ದೇಶಾಧ್ಯಾಂತ ಪರಿಶಿಷ್ಟ ಜಾತಿ , ಪರಿಶಿಷ್ಠ ವರ್ಗದ ಜನರ ಮೇಲೆ ಮಿತಿಮೀರಿದ ದೌರ್ಜನ್ಯಗಳು ಅಲ್ಪಸಂಖ್ಯಾತ ಮುಸ್ಲಿಮರನ್ನು ಗೋಹತ್ಯ ನೆಪದಲ್ಲಿ ಕೊಲೆ , ದೌರ್ಜನ್ಯ

Posted on by City Today News (City today.media)

ದಿನಾಂಕ : 14 – 02 – 2019

ಅಖಿಲ ಭಾರತ ಪರಿಶಿಷ್ಟ ಜಾತಿ , ಪಂಗಡ , ಹಿಂದುಳಿದ ಮತ್ತು ಅಲ್ಪಸಂಖ್ಯಾತ , ಕಾರ್ಮಿಕ ಕಲ್ಯಾಣಗಳ ಒಕ್ಕೂಟ , ನವದೆಹಲಿ , ದಿನಾಂಕ : 31 03 – 2019 ರಂದು ಮದ್ಯಾಹ್ನ ನವದೆಹಲಿಯ ಜೆಂತರ್ ಮಂತರ್ ನಲ್ಲ ಮಧ್ಯಾಹ್ನ : 3 ಗಂಟೆಯಿಂದ ಪ್ರತಿಭಟನ ಧರಣಿ ಏರ್ಪಡಿಸಲಾಗಿದೆ . ರಾಷ್ಟ್ರೀಯ ಅಧ್ಯಕ್ಷರಾದ ಶ್ರೀ ಆರ್ . ಎನ್ . ಚಂಡೋಲಿಯ , ಮಹಾಪ್ರಧಾನ ಕಾರ್ಯದರ್ಶಿ , ಕೆ . ನಾಗೇಶ್ವರ ರಾವ್ , ಕೋಷಾಧ್ಯಕ್ಷ , ಎಂ . ಎಸ್ . ಮೀನ ರವರು ದರಣಿಗೆ ಕಾರ್ಯಕರ್ತರನ್ನು ಸಂಘಟಿಸಲು ರಾಷ್ಟ್ರಾಧ್ಯಾಂತ ಎಲ್ಲಾ ರಾಜ್ಯಗಳಲ್ಲಿ ಜನರನ್ನು ದರಣಿಗೆ ಅಣಿಯಾಗುವಂತೆ ಆಹ್ವಾನಿಸಲು ಬಂದಿದ್ದಾರೆ .

ದೇಶಾಧ್ಯಾಂತ ಪರಿಶಿಷ್ಟ ಜಾತಿ , ಪರಿಶಿಷ್ಠ ವರ್ಗದ ಜನರ ಮೇಲೆ ಮಿತಿಮೀರಿದ ದೌರ್ಜನ್ಯಗಳು ಅಲ್ಪಸಂಖ್ಯಾತ ಮುಸ್ಲಿಮರನ್ನು ಗೋಹತ್ಯ ನೆಪದಲ್ಲಿ ಕೊಲೆ , ದೌರ್ಜನ್ಯ , ಎಸಗುತ್ತಿದ್ದಾರೆ . ಯಾರ ಮೇಲು ಕಠಿಣ ಕ್ರಮ ಕೈಗೊಳ್ಳದಿರುವುದು ವಿಷಾದನೀಯ . ವರ್ಷಕ್ಕೆ ಒಂದು ಕೋಟಿ ಉದ್ಯೋಗ್ಯದ ಭರವಸೆ ಇಡೇರಿಸುವಲ್ಲಿ ವಿಫಲರಾಗಿ ಇಂದು ಪಿ . ಹೆಚ್ . ಡಿ ಮಾಡಿರುವ ಯುವಕ 2ನೇ ದರ್ಜೆ ಕೆಲಕಾಗಿ ಅರ್ಜಿ ಹಾಕುವುದು ಅಮಾನವೀಯ . ಯುವಕರಿಗೆ ಬಡ್ಲೆಟ್‌ನಲ್ಲಿ ಯಾವುದೇ ಬರವಸೆ ನೀಡದಿರುವುದು , 10 ಉದ್ಯೋಗ ಪ್ರಕಟಿಸಿದರೆ 50 ಸಾವಿರ ಅರ್ಜಿಗಳು ಬರುತ್ತಿರುವುದು ಉದ್ಯೋಗಕ್ಕಾಗಿ ಕಾತರಿಸುತ್ತಿರುವ ಯುವಕರ ಹತಾಶಭಾವನೆ ಎತ್ತಿ ತೋರಿಸುತ್ತದೆ .

ದರಣಿಯ ಉದ್ದೇಶಗಳನ್ನು ಮಹಾ ಪ್ರಧಾನ ಕಾರ್ಯದರ್ಶಿ ನಿಮಗೆ ವಿವರವಾಗಿ ತಿಳಿಸುತ್ತಾರೆ . ಕರ್ನಾಟಕ ರಾಜ್ಯದಿಂದ ಒಂದು ಸಾವಿರ ಕಾರ್ಯಕರ್ತರು ದರಣಿಯಲ್ಲಿ ಪಾಲ್ಗೊಳ್ಳಲಿದ್ದಾರೆ ದರಣಿಯ ನಂತರ ಅಹವಾಲನ್ನು ಪ್ರಧಾನ ಮಂತ್ರಿ , ರಾಷ್ಟ್ರಪತಿಗಳಿಗೆ ಅರ್ಪಿಸಲಿದ್ದಾರೆ .

