ಕೋವಿಡ್ -19 ಸಮಯದಲ್ಲಿ ಶ್ರವಣಅಂಧತ್ವ ಜೊತೆಗೆ ವಿವಿಧ ನೂನ್ಯತೆಯುಳ್ಳ ಮಕ್ಕಳಿಗೆ ಮತ್ತು ಅವರ ಪೋಷಕರಿಗಾದ ಸಮಸ್ಯೆಗಳು.

Posted on by City Today News (City today.media)

ಮಾತೃ ಅಂಧರ ಮತ್ತು ಇತರೆ ಅಂಗವಿಕಲ ಮಕ್ಕಳ ಶಿಕ್ಷಣ ಸಂಸ್ಥೆ ಯಲಹಂಕ , ಬೆಂಗಳೂರು .

ಮಾತೃ ಅಂಧರ ಮತ್ತು ಇತರ ಅಂಗವಿಕಲ ಮಕ್ಕಳ ಶಿಕ್ಷಣ ಸಂಸ್ಥೆಯು ಸೆನ್ಸ್ ಇಂಟರ್ ನ್ಯಾಷನಲ್ ಇಂಡಿಯಾ ಸಂಸ್ಥೆಯ ಸಹಯೋಗದೊಂದಿಗೆ ಸುಮಾರು 8 ವರ್ಷಗಳಿಂದ ಶ್ರವಣಅಂಧತ್ವ ಜೊತೆಗೆ ವಿವಿಧ ನೂನ್ಯತೆಯುಳ್ಳ ಅಂಗವಿಕಲ ಮಕ್ಕಳ ಏಳಿಗೆಗೆ ಯಲಹಂಕ ಉಪನಗರ ಮತ್ತು ಡಿ.ಜೆ.ಹಳ್ಳಿ , ಬೆಂಗಳೂರಿನಲ್ಲಿ ಶ್ರಮಿಸುತ್ತಿದೆ . ಸೆನ್ಸ್ ಇಂಟರ್ ನ್ಯಾಷನಲ್ ಇಂಡಿಯಾ ಸಂಸ್ಥೆಯ ಸರ್ವೆಯ ಪ್ರಕಾರ ಭಾರತ ದೇಶದಲ್ಲಿ ಸುಮಾರು 5 ಲಕ್ಷ ಶ್ರವಣಅಂಧತ್ವ ಜನರಿರುವುದು ಕಂಡುಬಂದಿದೆ ಹಾಗೆಯೇ ಕರ್ನಾಟಕದಲ್ಲಿ 5 ಸಾವಿರ ಜನರಿರುವುದು ತಿಳಿದು ಬಂದಿದೆ . 2016 ರ RPWD Act ನಲ್ಲಿ ಈ ಅಂಗವಿಕಲತೆಯನ್ನು ವಿವಿಧ ಅಂಗವಿಕಲತೆಯ ಜೊತೆಗೆ ಶ್ರವಣಅಂಧತ್ವ ಎಂದು ಸೇರಿಸಿದ್ದಾರೆ ಆದರೆ ಈ Act ಬಂದು 6 ವರ್ಷ ಕಳೆಯುತ್ತಾ ಬಂದರೂ ಇಲ್ಲಿಯವರೆಗೆ ಈ ಅಂಗವಿಕಲತೆಯನ್ನು ಗುರುತಿಸುವುದಾಗಲಿ , ಅವರಿಗೆ ಬೇಕಾಗಿರುವ ಸೌಲಭ್ಯವನ್ನು ಒದಗಿಸಿ ಸಮಾಜದ ಮುಖ್ಯವಾಹಿನಿಗೆ ತುರುವಂತಹ ಕೆಲಸವನ್ನು ಯಾರೂ ಮಾಡುತ್ತಿಲ್ಲ . ಶ್ರವಣ ಅಂದತ್ವ ಎಂದರೆ ಯಾವುದೇ ಒಬ್ಬ ವ್ಯಕ್ತಿಗೆ / ಮಗುವಿಗೆ ಸಂಪೂರ್ಣವಾಗಿ ಅಥವಾ ಸ್ವಲ್ಪ ಮಟ್ಟಿಗೆ ಕಣ್ಣು ಕಾಣಿಸದೆ ಇರುವುದು ಜೊತೆಗೆ ಕಿವಿ ಕೇಳಿಸದೆ ಇರುವುದಕ್ಕೆ ಶ್ರವಣ ಅಂಧತ್ವ ಎಂದು ಕರೆಯುತ್ತಾರೆ . ಹಾಗೂ ಈ ಮಕ್ಕಳಲ್ಲಿ ಸಂವಹನ , ಬೆಳವಣಿಗೆ ಮತ್ತು ಶಿಕ್ಷಣಕ್ಕೆ ಸಂಬಂಧಿಸಿದಂತೆ ತೀವ್ರವಾದ ಸಮಸ್ಯೆಗಳು ಉಂಟಾಗುತ್ತದೆ . ಕರ್ನಾಟಕದಲ್ಲಿಯೇ ಪ್ರಪ್ರಥಮವಾಗಿ ಶ್ರವಣಅಂಧತ್ವದ ಜೊತೆಗೆ ವಿವಿಧ ನೂನ್ಯತೆಯುಳ್ಳ ಅಂಗವಿಕಲ ಮಕ್ಕಳ ಬಗ್ಗೆ ಕೆಲಸ ಮಾಡುತ್ತಿರುವ ಏಕೈಕ ಸಂಸ್ಥೆ ಎಂದರೆ ಅದುವೆ ಮಾತೃ ಅಂಧರ ಮತ್ತು ಇತರೆ ಅಂಗವಿಕಲ ಮಕ್ಕಳ ಶಿಕ್ಷಣ ಸಂಸ್ಥೆಯಾಗಿದೆ .

