . ರಾಷ್ಟ್ರೀಯ ಅಧ್ಯಕ್ಷರಾದ ಶ್ರೀ ಆರ್ . ಎನ್ . ಚಂಡೋಲಿಯ , ಮಹಾಪ್ರಧಾನ ಕಾರ್ಯದರ್ಶಿ , ಕೆ . ನಾಗೇಶ್ವರ ರಾವ್ , ಕೋಷಾಧ್ಯಕ್ಷ , ಎಂ . ಎಸ್ . ಮೀನ ರವರು ದರಣಿಗೆ ಕಾರ್ಯಕರ್ತರನ್ನು ಸಂಘಟಿಸಲು ರಾಷ್ಟ್ರಾಧ್ಯಾಂತ ಎಲ್ಲಾ ರಾಜ್ಯಗಳಲ್ಲಿ ಜನರನ್ನು ದರಣಿಗೆ ಅಣಿಯಾಗುವಂತೆ ಆಹ್ವಾನಿಸಲು ಬಂದಿದ್ದಾರೆ .

ದೇಶಾಧ್ಯಾಂತ ಪರಿಶಿಷ್ಟ ಜಾತಿ , ಪರಿಶಿಷ್ಠ ವರ್ಗದ ಜನರ ಮೇಲೆ ಮಿತಿಮೀರಿದ ದೌರ್ಜನ್ಯಗಳು ಅಲ್ಪಸಂಖ್ಯಾತ ಮುಸ್ಲಿಮರನ್ನು ಗೋಹತ್ಯ ನೆಪದಲ್ಲಿ ಕೊಲೆ , ದೌರ್ಜನ್ಯ , ಎಸಗುತ್ತಿದ್ದಾರೆ . ಯಾರ ಮೇಲು ಕಠಿಣ ಕ್ರಮ ಕೈಗೊಳ್ಳದಿರುವುದು ವಿಷಾದನೀಯ . ವರ್ಷಕ್ಕೆ ಒಂದು ಕೋಟಿ ಉದ್ಯೋಗ್ಯದ ಭರವಸೆ ಇಡೇರಿಸುವಲ್ಲಿ ವಿಫಲರಾಗಿ ಇಂದು ಪಿ . ಹೆಚ್ . ಡಿ ಮಾಡಿರುವ ಯುವಕ 2ನೇ ದರ್ಜೆ ಕೆಲಕಾಗಿ ಅರ್ಜಿ ಹಾಕುವುದು ಅಮಾನವೀಯ . ಯುವಕರಿಗೆ ಬಡ್ಲೆಟ್‌ನಲ್ಲಿ ಯಾವುದೇ ಬರವಸೆ ನೀಡದಿರುವುದು , 10 ಉದ್ಯೋಗ ಪ್ರಕಟಿಸಿದರೆ 50 ಸಾವಿರ ಅರ್ಜಿಗಳು ಬರುತ್ತಿರುವುದು ಉದ್ಯೋಗಕ್ಕಾಗಿ ಕಾತರಿಸುತ್ತಿರುವ ಯುವಕರ ಹತಾಶಭಾವನೆ ಎತ್ತಿ ತೋರಿಸುತ್ತದೆ .

ದರಣಿಯ ಉದ್ದೇಶಗಳನ್ನು ಮಹಾ ಪ್ರಧಾನ ಕಾರ್ಯದರ್ಶಿ ನಿಮಗೆ ವಿವರವಾಗಿ ತಿಳಿಸುತ್ತಾರೆ . ಕರ್ನಾಟಕ ರಾಜ್ಯದಿಂದ ಒಂದು ಸಾವಿರ ಕಾರ್ಯಕರ್ತರು ದರಣಿಯಲ್ಲಿ ಪಾಲ್ಗೊಳ್ಳಲಿದ್ದಾರೆ ದರಣಿಯ ನಂತರ ಅಹವಾಲನ್ನು ಪ್ರಧಾನ ಮಂತ್ರಿ , ರಾಷ್ಟ್ರಪತಿಗಳಿಗೆ ಅರ್ಪಿಸಲಿದ್ದಾರೆ .

City Today News

(citytoday.media)

9341997936