City Today News

(citytoday.media)

9341997936

” 33ನೇ ವರ್ಷದ ವಾರ್ಷಿಕೋತ್ಸವ ಮತ್ತು ರಾಜ್ಯ ಸರ್ಕಾರಕ್ಕೆ ಪಡಿತರ ವಿತಕರಿಂದ ಕೃತಜ್ಞತಾ ಸಮರ್ಪಣಾ ಸಮಾರಂಭ ಹಾಗೂ ರಾಜ್ಯ ಮಟ್ಟದ ಸಮ್ಮೇಳನ

Posted on by City Today News (City today.media)

ಸರ್ಕಾರಿ ಪಡಿತರ ವಿತರಕರ ” 33ನೇ ವರ್ಷದ ವಾರ್ಷಿಕೋತ್ಸವ ಮತ್ತು ರಾಜ್ಯ ಸರ್ಕಾರಕ್ಕೆ ಪಡಿತರ ವಿತಕರಿಂದ ಕೃತಜ್ಞತಾ ಸಮರ್ಪಣಾ ಸಮಾರಂಭ ಹಾಗೂ ರಾಜ್ಯ ಮಟ್ಟದ ಸಮ್ಮೇಳನ ದಿನಾಂಕ 16 – 02 – 2019ರ ಶನಿವಾರ ಸಮಯ : 10 – 30 ಗಂಟೆಗೆ ಸ್ಥಳ : ಫ್ರೀಡಂ ಪಾರ್ಕ್ ( ಸ್ವತಂತ್ರ್ಯ ಉದ್ಯಾನವನ ) , ಬೆಂಗಳೂರು . ಮಾನ್ಯ ನ್ಯಾಯಬೆಲೆ ಅಂಗಡಿ ಮಾಲೀಕರು , ವಿ . ಎಸ್ . ಎಸ್ . ಎನ್ . ಕಾರ್ಯದರ್ಶಿಗಳು ಹಾಗೂ ಸೀಮೆ ಎಣ್ಣೆ ವಿತರಕ ರವರೇ . . ರಾಜ್ಯಾದ್ಯಂತ ಎಲ್ಲಾ ಪಡಿತರ ವಿತರಕರು , ಸೀಮೆ ಎಣ್ಣೆ ವಿತರಕರು , ಅಮಾಲಿ ( ಕಾರ್ಮಿಕರು ) ಮತ್ತು ಲಾರಿ ಮಾಲೀಕರು ಭಾಗವಹಿಸಿ ತಮ್ಮ ಈ ಕೆಳಕಂಡ ನ್ಯಾಯಯುತ ಬೇಡಿಕೆಗಳನ್ನು ಈಡೇರಿಸಲು ಸಕ್ರಿಯವಾಗಿ ಈ ಸಮಾವೇಶಕ್ಕೆ ಪಡಿತರ ವಿತರಕರು ಆಗಮಿಸಿ ಸಮಾವೇಶವನ್ನು ಯಶಸ್ವಿಗೊಳಿಸತಕ್ಕದ್ದು . 1 ) ರಾಜ್ಯ ಸರ್ಕಾರಿ ಪಡಿತರ ವಿತರಕರ ಪ್ರಮುಖ ಬೇಡಿಕೆಗಳನ್ನು ಈಡೇರಿಸಲು ಸರ್ಕಾರಕ್ಕೆ ಮನವಿ ಮಾಡುವುದು 2 ) ಸೆಪ್ಟೆಂಬರ್ 25 , 2018 ರಂದು ನವ ದೆಹಲಿ , ಜಂತರ್ ಮಂತರ್‌ನಲ್ಲಿ ನಡೆದ ಪ್ರತಿಭಟನೆಯಲ್ಲಿ ಕೇಂದ್ರ ಸರ್ಕಾರಕ್ಕೆ ಕಿಂಟಾಲ್‌ಗೆ 250 ರೂ . ಕಮೀಷನ್ ನೀಡಲು ಒತ್ತಾಯಿಸಲಾಯಿತು . 3 ) ಸಗಟು ಮಳಿಗೆಗಳಿಗೆ ಎಲೆಕ್ಟ್ರಾನಿಕ್ ಬಯೋ ಮೆಟ್ರಿಕ್ ಯಂತ್ರಗಳನ್ನು ಅಳವಡಿಸಿ ಸರಿಯಾದ ತೂಕವನ್ನು ಕೊಡಿಸುವುದು . 4 ) ನ್ಯಾಯಬೆಲೆ ಅಂಗಡಿ ಮಾಲೀಕರು ಮೃತ ಪಟ್ಟರೆ ಅವರ ಕುಟುಂಬದವರಿಗೆ ಪ್ರಾಧಿಕಾರ ನೀಡುವುದು . 5 ) ಬೇರೆ ರಾಜ್ಯಗಳಲ್ಲಿ ಕೊಡುತ್ತಿರುವ ಕಮೀಷನ್‌ನ್ನು ನಮ್ಮ ರಾಜ್ಯದಲ್ಲೂ ಕೊಡಿಸಿಕೊಡಬೇಕಾಗಿ ಮನವಿ .