ಸಂಸ್ಥೆಯು ಈ ಅಂಗವಿಕಲ ಮಕ್ಕಳಿಗೆ ಅವರ ವಯಸ್ಸಿಗೆ ಅನುಗುಣವಾಗಿ ಹಾಗೂ ಅವರಿಗೆ ಅತಿ ಅವಶ್ಯಕವಾಗಿ ಬೇಕಾಗಿರುವ ತರಬೇತಿಯನ್ನು ಕೇಂದ್ರ ಆಧಾರಿತವಾಗಿ , ಗೃಹ ಆಧಾರಿತವಾಗಿ ಮತ್ತು ಸಹಾಯ ಆಧಾರಿತವಾಗಿ ನೀಡುತ್ತಿದೆ . ಹಾಗೆಯೇ 18 ವರ್ಷ ಮೇಲ್ಪಟ್ಟ ಯುವಕ / ಯುವತಿಯರಿಗೆ ವೃತ್ತಿಪರ ಕೌಶಲ್ಯ ತರಬೇತಿಯನ್ನು ನೀಡುವುದರ ಜೊತೆಗೆ 25000 ರೂಗಳನ್ನು ನೀಡಿ ಮುಂದಿನ ಭವಿಷ್ಯಕ್ಕೆ ಅನುವುಮಾಡಿಕೊಡುತ್ತಿದೆ .

ಕೋವಿಡ್ -19 ಸಮಯದಲ್ಲಿ ಶ್ರವಣಅಂಧತ್ವ ಜೊತೆಗೆ ವಿವಿಧ ನೂನ್ಯತೆಯುಳ್ಳ ಮಕ್ಕಳಿಗೆ ಮತ್ತು ಅವರ ಪೋಷಕರಿಗಾದ ಸಮಸ್ಯೆಗಳು.

1. ಔಷಧಿಯ ಸಮಸ್ಯೆ 2. ಪಿಂಚಣಿ ಸಮಸ್ಯೆ 3. ಶಾಲೆಗೆ ರಜೆ ನೀಡಿರುವುದರಿಂದ ನಮ್ಮ ಮಕ್ಕಳ ನಡತೆಯಲ್ಲಿ ಬದಲಾವಣೆ ಹಾಗೂ ಕಲಿಕೆಯಲ್ಲಿ ಹಿಂದುಳಿದಿರುವಿಕೆ , 4. ಆರ್ಥಿಕ ಸಮಸ್ಯೆ 5. ಸರ್ಕಾರಿ ಯೋಜನೆಗಳು ಜಾರಿಗೆ ಬರದ ಕೋವಿಡ್ -19 ಸಮಯದಲ್ಲಿ ರದ್ದಾಗಿ ಬದಲಾಗಿರುವುದು . 6. ಲಾಕ್ ಡೌನ್ ಸಮಯದಲ್ಲಿ ಸರ್ಕಾರದ ಸಹಾಯ ಸಿಗದೆ ಇರುವುದು , 7. ತುರ್ತು ಸಮಯದಲ್ಲಿ ಹೊರಗೆ ಹೋಗಲು ವಾಹನಗಳ ಸಮಸ್ಯೆ . 8. ಸುಮಾರು ದಿನಗಳವರೆಗೆ ಮಕ್ಕಳನ್ನು ಮನೆಯಲ್ಲಿಯೇ ಇರಿಸಿಕೊಳ್ಳುವಂತೆ ಆಗಿತ್ತು . 9. ಕೋವಿಡ್ -19 ಸಮಯದಲ್ಲಿ ಬೆಲೆ ಏರಿಕೆಯ ಸಮಸ್ಯೆ . 10 , ಕೋವಿಡ್ -19 ಲಸಿಕೆ ಪಡೆಯುವಲ್ಲಿ ಸಮಸ್ಯೆ . II . ಒಂದು ವೇಳೆ ಭವಿಷ್ಯದಲ್ಲಿ ಮತ್ತೆ ಲಾಕ್ ಡೌನ್ ಆದರೆ ಆ ಸಮಯದಲ್ಲಿ ಸರ್ಕಾರದ ಸಹಾಯವೇನು ?.

