ಡಿಜಿಟಲ್ ತಂತ್ರಜ್ಞಾನದೊಂದಿಗೆ ಮಿಷನ್ ರೋಡ್‌ನಲ್ಲಿ ಎನ್‌ ಯು ಆಸ್ಪತ್ರೆ ಹೊಸ ಅಧ್ಯಾಯ

ಡಿಜಿಟಲ್ ಸೌಲಭ್ಯಗಳೊಂದಿಗೆ ಮಿಷನ್ ರೋಡ್‌ನಲ್ಲಿ ಎನ್‌ಯು ಆಸ್ಪತ್ರೆಯ ನೂತನ ಸೂಪರ್-ಸ್ಪೆಷಾಲಿಟಿ ಕೇಂದ್ರ ಆರಂಭ

ಬೆಂಗಳೂರು, ಏಪ್ರಿಲ್ 29: ಯೂರಾಲಜಿ, ನೆಫ್ರಾಲಜಿ, ಫರ್ಟಿಲಿಟಿ ಹಾಗೂ ಟ್ರಾನ್ಸ್‌ಪ್ಲಾಂಟ್ ಚಿಕಿತ್ಸೆಯಲ್ಲಿ ಮುಂಚೂಣಿಯಲ್ಲಿರುವ ಎನ್‌ಯು ಆಸ್ಪತ್ರೆಗಳು (NU Hospitals) ಮಿಷನ್ ರೋಡ್‌ನಲ್ಲಿ ಅತ್ಯಾಧುನಿಕ ಡಿಜಿಟಲ್ ಸೌಲಭ್ಯಗಳೊಂದಿಗೆ ಹೊಸ ಸೂಪರ್-ಸ್ಪೆಷಾಲಿಟಿ ಕೇಂದ್ರವನ್ನು ಉದ್ಘಾಟಿಸಿವೆ.

ರಾಜ್ಯದ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವರಾದ ದಿನೇಶ್ ಗುಂಡೂರಾವ್ ಅವರು ಈ ಕೇಂದ್ರವನ್ನು ಉದ್ಘಾಟಿಸಿದರು. ಕಾರ್ಯಕ್ರಮದಲ್ಲಿ ಸಂಸದರು ಹಾಗೂ ಜಯದೇವ ಹೃದಯ ವಿಜ್ಞಾನ ಸಂಸ್ಥೆಯ ಮಾಜಿ ನಿರ್ದೇಶಕರಾದ ಡಾ. ಸಿ. ಎನ್. ಮಂಜುನಾಥ್, ನಟ-ನಿರ್ದೇಶಕರಾದ ರಮೇಶ್ ಅರವಿಂದ್ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.
ಹೊಸ ಕೇಂದ್ರವನ್ನು ಮುಂದಿನ ತಲೆಮಾರಿನ ಆರೋಗ್ಯ ಸೇವಾ ಕೇಂದ್ರವಾಗಿ ರೂಪಿಸಲಾಗಿದ್ದು, ಅತ್ಯಾಧುನಿಕ ಡಿಜಿಟಲ್ ಮೂಲಸೌಕರ್ಯ ಮತ್ತು ರೋಗಿ-ಕೇಂದ್ರಿತ ವಿನ್ಯಾಸದ ಸಂಯೋಜನೆ ಹೊಂದಿದೆ. ಇದರಿಂದ ಸೇವಾ ದಕ್ಷತೆ ಹೆಚ್ಚುವುದರ ಜೊತೆಗೆ ರೋಗಿಗಳಿಗೆ ಸುಲಭ ಮತ್ತು ಸಮಗ್ರ ಆರೈಕೆ ಲಭ್ಯವಾಗಲಿದೆ.

“ನೈತಿಕತೆ, ಉನ್ನತ ಗುಣಮಟ್ಟ ಮತ್ತು ಎಲ್ಲರಿಗೂ ಲಭ್ಯವಾಗುವ ಚಿಕಿತ್ಸೆಯನ್ನು ಒದಗಿಸುವ ನಮ್ಮ ಬದ್ಧತೆಯ ಪ್ರತೀಕವೇ ಈ ಆಸ್ಪತ್ರೆ,” ಎಂದು ಎನ್‌ ಯು ಆಸ್ಪತ್ರೆಗಳ ಅಧ್ಯಕ್ಷ ಡಾ. ವೆಂಕಟೇಶ್ ಕೃಷ್ಣಮೂರ್ತಿ ಹೇಳಿದರು.