ಉದ್ಘಾಟನೆ:

ಹೆಚ್ . ಡಿ . ಕುಮಾರಸ್ವಾಮಿರವರು , ಸನ್ಮಾನ್ಯ ಮುಖ್ಯಮಂತ್ರಿಗಳು

ಮುಖ್ಯ ಅತಿಥಿಗಳು:

ಸನ್ಮಾನಶ್ರೀ ರಾಮವಿಲಾಸ್ ಪಾಸ್ವಾನ್‌ರವರು

ಕೇಂದ್ರ ಸಚಿವರು , ಆಹಾರ ಮತ್ತು ಗ್ರಾಹಕರ ವ್ಯವಹಾರ

City Today News

(citytoday.media)

9341997936

ನಾಡಪ್ರಭು ಕೆಂಪೇಗೌಡರ 2ನೇ ಅಂತರಾಷ್ಟ್ರೀಯ ಉತ್ಸವ “ಕನ್ನಡೋತ್ಸವ 2019”

Posted on by City Today News (City today.media)

ನಾಡಪ್ರಭು ಕೆಂಪೇಗೌಡ ( ಕ್ರಿ . ಶ . 1515 – 1569 ) ಭವ್ಯ ಭಾರತದಲ್ಲಿ ಕರ್ನಾಟಕದ ಬೆಂಗಳೂರು ನಗರಕ್ಕೆ ವಿಶೇಷ ಸ್ಥಾನಮಾನವಿದೆ . ಉದ್ಯಾನ ನಗರಿ , ಹವಾನಿಯಂತ್ರಿತ ನಗರ , ವಿಶ್ವದ ಮಾಹಿತಿ ತಂತ್ರಜ್ಞಾನ ಕೇಂದ್ರ , ಸರ್ವಧರ್ಮಗಳ ಸಮನ್ವಯ ನಗರ , ಹೀಗೆ ಹಲವಾರು ವಿಶೇಷಣಗಳನೊಳಗೊಂಡಿದೆ .

ನಮ್ಮ ಈ ನಗರ , ಧರ್ಮಪ್ರಭು ಎಂದೇ ಹೆಸರಾದ ನಾಡಪ್ರಭು ಕೆಂಪೇಗೌಡರಿಂದ 16ನೇ ಶತಮಾನದಲ್ಲಿ ನಿರ್ಮಾಣವಾಯಿತು ಎಂಬುದು ಹೆಮ್ಮೆಯ ಇತಿಹಾಸ , ಕಿರೀಟಪ್ರಾಯವಾದ ಈ ಸುಂದರ ನಗರದ ನಿರ್ಮಾಪಕ ಪ್ರಾತಃ ಸ್ಮರಣೀಯರು ! ಕಳೆದ ಐದು ಶತಮಾನಗಳಿಂದ “ ಬೆಂದಕಾಳೂರು – ಬೆಂಗಳೂರು ‘ ನಗರವಾಗಿ ಪರಿವರ್ತಿತಗೊಂಡು ವಿಶ್ವದ ಭೂಪಟದಲ್ಲಿ ವಿಶಿಷ್ಟ ಸ್ಥಾನ – ಮಾನ ಪಡೆದಿದೆ .

ರಾಷ್ಟ್ರಕವಿಗಳು ನುಡಿದಂತೆ “ ಸರ್ವಜನಾಂಗದ ಶಾಂತಿಯ ತೋಟ ‘ ವಾಗಿರುವ ಬೆಂಗಳೂರು ನಗರದ ನಿರ್ಮಾಪಕನಿಗೆ ರಾಷ್ಟ್ರದ ರಾಜಧಾನಿ “ ನವದೆಹಲಿಯಲ್ಲಿ ನಾಡಿನ ಪರಮಪೂಜ್ಯ ಮಠಾಧೀಶರುಗಳ ಸಮ್ಮುಖದಲ್ಲಿ , ನೇತಾರರು , ಸಾಹಿತಿಗಳು , ದೇಶ – ವಿದೇಶದ ಕನ್ನಡಿಗರು , ಕಲಾವಿದರು ಹಾಗೂ ರಾಜ್ಯದ ಸಹಸ್ರಾರು ಪ್ರತಿನಿಧಿಗಳ ಸಮಕ್ಷಮದಲ್ಲಿ ಗೌರವಾರ್ಪಣೆಯ ಸಂಭ್ರಮ .

City Today News

(citytoday.media)

9341997936

ಪ್ರವಾಸಿ ಜಾನಪದ ಲೋಕೋತ್ಸವ – 2019

Posted on by City Today News (City today.media)