ಶ್ರವಣಅಂಧತ್ವ ಯುವಕನ ಸಮಸ್ಯೆಗಳು .

1. ಕೋವಿಡ್ -19 ಸಮಯದಲ್ಲಿ ಶಾಲೆ ಇರಲಿಲ್ಲ . 2. ಫೇಡ್ಸ್ ಜೊತೆಗೆ ಇರಲಿಲ್ಲ . 3. ಹೊಸ – ಹೊಸ ಕಲಿಕೆ ಇರಲಿಲ್ಲ . 4. ಏಲ್ಲಿಯೂ ಹೊರಗಡೆ ಹೊಗುವಹಾಗಿಲ್ಲ ಮತ್ತು ಒಂದೇ ಕಡೆ ಇದ್ದು ಬೇಜಾರು . 5. ಪ್ರತಿಯೋಬ್ಬರನ್ನು ಮುಟ್ಟದೆ ನಾವು ಮಾತನಾಡಿಸುವುದಿಲ್ಲ ಹಾಗಾಗಿ ಇನ್ನೊಬ್ಬರನ್ನು ಮಾತನಾಡಿಸಲು ಭಯವಾಗಿತ್ತು . 6. ಪ್ರತಿಬಾರಿಯೋ ಸ್ಯಾನಿಟೈಜರ್‌ ಮತ್ತು ಮಾಸ್ಕ್ ಹಾಕಿಕೊಂಡು ಇರಬೇಕು . 7. ಅತಿ ಅವಶ್ಯಕ ವಸ್ತುಗಳ ಜೋಪಾನ ಮಾಡುವುದು ಕಟ್ಟಕರ ಎಂದು ಮಾತೃ ಅಂಧರ ಮತ್ತು ಇತರ ಅಂಗವಿಕಲ ಮಕ್ಕಳ ಶಿಕ್ಷಣ ಸಂಸ್ಥೆಯು ಸೆನ್ಸ್ ಇಂಟರ್ ನ್ಯಾಷನಲ್ ಇಂಡಿಯಾ ಸಂಸ್ಥೆಯ ನಾರಾಯಣ, ಬಿ ಪತ್ರಿಕೆ ಪ್ರಕಟಣೆಯಲ್ಲಿ ತಿಳಿಸಿದರು

City Today News

9341997936

ಚಕ್ರತೀರ್ಥ ಬಂಧನಕ್ಕೆ ಆಗ್ರಹಿಸಿ ಜೂನ್ 3 ಕ್ಕೆ ಜನಸಾಮಾನ್ಯ ಒಕ್ಕಲಿಗರ ವೇದಿಕೆಯಿಂದ ಬೃಹತ್ ಪ್ರತಿಭಟನೆ

Posted on by City Today News (City today.media)

ಕುವೆಂಪು ರಚಿಸಿದ ನಾಡಗೀತೆಯನ್ನು ಅಶ್ಲೀಲವಾಗಿ ತಿರುಚಿ ಸಾಮಾಜಿಕ ತಾಣಗಳಲ್ಲಿ ಪೋಸ್ಟ್ ಮಾಡಿದ ರೋಹಿತ್ ಚಕ್ರತೀರ್ಥರನ್ನು ಪಠ್ಯಪುಸ್ತಕ ಪರಿಶೀಲನಾ ಸಮಿತಿಯಿಂದ ಉಚ್ಚಾಟಿಸಬೇಕು ಹಾಗೂ ಅವರಿಗೆ ಕಠಿಣ ಶಿಕ್ಷೆ ವಿಧಿಸಬೇಕು . ಎಂದು ಆಗ್ರಹಿಸಿ ಜೂನ್ 3 ರಂದು ಬೃಹತ್ ಪ್ರತಿಭಟನೆ ನಡೆಸುವುದಾಗಿ ಜನಸಾಮಾನ್ಯ ಒಕ್ಕಲಿಗರ ವೇದಿಕೆ ತಿಳಿಸಿದೆ .

ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಜನಸಾಮಾನ್ಯ ಒಕ್ಕಲಿಗರ ವೇದಿಕೆ ರಾಜ್ಯಾಧ್ಯಕ್ಷ ಬಿ.ಟಿ.ನಾಗಣ್ಣ , “ ಕುವೆಂಪುರವರು ನಾಡು ಕಂಡ ಅತ್ಯಂತ ಶ್ರೇಷ್ಠ ಸಾಹಿತಿಗಳಲ್ಲಿ ಒಬ್ಬರು . ಅವರು ರಚಿಸಿದ ನಾಡಗೀತೆಯನ್ನು ಅಶ್ಲೀಲವಾಗಿ ತಿರುಚಿ ಸಾಮಾಜಿಕ ತಾಣಗಳಲ್ಲಿ ಹಂಚಿಕೊಳ್ಳುವ ಮೂಲಕ ರೋಹಿತ್ ಚಕ್ರತೀರ್ಥ ಒಕ್ಕಲಿಗ ಸಮುದಾಯಕ್ಕೆ ಮಾತ್ರವಲ್ಲದೇ ಇಡೀ ನಾಡಿಗೆ ಅವಮಾನ ಮಾಡಿದ್ದಾನೆ . ಜೊತೆಗೆ , ಕನ್ನಡ ಧ್ವಜವನ್ನು ತನ್ನ ಒಳಉಡುಪಿಗೆ ಹೋಲಿಸಿ ವ್ಯಂಗ್ಯವಾಡಿದ್ದಾನೆ . ಕುವೆಂಪುರವರ ಆಯ್ದ ಸಾಲುಗಳನ್ನು ಮುಂದಿಟ್ಟುಕೊಂಡು ಅವರ ವಿರುದ್ಧ ಅವಹೇಳನಕಾರಿಯಾಗಿ ಪತ್ರಿಕೆಯೊಂದಕ್ಕೆ ಲೇಖನವನ್ನೂ ಈತ ಬರೆದಿದ್ದ . ಇಂತಹವನಿಗೆ ಪಠ್ಯಪುಸ್ತಕ ಪರಿಶೀಲನಾ ಸಮಿತಿಯಂತಹ ಜವಾಬ್ದಾರಿಯುತ ಸ್ಥಾನ ನೀಡುವ ಮೂಲಕ ರಾಜ್ಯ ಸರ್ಕಾರ ದೊಡ್ಡ ತಪ್ಪು ಮಾಡಿದೆ ” ಎಂದು ಹೇಳಿದರು .

“ ಜೂನ್ 3 ರ ಶುಕ್ರವಾರದಂದು ಬೆಳಗ್ಗೆ 11 ಗಂಟೆಗೆ ಬೆಂಗಳೂರಿನ ಮೌರ್ಯ ಹೋಟೆಲ್ ಸಮೀಪ ಬೃಹತ್ ಪ್ರತಿಭಟನ ನಡೆಸಲಿದ್ದೇವೆ . ಸುಮಾರು 500 ಕ್ಕೂ ಒಕ್ಕಲಿಗರು ಪ್ರತಿಭಟನೆಯಲ್ಲಿ ಭಾಗವಹಿಸುವ ನಿರೀಕ್ಷೆಯಿದೆ . ಪಠ್ಯಪುಸ್ತಕ ಪರಿಶೀಲನಾ ಸಮಿತಿಯಿಂದ ರೋಹಿತ್ ಚಕ್ರತೀರ್ಥವನ್ನು ವಜಾ ಮಾಡಬೇಕು ಹಾಗೂ ಆತನ ವಿರುದ್ಧ ಎಫ್‌ಐಆರ್‌ ದಾಖಲಿಸಿಕೊಂಡು ಶೀಘ್ರವೇ ಬಂಧಿಸಬೇಕು ಎಂದು ಸರ್ಕಾರವನ್ನು ಆಗ್ರಹಿಸುತ್ತೇವೆ . ಇದು ನಾಡಿನ ಸಮಸ್ತ ಒಕ್ಕಲಿಗರ ಸ್ವಾಭಿಮಾನದ ಪ್ರಶ್ನೆಯಾಗಿದ್ದು , ರಾಷ್ಟ್ರಕವಿ ಕುವೆಂಪುರವರಿಗೆ ಮಾಡಿದ ಈ ಅವಮಾನವನ್ನು ನೋಡಿಕೊಂಡು ಸುಮ್ಮನಿರುವ ಪ್ರಶ್ನೆಯೇ ಇಲ್ಲ ‘ ‘ ಎಂದು ಬಿ.ಟಿ.ನಾಗಣ್ಣ ಹೇಳಿದರು .