ವ್ಯವಸ್ಥಾಪಕ ನಿರ್ದೇಶಕರಾದ ಡಾ. ಪ್ರಸನ್ನ ವೆಂಕಟೇಶ್ ಎಂ.ಕೆ. ಮಾತನಾಡಿ, “ಕ್ಲಿನಿಕಲ್ ಪರಿಣತಿ ಮತ್ತು ಡಿಜಿಟಲ್ ನವೀನತೆಯ ಸಮನ್ವಯದ ಮೂಲಕ ಉತ್ತಮ ಚಿಕಿತ್ಸಾ ಫಲಿತಾಂಶಗಳ ಜೊತೆಗೆ ಉತ್ತಮ ರೋಗಿ ಅನುಭವ ನೀಡುವ ಉದ್ದೇಶದಿಂದ ಈ ಕೇಂದ್ರವನ್ನು ರೂಪಿಸಲಾಗಿದೆ,” ಎಂದರು.

“ತ್ರಿತೀಯ ಮಟ್ಟದ ಆರೋಗ್ಯ ಮೂಲಸೌಕರ್ಯವನ್ನು ಬಲಪಡಿಸುವುದು ಅಗತ್ಯ. ಇಂತಹ ಸಂಸ್ಥೆಗಳು ನಾಗರಿಕರಿಗೆ ಗುಣಮಟ್ಟದ ಚಿಕಿತ್ಸೆಗೆ ಸುಲಭ ಪ್ರವೇಶ ಕಲ್ಪಿಸುತ್ತವೆ,” ಎಂದು ಸಚಿವ ದಿನೇಶ್ ಗುಂಡೂರಾವ್ ಅಭಿಪ್ರಾಯಪಟ್ಟರು.

ಡಾ. ಸಿ. ಎನ್. ಮಂಜುನಾಥ್ ಅವರು, “ನೈತಿಕ ಮೌಲ್ಯಗಳು ಮತ್ತು ಕ್ಲಿನಿಕಲ್ ಪರಿಣತಿ ಆಧಾರಿತ ಆರೋಗ್ಯ ಸೇವೆಗಳು ಸಮಾಜಕ್ಕೆ ಅವಶ್ಯಕ,” ಎಂದರು.

ನಟ ರಮೇಶ್ ಅರವಿಂದ್, “ಉನ್ನತ ಮಟ್ಟದ ಚಿಕಿತ್ಸಾ ಮಾನದಂಡಗಳನ್ನು ಕಾಪಾಡುತ್ತಿರುವುದು ಸಂತಸದ ಸಂಗತಿ,” ಎಂದು ಹೇಳಿದರು.

ಸೋಮರ್ಸೆಟ್ ಇಂಡಸ್ ಹೆಲ್ತ್ ಕೇರ್ ಫಂಡ್‌ನ ಹಿರಿಯ ಪಾಲುದಾರ ರಮೇಶ್ ಕಣ್ಮನ್, “ಎನ್‌ ಯು ಆಸ್ಪತ್ರೆಗಳು ಪರಂಪರೆಯ ವೈದ್ಯಕೀಯ ಮೌಲ್ಯಗಳನ್ನು ಆಧುನಿಕ ತಂತ್ರಜ್ಞಾನದೊಂದಿಗೆ ಸಮನ್ವಯಗೊಳಿಸಿ, ರೋಗಿಗಳಿಗೆ ವೈಯಕ್ತಿಕ ಮತ್ತು ದೀರ್ಘಕಾಲಿಕ ಆರೈಕೆಯನ್ನು ನೀಡುತ್ತಿವೆ,” ಎಂದು ಅಭಿಪ್ರಾಯಪಟ್ಟರು.

ಈ ಹೊಸ ಕೇಂದ್ರದ ಮೂಲಕ ಎನ್‌ ಯು ಆಸ್ಪತ್ರೆಗಳು ಕ್ಲಿನಿಕಲ್ ಅತ್ಯುತ್ತಮತೆ, ನವೀನತೆ ಮತ್ತು ಮಾನವೀಯ ಆರೈಕೆಯ ಸಂಯೋಜನೆಯೊಂದಿಗೆ ಸೂಪರ್-ಸ್ಪೆಷಾಲಿಟಿ ಆರೋಗ್ಯ ಸೇವೆಯಲ್ಲಿ ಹೊಸ ಮಾನದಂಡಗಳನ್ನು ಸ್ಥಾಪಿಸುವತ್ತ ಮತ್ತೊಂದು ಹೆಜ್ಜೆ ಇಟ್ಟಿವೆ.

City Today News 9341997936