ಕನ್ನಡ ನಾಡಿನ ಜಾನಪದ ಪರಂಪರೆಯ ಸಂವರ್ಧನೆ , ಸಂರಕ್ಷಣೆ , ಪ್ರಸರಣ , ದಾಖಲಾತಿ ಮತ್ತು ಪ್ರಚಾರಗಳನ್ನು ಪ್ರಧಾನ ಆಶಯಗಳನ್ನಾಗಿರಿಸಿಕೊಂಡು ವಿಶ್ರಾಂತ ಐ . ಎ . ಎಸ್ ಅಧಿಕಾರಿ ಮತ್ತು ನಾಡಿನ ಉತ್ಕೃಷ್ಟ ಸೃಜನಶೀಲ ಲೇಖಕರು ಜಾನಪದ ತಜ್ಞರೂ ಆದ ನಾಡೋಜ ಶ್ರೀ ಎಚ್ . ಎಲ್ . ನಾಗೇಗೌಡರು ಮಾರ್ಚ್ 21 , 1979 ರಂದು ಸ್ಥಾಪಿಸಿದ ಕರ್ನಾಟಕ ಜಾನಪದ ಪರಿಷತ್ತು ಕಳೆದ 39 ವರ್ಷಗಳ ಅವಧಿಯಲ್ಲಿ ಹಲವಾರು ಸಾಧನೆಯನ್ನು ಮಾಡಿದೆ . ಇವರೊಡನೆ ನಾಡೋಜ ಜಿ . ನಾರಾಯಣ ಇಂತವರುಗಳು ಕೈಜೋಡಿಸಿದ್ದಾರೆ . ಕರ್ನಾಟಕ ಜಾನಪದ ಪರಿಷತ್ತು ವರ್ಷ ಪೂರ್ತಿ ಅನೇಕ ಉತ್ಸವ ಮತ್ತು ಕಾರ್ಯಕ್ರಮಗಳನ್ನು ಮಾಡುತ್ತಿದ್ದು , ಜಾನಪದ ಲೋಕದಲ್ಲಿ ಸಂಕ್ರಾಂತಿ ಉತ್ಸವದಲ್ಲಿ ಉತ್ತಮ ರಾಸುಗಳಿಗೆ ಬಹುಮಾನ ವಿತರಿಸುವ ಕಾರ್ಯಕ್ರಮವನ್ನು ಹಮ್ಮಿಕೊಂಡು ಬರುತ್ತಿದೆ . ಹಾಗೂ ರಾಜ್ಯ ಮಟ್ಟದ ಗೀತ ಗಾಯನ ಸ್ಪರ್ಧೆ , ಗ್ರಾಮೀಣ ಆಟೋಟಗಳ ಉತ್ಸವ , ಗಾಳಿಪಟ ಉತ್ಸವ , ದಸರಾ ಉತ್ಸವಗಳಲ್ಲದೇ , ಪ್ರತಿ ತಿಂಗಳ 2ನೇ ಶನಿವಾರದಂದು ನಾಡಿನ ಹಿರಿಯ ಜಾನಪದ ಕಲಾವಿದರನ್ನು ಆಹ್ವಾನಿಸಿ ” ಲೋಕಸಿರಿ ” ಪ್ರಶಸ್ತಿಯನ್ನು ನೀಡಿ ಗೌರವಿಸುವ ಕಾರ್ಯಕ್ರಮವನ್ನು ಕಳೆದ ಮೂರು ವರ್ಷಗಳಿಂದಲೂ ನಿರಂತರವಾಗಿ ನಡೆಯುತ್ತಿದೆ . ಇದರ ಜೊತೆಗೆ ಪ್ರತಿ ಭಾನುವಾರ ಪ್ರವಾಸಿಗರ ಮನರಂಜನೆಗಾಗಿ ಜಾನಪದ ಕಲಾಪ್ರದರ್ಶನವನ್ನು ಏರ್ಪಡಿಸಲಾಗುತ್ತಿದೆ . ಬೆಂಗಳೂರು – ಮೈಸೂರು ಹೆದ್ದಾರಿಯ ರಾಮನಗರ ಬಳಿ ಇರುವ ಜಾನಪದ ಲೋಕದಲ್ಲಿ 2019ರ ಫೆಬ್ರವರಿ 16 ಮತ್ತು 17 ರಂದು ಪ್ರವಾಸಿ ಜಾನಪದ ಲೋಕೋತ್ಸವ – 2019 ಮತ್ತು ಕರಕುಶಲ ಪ್ರದರ್ಶನ ಮತ್ತು ಮಾರಾಟ ಮೇಳವನ್ನು ಏರ್ಪಡಿಸಲಾಗಿದೆ . ಜಾನಪದ ಲೋಕೋತ್ಸವವನ್ನು ಅತ್ಯಂತ ವಿಜೃಂಭಣೆಯಿಂದ ಆಚರಿಸಲಾಗುತ್ತಿದ್ದು , ಈ ಎರಡು ದಿನಗಳಲ್ಲಿಯೂ ಜಾನಪದ ಸಾಂಸ್ಕೃತಿಕ ಕಾರ್ಯಕ್ರಮಗಳು ಬೆಳಿಗ್ಗೆ 9 ರಿಂದ ರಾತ್ರಿ 9 ಗಂಟೆವರೆಗೂ ನಡೆಯಲಿದ್ದು , ದಿನಾಂಕ 16 . 02 . 2019ರಂದು ಬೆಳಗ್ಗೆ 10 . 30 ಗಂಟೆಗೆ ಉದ್ಘಾಟನಾ ಕಾರ್ಯಕ್ರಮವಿದ್ದು , ಪ್ರತಿ ವರ್ಷ ಲೋಕೋತ್ಸವನ್ನು ನೋಡಲು ಕಲಾವಿದರು ವಿದ್ವಾಂಸರು ಮತ್ತು ಕಲಾಸಕ್ತರು ರಾಜ್ಯದ ಬೇರೆ ಬೇರೆ ಭಾಗದಿಂದ ಬರುತ್ತಾರೆ . ಈ ಉತ್ಸವದಲ್ಲಿ ಕರ್ನಾಟಕದ ಬೇರೆ ಬೇರೆ ಭಾಗಗಳ ಕಲೆಗಳ ಪ್ರದರ್ಶನ ಇರುತ್ತದೆ . ಹೊರರಾಜ್ಯಗಳ ಜನಪದ ಕಲಾವಿದರುಗಳನ್ನೂ ಸಹ ಆಹ್ವಾನಿಸಿ ಅವರ ಕಲಾ ಪ್ರದರ್ಶನಕ್ಕೂ ವ್ಯವಸ್ಥೆ ಮಾಡಲಾಗಿದೆ . ಹಾಗೂ ಕನ್ನಡ ಜಾನಪದ ಜಗತ್ತಿನ ಉತೃಷ್ಟ ಹಿರಿಯ ಜನಪದ ಕಲಾವಿದರಗಳನ್ನು ಗುರುತಿಸಿ ಅವರುಗಳಿಗೆ ಪ್ರಶಸ್ತಿಗಳನ್ನು ನೀಡಿ ಗೌರವಿಸಲಾಗುತ್ತದೆ .

ಈ ವರ್ಷವೂ ರಾಜ್ಯದ ವಿವಿಧ ಜಿಲ್ಲೆಗಳಿಂದ ಬರುವ ಮೂವತ್ತಕ್ಕೂ ಹೆಚ್ಚು ಜಾನಪದ ಕಲಾತಂಡಗಳು ಭಾಗವಹಿಸಲಿದ್ದು , ನೀdnbಸಿ ತrಳಿಕ , ಲಿಲಿಂಬಿ ನೃತ್ಯ , ದೇವರ ಓಲಗ , ಉಮ್ಮತ್ತಾಟ , ಲಂಬಾಣಿ ಕುಣಿತ , Hereು ಕುಣಿತ , ಪಟಾ ಕುಣಿತ , ತಮಟೆ ಕುಣಿತ , ಪೂಜಾ ಕುಣಿತ , ಡೊಳ್ಳು ಕುಣಿತ , ಹಾಡು ಮೇಳ , ಜನಪದ ನೃತ್ಯ , ವೀರಭದ್ರ ಕುಣಿತ , ಸೋಮನ ಕುಣಿತ , ಕೋಲಾಟ , ಗೀತ ಗಾಯನ ಇತ್ಯಾದಿ ಕಲೆಗಳು ಪ್ರದರ್ಶನಗೊಳ್ಳಲಿವೆ . ಇದರ ಜೊತೆಗೆ ನಮ್ಮ ಮನವಿ ಮೇರೆಗೆ ಈ ಬಾರಿ ಈ ಎರಡು ದಿನಗಳಲ್ಲೂ ಅಂದರೆ ದಿನಾಂಕ 16 / 02 / 2019 ಮತ್ತು ದಿನಾಂಕ 17 / 02 / 2019 ರಂದು ಹೊರ ರಾಜ್ಯವಾದ ಕೇರಳದ ಕೂಡಿಯಾಟ೦ , ಮಹಾರಾಭ್ಯದ ಲಾವಣಿ , ತಮಿಳುನಾಡಿನ ತಪ್ಪಾಟಂ , ಎಲ್ಲಪಾಟಂ , ತೆರಕೊತು ಜಾನಪದ ಕಲಾವಿದರು ಜಾನಪದ ಲೋಕಕ್ಕೆ ಬಂದು ಕಲಾಪ್ರದರ್ಶನ ನೀಡಲಿದ್ದಾರೆ . ಅಲ್ಲದೆ ಉತೃಷ್ಟ ಜಾನಪದ ಕಲಾವಿದರಿಗೆ ಪ್ರಶಸ್ತಿ ಪ್ರದಾನ ಸಮಾರಂಭವನ್ನು ಇಟ್ಟುಕೊಳ್ಳಲಾಗಿದೆ . ದಿನಾಂಕ : 15 / 02 / 2019ರ ಶನಿವಾರ ಬೆಳಗ್ಗೆ 10 . 30ಕ್ಕೆ ಲೋಕೋತ್ಸವದ ಉದ್ಘಾಟನೆಯನ್ನು ಕರ್ನಾಟಕ ಜಾನಪದ ವಿಶ್ವವಿದ್ಯಾಲಯದ ಕುಲಪತಿಗಳಾದ ಪ್ರೊ . ಡಿ . ಜಿ . ನಾಯಕ್ ಅವರು ಉದ್ಘಾಟಿಸಲಿದ್ದಾರೆ . ಮುಖ್ಯ ಅತಿಥಿಗಳಾಗಿ ರಾಮನಗರದ ಸಂಸದರು , ವಿಧಾನ ಪರಿಷತ್ ಸದಸ್ಯರುಗಳು , ಶಾಸಕರು , ಜಿಲ್ಲಾಧಿಕಾರಿಗಳು , ಜಿಲ್ಲಾ ಪಂಚಾಯತ್ ಅಧ್ಯಕ್ಷರು ಹಾಗೂ ಇತರೆ ಗಣ್ಯರು ಭಾಗವಹಿಸಲಿದ್ದಾರೆ . ಇದೇ ದಿನ ಕರಕುಶಲ ಮೇಳ ಉದ್ಘಾಟನೆಯನ್ನು ಕರ್ನಾಟಕ ಜಾನಪದ ಅಕಾಡೆಮಿ ಅಧ್ಯಕ್ಷರಾದ ಶ್ರೀ ಬಿ . ಟಾಕಪ್ಪ ಅವರು ನಡೆಸಿಕೊಡಲಿದ್ದಾರೆ . ಅಲ್ಲದೆ , ಸಂಜೆ 5 . 