ಈಗಾಗಲೇ ಅನೇಕ ಸಾಹಿತಿಗಳು , ಸಂಘಟನೆಗಳು , ಗಣ್ಯ ವ್ಯಕ್ತಿಗಳು ರೋಹಿತ್ ವಿರುದ್ಧ ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸಿದ್ದಾರೆ . ಸಾಹಿತಿಗಳಾದ ದೇವನೂರ ಮಹಾದೇವ ಹಾಗೂ ಜಿ.ರಾಮಕೃಷ್ಣರವರು ತಮ್ಮ ಲೇಖನಗಳನ್ನು ಪಠ್ಯಪುಸ್ತಕದಿಂದ ಕೈಬಿಡಿ ಎಂದು ಆಗ್ರಹಿಸಿದ ಘಟನೆಯೂ ನಡೆದುಹೋಗಿದೆ . ಸರ್ಕಾರಕ್ಕೆ ಇದಕ್ಕಿಂತ ನಾಚಿಕೆಗೇಡಿನ ಸಂಗತಿ ಮತ್ತೊಂದಿಲ್ಲ . ಕನ್ನಡ ಹಾಗೂ ಕುವೆಂಪು ವಿರೋಧಿಗಳಿಗೆ ಬೆನ್ನೆಲುಬಾಗಿ ನಿಲ್ಲುವ ಮೂಲಕ ರಾಜ್ಯ ಸರ್ಕಾರವು ನಾಡದ್ರೋಹ ಮಾಡುತ್ತಿದೆ ” ಎಂದು ಬಿ.ಟಿ.ನಾಗಣ್ಣ ಪತ್ರಿಕಾ ಗೋಷ್ಠಿಯಲ್ಲಿ ಆಕ್ರೋಶ ವ್ಯಕ್ತಪಡಿಸಿದರು .

City Today News

9341997936

ಈಡಿಗ ಹಾಗೂ 26 ಪಂಗಡಗಳ ಸಮುದಾಯಕ್ಕೆ ನ್ಯಾಯವನ್ನು ಒದಗಿಸಬೇಕೆಂದು ವಿನಂತಿ

Posted on by City Today News (City today.media)

ಕರ್ನಾಟಕ ರಾಜ್ಯದ ಈಡಿಗ ಹಾಗೂ 26 ಸಮುದಾಯ ಪಂಗಡಗಳ ಬೇಡಿಕೆಯನ್ನು ಈಡೇರಿಸುವ ಕುರಿತು .

ಈ ಮೇಲ್ಕಂಡ ವಿಷಯಕ್ಕೆ ಸಂಬಂಧಿಸಿದಂತೆ , ಕರ್ನಾಟಕ ರಾಜ್ಯದಲ್ಲಿ ಈಡಿಗ , ಬಿಲ್ಲವ , ನಾಮದಾರಿ , ನಾಯ್ಕ , ದೀವರ ಈ ರೀತಿಯ ಜಾತಿಗಳು ಸೇರಿದಂತೆ 26 ಪಂಗಡಗಳು ಸೇರಿಕೊಂಡು 70 ಲಕ್ಷ ಜನ ಸಂಖ್ಯೆಗೂ ಹೆಚ್ಚ ಸಮುದಾಯಗಳು ಇರುತ್ತದೆ . ಈಗ ಆಡಳಿತ ಪಕ್ಷದಲ್ಲಿ 7 ಜನ ಶಾಸಕರು ಹಾಗೂ ಇಬ್ಬರು ಮಂತ್ರಿಗಳು ಕೂಡ ಆಗಿರುತ್ತಾರೆ . ಆದರೆ , ಈ ಸಮುದಾಯಕ್ಕೆ ಇಲ್ಲಿಯವರೆಗೆ ಸೂಕ್ತ ನ್ಯಾಯ ಸಿಕ್ಕಿರುವುದಿಲ್ಲ . ನಮ್ಮ ಈಡಿಗ ಸಮುದಾಯದ ಕುಲಕಸುಬಾದ ಸೇಂದಿ ನಿಲ್ಲಿಸಿ ಈಗಾಗಲೇ 18 ವರ್ಷಗಳಾಗಿವೆ . ನಮ್ಮ ಸಮುದಾಯದ ಕುಲಕಸುಬು ಮರಳಿ ಬರುವುದಕ್ಕೋಸ್ಕರ ಈಡಿಗ ಸಮುದಾಯದ ಗುರುಗಳಾದ ಪರಮ ಪೂಜ್ಯ ಡಾ || ಪ್ರಣವನಂದ ಸ್ವಾಮಿಗಳ ನೇತೃತ್ವದಲ್ಲಿ ಕಳೆದ ತಿಂಗಳು 5 ನೇ ತಾರೀಖಿನಿಂದ 11 ನೇ ತಾರೀಖಿನವರೆಗೂ 7 ದಿನಗಳ ಕಾಲ 178 ಕಿ.ಮೀ.ವರೆಗೂ ಚಿಂಚೋಳಿಯಿಂದ ಪ್ರಾರಂಭಿಸಿ ಕಲಬುರುಗಿ ಜಿಲ್ಲಾಧಿಕಾರಿಗಳ ಕಛೇರಿವರೆಗೆ ಪಾದಯಾತ್ರೆ ಮಾಡಿ ಅಲ್ಲಿನ ಜಿಲ್ಲಾಧಿಕಾರಿಗಳಿಗೆ ಮನವಿಯನ್ನು ಸಲ್ಲಿಸಲಾಯಿತು . ಈ ಒಂದು ಕಾರ್ಯಕ್ರಮಕ್ಕೆ ಸಾವಿರಾರು ಸಂಖ್ಯೆಯಲ್ಲಿ ಸಮುದಾಯದ ಬಂಧುಗಳು ಸೇರಿರುತ್ತಾರೆ . ಹಾಗೂ ನಮ್ಮ ಬೇಡಿಕೆ ಈಡೇರುವವರೆಗೂ ಶ್ರೀಗಳ ನೇತೃತ್ವದಲ್ಲಿ ಬೃಹತ್ ಸಮಾವೇಶ ಹಾಗೂ ಅಮರಣಾಂತ ಉಪವಾಸ ಸತ್ಯಾಗ್ರಹವನ್ನು ಮುಂದಿನ ತಿಂಗಳುಗಳಲ್ಲಿ ಕೈಗೊಳ್ಳಲು ನಿರ್ಣಹಿಸಲಾಗಿದೆ . ಇದು ಸಮುದಾಯದ ಪ್ರಾರಂಭಿಕ ಹೋರಾಟವಾಗಿದೆ . ಹಾಗಾಗಿ ಇದೆಲ್ಲವನ್ನು ಗಮನಿಸಿ ಸರ್ಕಾರ ಕೂಡಲೇ ಕುಲಕಸುಬು ಮತ್ತು ಸಮುದಾಯದ ಅಭಿವೃದ್ಧಿ ನಿಗಮ ಘೋಷಣೆ ಮಾಡಬೇಕೆಂದು ಹಾಗೂ ಈ ಸಮುದಾಯ ಸಾಕಷ್ಟು ಸಂಕಷ್ಟ ಹಾಗೂ ನೋವಿನ ಪರಿಸ್ಥಿತಿಯಲ್ಲಿದೆ . ಆದ್ದರಿಂದ ರಾಜ್ಯ ಸರ್ಕಾರ ಕೂಡಲೇ ಬೇಡಿಕೆಗಳನ್ನು ತಮ್ಮ ಸರ್ಕಾರದ ಮೂಲಕ ಈಡೇರಿಸಿ ನಮ್ಮ ಈಡಿಗ ಹಾಗೂ 26 ಪಂಗಡಗಳ ಸಮುದಾಯಕ್ಕೆ ನ್ಯಾಯವನ್ನು ಒದಗಿಸಬೇಕೆಂದು ವಿನಂತಿಸಿಕೊಳ್ಳುತ್ತೇವೆ ಎಂದು ಡಾ || ಶ್ರೀಶ್ರೀಶ್ರೀ ಪ್ರಣವಾನಂದ ಮಹಾಸ್ವಾಮಿಗಳು ಪತ್ರಿಕಾ ಗೋಷ್ಠಿ ಯಲ್ಲಿ ತಿಳಿಸಿದರು