30ಕ್ಕೆ ವೈವಿಧ್ಯಮಯ ಜಾನಪದ ನೃತ್ಯ ಹಾಗೂ ಗೀತಗಾಯನ ಕಾರ್ಯಕ್ರಮವಿರುತ್ತದೆ . ದಿನಾಂಕ : 17 / 02 / 2019ರಂದು ಬೆಳಗ್ಗೆ 11 ಕ್ಕೆ ಕರ್ನಾಟಕ ಜಾನಪದ ಪರಿಷತ್ತಿನ ಜಿಲ್ಲಾ ಘಟಕಗಳ ಅಧ್ಯಕ್ಷರುಗಳೊಂದಿಗೆ ‘ ಜಾನಪದ ಜಿಲ್ಲಾ ಉತ್ಸವ ಹಾಗೂ ಜಿಲ್ಲಾ ಘಟಕಗಳ ಕಾರ್ಯನಿರ್ವಹಣೆ ” ಕುರಿತು ಸಂವಾದ ಕಾರ್ಯಕ್ರಮ ಏರ್ಪಡಿಸಲಾಗಿದೆ . ಸಂಜೆ 5 ಗಂಟೆಗೆ ಜಾನಪದ ಕಲಾವಿದರುಗಳಿಗೆ ಪ್ರಶಸ್ತಿ ವಿತರಣೆ ಮತ್ತು ಸಮಾರೋಪ ಸಮಾರಂಭವಿದ್ದು , ಪ್ರಶಸ್ತಿ ಪ್ರದಾನ ಸಮಾರಂಭದ ದಿವ್ಯ ಸಾನಿಧ್ಯವನ್ನು ಪರಮಪೂಜ್ಯ ಜಗದ್ಗುರು ಶ್ರೀ ಶ್ರೀ ಶ್ರೀ ಡಾ . ನಿರ್ಮಲಾನಂದನಾಥ ಮಹಾಸ್ವಾಮಿಗಳು ವಹಿಸಲಿದ್ದಾರೆ . ಹಿರಿಯ ಜಾನಪದ ಕಲಾವಿದರುಗಳಿಗೆ ಕರ್ನಾಟಕ ಗಡಿ ಮತ್ತು ನದಿಗಳ ರಕ್ಷಣಾ ಆಯೋಗದ ಅಧ್ಯಕ್ಷರಾದ ನ್ಯಾಯಾಮೂರ್ತಿ ಶ್ರೀ ಕೆ . ಎಲ್ . ಮಂಜುನಾಥ್ ಅವರು ಪ್ರಶಸ್ತಿಯನ್ನು ಪ್ರದಾನ ಮಾಡಲಿದ್ದಾರೆ . ಕಲಾವಿದರಿಗೆ ನೀಡುವ ಪ್ರಶಸ್ತಿ ಮೊತ್ತವು 15 , 000 / – , 10 , 000 / – ಮತ್ತು 5 , 000 / – ರೂ . ಗಳನ್ನು ಒಳಗೊಂಡಿದ್ದು ಜಾನಪದ ಕ್ಷೇತ್ರಕ್ಕೆ ಒಟ್ಟು 32 ಪ್ರಶಸ್ತಿಗಳನ್ನು ನೀಡಲಾಗುತ್ತಿದೆ . ಈ ಪ್ರವಾಸಿ ಜಾನಪದ ಲೋಕೋತ್ಸವವನ್ನು ರಾಜ್ಯ ಪ್ರವಾಸೋದ್ಯಮ ಇಲಾಖೆ ಮತ್ತು ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಸಹಯೋಗದೊಂದಿಗೆ ನಡೆಸಲಾಗುತ್ತಿದೆ . ಸಾರ್ವಜನಿಕರಿಗೆ ಎರಡು ದಿನಗಳೂ ಜಾನಪದ ಲೋಕಕ್ಕೆ ಉಚಿತ ಪ್ರವೇಶವಿರುತ್ತದೆ.

City Today News

(citytoday.media)

9341997936

ಕರ್ನಾಟಕ ಬಜೆಟ್‌ನಲ್ಲಿ ಅಲ್ಪಸಂಖ್ಯಾತರಿಗೆ ಅನ್ಯಾಯ : ಎಸ್‌ಡಿಪಿಐ

Posted on by City Today News (City today.media)

ಬೆಂಗಳೂರು : ಮುಖ್ಯಮಂತ್ರಿ ಕುಮಾರಸ್ವಾಮಿ ಫೆಬ್ರವರಿ 8ರಂದು ಸದನದಲ್ಲಿ ಮಂಡಿಸಿರುವ ಬಜೆಟ್‌ನಲ್ಲಿ ಅಲ್ಪಸಂಖ್ಯಾತರಿಗೆ ಅನ್ಯಾಯವಾಗಿದೆ . . ಜೆಡಿಎಸ್ – ಕಾಂಗ್ರೆಸ್ ಪಕ್ಷ ಕಳೆದ ಚುನಾವಣೆ ಸಂದರ್ಭದಲ್ಲಿ ಮುಸ್ಲಿಮರ ಅಭಿವೃದ್ಧಿ ಬಗ್ಗೆ ಶಿಫಾರಸ್ಸು ಮಾಡಿದ ಸಾಚಾರ್ ಮತ್ತು ಮಿಶ್ರಾ ಆಯೋಗದ ಶಿಫಾರಸ್ಸುಗಳನ್ನು ಜಾರಿಗೆ ತರಲಾಗುವುದು ಎಂದು ಭರವಸೆ ನೀಡಿತ್ತು . ರಾಜ್ಯದಲ್ಲಿ ಅತೀ ಹಿಂದುಳಿದ ಜನಸಮುದಾಯವಾಗಿದೆ ಮುಸ್ಲಿಂ ಸಮುದಾಯ . ಸಮಗ್ರ ಕರ್ನಾಟಕ ಅಭಿವೃದ್ಧಿಯಾಗಬೇಕಾದರೆ ಹಿಂದುಳಿದ ಮುಸ್ಲಿಮರು ಪ್ರಗತಿ ಸಾಧಿಸಬೇಕಾಗಿದೆ . ಈ ನಿಟ್ಟಿನಲ್ಲಿ ಸಮ್ಮಿಶ್ರ ಸರಕಾರ ವಿಶೇಷ ಕಾಳಜಿ ವಹಿಸಿ ಕೆಲಸ ಮಾಡಬೇಕಾಗಿತ್ತು . ಆದರೆ ಬಜೆಟ್‌ನಲ್ಲಿ ಯಾವುದೇ ವಿಶೇಷ ಹಣಕಾಸು ಮಂಜೂರು ಮಾಡದೆ ಸಮ್ಮಿಶ್ರ ಸರಕಾರ ಮುಸ್ಲಿಮರಿಗೆ ಮತ್ತೊಮ್ಮೆ ವಂಚಿಸಿದೆ . ಜಾತ್ಯಾತೀತ ಪಕ್ಷಗಳು ಅಧಿಕಾರಕ್ಕೆ ಬರಬೇಕು , ಬಿಜೆಪಿಯನ್ನು ಸೋಲಿಸಬೇಕು ಎಂದು ಮುಸ್ಲಿಮರು ಶೇಕಡಾ 95 % ಮತಗಳನ್ನು ಕಾಂಗ್ರೆಸ್ ಜೆಡಿಎಸ್ ಪಕ್ಷಕ್ಕೆ ನೀಡಿದ್ದವು . ಆದರೆ ಸಮ್ಮಿಶ್ರ ಸರಕಾರ ಮುಸ್ಲಿಂ ಮತದಾರರ ನಿರೀಕ್ಷೆಗಳನ್ನು ಹುಸಿ ಮಾಡಿದೆ ಎಂದು ಸೋಶಿಯಲ್ ಡೆಮಾಕ್ರಟಿಕ್ ಪಾರ್ಟಿ ಆಫ್ ಇಂಡಿಯಾ ( ಎಸ್‌ಡಿಪಿಐ ) ಪಕ್ಷ ಆರೋಪಿಸುತ್ತದೆ .