City Today News

9341997936

ರಾಷ್ಟ್ರದ ರೈತ ಮುಖಂಡರಾದ ರಾಕೇಶ್ , ಟೆಕಾಯತ್ , ಯದುವೀರ್ ಸಿಂಗ್ ಮತ್ತು ಕವಿತಾ ಕುರುಕುಂಟೆ ಅವರ ಮೇಲೆ ನಡೆದಿರುವ ಹಲ್ಲೆಯನ್ನು ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆಯು ಖಂಡಿಸುತ್ತದೆ

Posted on by City Today News (City today.media)

30-05-2022ರ ಸೋಮವಾರ ರಾಷ್ಟ್ರದ ರೈತ ಮುಖಂಡರಾದ ರಾಕೇಶ್ ಟಕಾಯತ್ , ಯದುವೀರ್ ಸಿಂಗ್ ಮತ್ತು ಕವಿತಾ ಕುರುಕುಂಟೆ ಯವರು ನಡೆಸಿದ ಪತ್ರಿಕಾಗೋಷ್ಠಿಯ ಸಂದರ್ಭದಕ್ಕೆ ಕಿಡಿಗೇಡಿಗಳು ರೈತ ಮುಖಂಡರ ಮೇಲೆ ಹಲ್ಲೆ ಮಾಡಿದಲ್ಲದೆ , ಮುಖಕ್ಕೆ ಮಸಿ ಬಳಿಯುವ ಕೆಲಸವನ್ನು ಮಾಡಿದ್ದಾರೆ ಇದನ್ನು ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆಯು ಖಂಡಿಸುತ್ತದೆ ರೈತ ಸಂಘಟನೆಯಲ್ಲಿ ಭಿನ್ನಾಭಿಪ್ರಾಯ ಇರಬಹುದು ರೈತರಿಗೆ ಬಂದಿರುವ ಸಂಕಷ್ಟಗಳ ವಿರುದ್ಧ ನಾವೆಲ್ಲರೂ ಒಂದೇ ಧ್ವನಿಯಾಗಿ ಕೆಲಸ ಮಾಡಿದ್ದೇವೆ , ನಾಳೆಯ ದಿನಗಳಲ್ಲಿಯೂ ಮಾಡುತ್ತೇವೆ . ಆದರೆ ಪ್ರಜಾಪ್ರಭುತ್ವದಲ್ಲಿ ಸಾಮಾನ್ಯ ನಾಗರಿಕರು ತನ್ನ ಹಕ್ಕೊತ್ತಾಯಕ್ಕಾಗಿ ಸರ್ಕಾರಕ್ಕೆ ಹೇಳುವ ಕೇಳುವ ಪ್ರಯತ್ನ ಮಾಡುತ್ತಾರೆ , ಆದರೆ ಕೆಲವು ಪಕ್ಷಗಳು , ನ್ಯಾಯದ ಧ್ವನಿ ಮುಚ್ಚಿಸುವ ಕೆಲಸಗಳಿಗೆ ಪುಂಡರನ್ನು ಬಳಸಿ ಬೆಂಬಲಿಸುವುದು ಸರಿಯಾದ ಕ್ರಮವಲ್ಲ . ಈಗ ನಡೆದಂತಹ ಘಟನೆಗಳು ಮುಖಂಡರುಗಳಿಗೆ ಈ ತರಹದ ಕೃತ್ಯ ನಡೆಸಲು ಅವಕಾಶ ಮಾಡಿಕೊಟ್ಟಿರುವ ರಾಜ್ಯ ಸರ್ಕಾರದ ನಡೆ ಇಡೀ ನಾಡಿನ ರೈತರಿಗೆ ಮತ್ತು ನಾಗರಿಕರಿಗೆ ಮಾಡಿದ ಅಪಮಾನವಾಗಿರುತ್ತದೆ . ಈ ಹಿನ್ನೆಲೆಯಲ್ಲಿ ರಾಜ್ಯ ಸರ್ಕಾರವು ರೈತ ಮುಖಂಡರಿಗೆ ಆದಂತಹ ಘಟನೆಯ ಬಗ್ಗೆ ಕೃಷ್ಣ ನಡೆಸಿರುವವರ ವಿರುದ್ಧ ಕಾನೂನಾತ್ಮಕ ಕ್ರಮ ಕೈಗೊಳ್ಳಬೇಕು ,

ಮಾಧ್ಯಮಗಳು ಇರಬೇಕು ಸಮಾಜದ ಒಳಿತಿಗೆ , ಸಮಾಜದ ಕಣ್ಣೆರೆಸಲು ಕೆಲಸ ಮಾಡುತ್ತಿರುವ ಮಾಧ್ಯಮ ಸಮೂಹಕ್ಕೆ ಯಾವುದೋ ಒಂದು ಮಾಧ್ಯಮದ ವ್ಯಕ್ತಿ ಮಾಡುವ ಅನಾಚಾರಗಳು ತಪ್ಪಾಗುತ್ತದೆ . ನಾನು ಮಾಧ್ಯಮದ ಸಂಘಟನೆಗಳಿಗೂ ಮನವಿ ಮಾಡುತ್ತೇನೆ . ಹಾಗೂ ಪಬ್ಲಿಕೇಶನ್ ಮತ್ತು ಬ್ರಾಡ್ಕಾಸ್ಟಿಂಗ್ ಭಾರತ ಸರ್ಕಾರದ ಇಲಾಖೆಯ ಮುಖ್ಯಸ್ಥರಿಗೂ ಕೂಡ ಮನವಿ ಮಾಡುತ್ತೇನೆ . ಇಂತಹ ಮಾಧ್ಯಮವನ್ನು ನಿಯಂತ್ರಿಸಬೇಕೆಂದು ಮತ್ತು ಇದು ಸಂಪೂರ್ಣವಾಗಿ ನಮ್ಮ ಮೇಲೆ ನಡೆದಿರುವಂತಹ ಎಲ್ಲಾ ಪ್ರಕರಣಗಳ ಸತ್ಯ ಶೋಧನೆಗೆ ಕರ್ನಾಟಕ ಸರ್ಕಾರ ಮುಂದಾಗಬೇಕೆಂದು ಒತ್ತಾಯಿಸುತ್ತೇವೆ ಎಂದು ಕೋಡಿಹಳ್ಳಿ ಚಂದ್ರಶೇಖರ್ ರಾಜ್ಯಾಧ್ಯಕ್ಷರು ಪತ್ರಿಕಾ ಗೋಷ್ಠಿ ಯಲ್ಲಿ ತಿಳಿಸಿದರು