ರಾಜ್ಯದ ಒಟ್ಟು ಬಜೆಟ್ ಮೊತ್ತ 2ಲಕ್ಷ 34 ಸಾವಿರದ 153 ಕೋಟಿ ರೂಪಾಯಿಗಳ ಪೈಕಿ ಎಲ್ಲಾ ಅಲ್ಪಸಂಖ್ಯಾತ ಜನಸಮುದಾಯಗಳಿಗೆ ಕೇವಲ 1 ಸಾವಿರ ಕೋಟಿಗೂ ಕಡಿಮೆ ಹಣವನ್ನು ನೀಡಲಾಗಿದೆ . ಕಳೆದ ವರ್ಷ ಸಿದ್ದರಾಮಯ್ಯ ನೇತೃತ್ವದ ಕಾಂಗ್ರೆಸ್ ಸರಕಾರ 2 , 300 ಕೋಟಿ ರೂಪಾಯಿಗಳನ್ನು ನೀಡಿತ್ತು , ಅಲ್ಪಸಂಖ್ಯಾತ ಜನಸಮುದಾಯಗಳಾದ ಮುಸ್ಲಿಮ್ , ಕ್ರೈಸ್ತ , ಜೈನ್ , ಸಿಖ್ , ಪಾರ್ಸಿ , ಭೌದ್ದ ಒಟ್ಟು ಜನಸಂಖ್ಯೆಯು ರಾಜ್ಯದಲ್ಲಿನ ಒಟ್ಟು ಜನಸಂಖ್ಯೆಯ ಶೇಕಡಾ 20 % ಕ್ಕಿಂತ ಹೆಚ್ಚಿದೆ . ಈ ಸಣ್ಣ ಮೊತ್ತದಲ್ಲಿ ಅಲ್ಪಸಂಖ್ಯಾತರ ಅಭಿವೃದ್ಧಿ ಅಸಾಧ್ಯ . ಇತ್ತೀಚೆಗೆ ಮಾಜಿ ಮುಖ್ಯಮಂತ್ರಿ ಹೇಳಿಕೆ ನೀಡಿ ನಾನು ಮುಖ್ಯಮಂತ್ರಿಯಾಗಿದ್ದರೆ ಅಲ್ಪಸಂಖ್ಯಾತರ ಋಣ ತೀರಿಸಲು ಕನಿಷ್ಠ 10ಸಾವಿರ ಕೋಟಿ ಅಲ್ಪಸಂಖ್ಯಾತರಿಗೆ ನೀಡುತ್ತಿದ್ದೆ ಎಂದಿದ್ದರು . ಎಸ್‌ಡಿಪಿಐ ಪಕ್ಷವು ಕಳೆದ 3 ವರ್ಷಗಳಿಂದ 10 ಸಾವಿರ ಕೋಟಿ ರೂಪಾಯಿ ಅಲ್ಪಸಂಖ್ಯಾತರಿಗೆ ಬಜೆಟ್‌ನಲ್ಲಿ ಮೀಸಲಿಡಬೇಕೆಂದು ಹೋರಾಡುತ್ತಿದೆ . ರಾಜ್ಯ ಸರಕಾರವು ಬಿಜೆಪಿ ಮತ್ತು ಕೋಮುವಾದಿ ಶಕ್ತಿಗಳ ಒತ್ತಡಕ್ಕೆ ಮಣಿದು ಈ ರೀತಿಯ ತಾರತಮ್ಯ ಮಾಡಿದೆ . ಮುಂದಿನ ಲೋಕಸಭಾ ಚುನಾವಣೆಯಲ್ಲಿ ಜಾತ್ಯಾತೀತ ಪಕ್ಷಗಳಿಗೆ ಅಲ್ಪಸಂಖ್ಯಾತರು ಬೆಂಬಲಿಸಬೇಕೆಂದಾದರೆ ಕೂಡಲೇ 10 ಸಾವಿರ ಕೋಟಿ ರೂಪಾಯಿ ಬಜೆಟ್ ನೀಡಿ ಆ ಮೂಲಕ ಅಲ್ಪಸಂಖ್ಯಾತರ ಅಭಿವೃದ್ಧಿಗೆ ಒತ್ತು ನೀಡಬೇಕು ಮತ್ತು ಅಲ್ಪಸಂಖ್ಯಾತರ ವಿಶ್ವಾಸ ಗಳಿಸುವ ಕೆಲಸವಾಗಬೇಕೆಂದು ಎಂದು ಎಸ್‌ಡಿಪಿಐ ಒತ್ತಾಯಿಸುತ್ತದೆ . ಪಕ್ಷದ ವತಿಯಿಂದ ರಾಜ್ಯಾದ್ಯಂತ ಪ್ರತಿಭಟನೆ , ಪತ್ರಿಕಾಗೋಷ್ಠಿ , ಸಭೆ ಸಮಾರಂಭ ಮಾಡಿ ಈ ನಿಟ್ಟಿನಲ್ಲಿ ಸರಕಾರಕ್ಕೆ ಒತ್ತಡ ಹೇರಲು ತೀರ್ಮಾನಿಸಿದೆ . ರಾಜ್ಯದ ಎಲ್ಲಾ ಹಿಂದೂ , ಮುಸ್ಲಿಂ , ಕ್ರೈಸ್ತರೆಲ್ಲರೂ ಸೇರಿ ಅಲ್ಪಸಂಖ್ಯಾತರ ಹಕ್ಕು , ಸಾಮಾಜಿಕ ನ್ಯಾಯ ಕಲ್ಪನೆಯ ಈ ಸಂವಿಧಾನಬದ್ದ ಹೋರಾಟಕ್ಕೆ ಬೆಂಬಲ ನೀಡಬೇಕು . ಅಲ್ಪಸಂಖ್ಯಾತರ ಮತ ಪಡೆದು ಗೆದ್ದಿರುವ ಶಾಸಕರುಗಳು ಮುಖ್ಯಮಂತ್ರಿ ಕುಮಾರಸ್ವಾಮಿಯವರಿಗೆ ಒತ್ತಡಹಾಕಿ ಅಲ್ಪಸಂಖ್ಯಾತರ ನ್ಯಾಯಬದ್ದ ಬೇಡಿಕೆಯನ್ನು ಈಡೇರಿಸಬೇಕೆಂದು ಎಸ್‌ಡಿಪಿಐ ಆಗ್ರಹಿಸುತ್ತದೆ .

ಪತ್ರಿಕಾಗೋಷ್ಠಿಯಲ್ಲಿ ಉಪಸ್ಥಿತಿ : ಅಬ್ದುಲ್ ಹನ್ನಾನ್ ( ರಾಜ್ಯ ಪ್ರಧಾನ ಕಾರ್ಯದರ್ಶಿ , ಎಸ್‌ಡಿಪಿಐ ಕರ್ನಾಟಕ ) ಅಪ್ಪರ್ ಕೊಡ್ಲಿಪೇಟೆ ( ರಾಜ್ಯ ಕಾರ್ಯದರ್ಶಿ , ಎಸ್‌ಡಿಪಿಐ ಕರ್ನಾಟಕ ) ಜಾವೀದ್ ಆಝಾಂ ( ರಾಜ್ಯ ಕೋಶಾಧಿಕಾರಿ , ಎಸ್‌ಡಿಪಿಐ ಕರ್ನಾಟಕ ) ಶರೀಫ್ ಬೆಂಗಳೂರು ( ಜಿಲ್ಲಾಧ್ಯಕ್ಷರು , ಎಸ್‌ಡಿಪಿಐ ಬೆಂಗಳೂರು ) ಹೆಚ್ . ಎಂ . ಗಂಗಪ್ಪ ( ಉಪಾಧ್ಯಕ್ಷರು , ಎಸ್‌ಡಿಪಿಐ ಬೆಂಗಳೂರು ) ಸಮಿ ಹಝುತ್ ( ರಾಜ್ಯ ಸಮಿತಿ ಸದಸ್ಯರು , ಎಸ್‌ಡಿಪಿಐ ಕರ್ನಾಟಕ ) ಫಯಾಝ್ ಅಹ್ಮದ್ ( ರಾಜ್ಯ ಸಮಿತಿ ಸದಸ್ಯರು , ಎಸ್‌ಡಿಪಿಐ ಕರ್ನಾಟಕ )

City Today News

(citytoday.media)

9341997936