City Today News

9341997936

ಬಿಜೆಪಿ ಸರ್ಕಾರ ರಚನೆಯಲ್ಲಿ ವಿಜಯೇಂದ್ರ ಪಾತ್ರ ದೊಡ್ಡದು, ಅವರು ಭವಿಷ್ಯದ ನಾಯಕ – ಹರ್ಷವರ್ಧನ

Posted on by City Today News (City today.media)

ನಂಜನಗೂಡು: ಇಂದು ರಾಜ್ಯ ಬಿಜೆಪಿ ಸರ್ಕಾರವಿರುವುದಕ್ಕೆ 2019 ರ 13 ಕ್ಷೇತ್ರಗಳ ವಿಧಾನಸಭಾ ಉಪಚುನಾವಣೆಯಲ್ಲಿ ಬಿ ವೈ ವಿಜಯೇಂದ್ರ ಅವರ ಪಾತ್ರವೇ ಕಾರಣ ಎಂದು ನಂಜನಗೂಡು ಶಾಸಕ
ಬಿ ಹರ್ಷವರ್ಧನ್ ಹೇಳಿದ್ದಾರೆ.  ವಿಧಾನ ಪರಿಷತ್ ಸದಸ್ಯನಾಗುವುದಕ್ಕಿಂತ ದೊಡ್ಡ ಪಾತ್ರವನ್ನು
ಶ್ರೀ ವಿಜಯೇಂದ್ರ ಅವರು ಕರ್ನಾಟಕ ರಾಜಕೀಯದಲ್ಲಿ ನಿರ್ವಹಿಸಬೇಕು ಎಂದು ಅವರು ಹೇಳಿದ್ದಾರೆ.

ಮುಂಬರುವ ಎಂಎಲ್‌ಸಿ ಚುನಾವಣೆಯಲ್ಲಿ ಸ್ಪರ್ಧಿಸಲು ವಿಜಯೇಂದ್ರ ಅವರಿಗೆ ಅವಕಾಶ ಸಿಗದಿರುವ ಬಗ್ಗೆ ಮಾಧ್ಯಮಗಳು  ಕೇಳಿದ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಹರ್ಷವರ್ಧನ್, “ಮುಂದಿನ ದಿನಗಳಲ್ಲಿ ಅವರು ದೊಡ್ಡ ಪಾತ್ರವನ್ನು ನಿರ್ವಹಿಸಬೇಕಾಗಿದೆ. ವಿಧಾನ ಪರಿಷತ್ತಿಗೆ ಅವಕಾಶ ಸಿಗಬಹುದೆಂಬ ನಿರೀಕ್ಷೆ ಇಟ್ಟುಕೊಂಡಿದ್ದೆವು. ಖಂಡಿತವಾಗಿಯೂ ಅವರಿಗೆ ಅವಕಾಶ ನೀಡದಿರುವುದು ನಮಗೆ ನಿರಾಶೆಯಾಗಿದೆ.  ಅದೇ ಸಮಯದಲ್ಲಿ ಮುಂದಿನ ವಿಧಾನ ಸಭೆ ಚುನಾವಣೆಯಲ್ಲಿ ಸ್ಪರ್ಧಿಸಲು ಹಾದಿ ಸುಗಮವಾಗಿದ್ದು, ವರುಣಾದಿಂದ ಕಣಕ್ಕಿಳಿಯಬೇಕು ಎಂಬುದು ನಮ್ಮ ಆಶಯ. ಅವರು ಅಭ್ಯರ್ಥಿಯಾಗುತ್ತಾರೆ ಎಂದು ಈ ಭಾಗದ ಜನರು ಕಾಯುತ್ತಿದ್ದಾರೆ,’’ ಎಂದು ಹರ್ಷವರ್ಧನ್ ಹೇಳಿದರು.

ಈ ಬೆಳವಣಿಗೆಯಿಂದ ಅವರಿಗೆ ಈಗ ಹಿನ್ನಡೆ ಆಗಿರಬಹುದು. ಆದರೆ ಅವರು ನಮ್ಮ ಭವಿಷ್ಯದ ನಾಯಕ. ಪಕ್ಷ ಅವರಿಗೆ ಅವಕಾಶ ನೀಡಲಿದೆ. ಶ್ರೀ ವಿಜಯೇಂದ್ರ ಇನ್ನೂ ಚಿಕ್ಕವರು. ನಾವು ಅವನೊಂದಿಗಿದ್ದೇವೆ. ಯುವಕರಿಗೆ ಪಕ್ಷ ಅವಕಾಶ ನೀಡಲಿದೆ ಎಂದು ಹರ್ಷವರ್ಧನ್ ಹೇಳಿದರು.

ಬಿ. ಹರ್ಷವರ್ಧನ್‌ ಶಾಸಕರು – ನಂಜನಗೂಡು M: 9980099955 | Email: bharshavardhan.mla@gmail.com

City Today News

9341997936